SONDAPPA 16:14 - WUKE SUSI WATTI'U AL᷊AL᷊USASSA

¹⁴ I mangitou eteudde manga ghaṛṛaho lal᷊eo apan ma'ola'a manga al᷊aṛṛindu'a. Tatallu ghaṛṛaho udde inaite su anambon manga ratu su ahewallu runia wuṛṛu nangammule mangitou mapapangalo su Allo apan wahewalla, eteudde Allo wuassu Ruata Lembon Taṛṛino.

SONDAPPA 16:14 Referans Kwoze

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

1 TIMOTIUS 4:1

Ghaṛṛahon Duata ringannu masemakka nabbisara manungku su tempo apan sarun rumanta, sangkawageanganna taumata sarun massinaaddi Kristus. I mangitou sarun tumuṛṛutta manga ghaṛṛaho apan mangngal᷊iwu wuṛṛu tumantalonga manga al᷊aṛṛa'u ghaṛṛaho lal᷊eo,

SONDAPPA 20:8

wuṛṛu i tou sarun inai mangawusu walahanna apan uasal᷊iawukka su ahewallu runia, eteudde Gog wuṛṛu Magog. Setanna nangammuli mangitou inai mapapangalo, sambau ammul᷊anna apan wahewalla atonna, ere anne su tahal᷊oangnga.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

YAKOBUS 3:15

Apande ereudde tawe wuassu surga. I tou wuassu runia wuṛṛu wuassu apulu naungngu taumata, wuṛṛu wuassu setanna!

SONDAPPA 16:16

Wua'udde manga ghaṛṛaho udde nangammullu manga ratu udde su tampa apan sulal᷊ummu wisaran Ibrani isassaggo Harmagedon.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

2 TESALONIKA 2:9

Taumata lal᷊eo udde sarun rumanta ringannu sambau taṛṛino apan wahewalla wuassu Setanna. I tou sarun ma'ola'a al᷊awo'u hatin al᷊aṛṛindu'a wuṛṛu manga inolaanna apan wahewalla napenen bawahia.

MARKUS 13:22

Ana waugu mananal᷊amatta awusu wuṛṛu manga nabi awusu sarun dumanta. I mangitou sarun ma'ola'a al᷊awo'u inolaanna wahahewa wuṛṛu al᷊awo'u al᷊aṛṛindu'a ipangawusu al᷊aṛṛana'u Ruata amungkangngu wotongnge.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

SONDAPPA 16:7

Ana see i ya'u naaringikka tingikka wuassu mezbah nabbisara, “Mawu, Ruata Lembon Taṛṛino, atonna wuṛṛu su atatul᷊idda manga ṛuumanna apan niema'a si yami!”

SONDAPPA 13:3

Sambau wuassu wallatu pitu puam winatangnga udde aellehanna ere lessa apan wahewalla, arawe lessa udde napiate. Ahewallu runia uatantalongnga winatangnga udde ringannu tuttiangnga.

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

LUKAS 2:1

Su tempo udde i Kaisar Agustus namarenta tadea'u anambon tumana'u Araratuannu Roma maiwoṛṛettu aranne ana see ireengnga.

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

MATIUS 24:14

Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

YOSUA 11:5

Anambon manga ratu udde na'ammula wuṛṛu suadio'a nirumantta ana see natana'a maranin ana'u Sal᷊ukku Merom tadea'u inai mamangalo Israel.