SONDAPPA 16:12 - WUKE SUSI WATTI'U AL᷊AL᷊USASSA

¹² Napawe wua'udde mala'ekatta aiannume nallal᷊innu lal᷊oṛṛon cawanne watukku Sal᷊ukku Efrat apan wahewalla udde. Ne sal᷊ukka udde namara na'oman sara manga ratu wuassu samba'an ra'i wotongnge sumabbi umamatta.

SONDAPPA 16:12 Referans Kwoze

SONDAPPA 9:14

Tingikka udde nabbisara su mala'ekatta aiannume udde, “Pallosa'a sire appata mala'ekatta apan raṛṛapusanna su Sal᷊ukku Efrat udde!”

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 42:15

Wowone wuṛṛu wuidda sarun Ta'u olaanna lol᷊okka, anambon sasuanne Ta'u iapatolangnga. Manga wawal᷊annu sal᷊ukka Ta'u wal᷊uanna mabbal᷊i wadda'u anne, anambon dano Ta'u olaanna mamara.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

SONDAPPA 17:15

Mala'ekatta udde nabbisara lai, “Ua'e apan aellehannu udde, tampan aianannu sumasandaga udde, eteudde manga walahanna, manga tumana'u soa, manga araratuanna wuṛṛu manga wahasa.

SONDAPPA 7:2

See i ya'u naasilo sangkatou mala'ekatta waine nilumapputa wuassu samba'an ra'i. I tou uaapiddu segele wuassu Ruata apan biakka. Ringannu tingikka ma'ikkatta mala'ekatta udde namaggo sire appata mala'ekatta apan suete naasomba taṛṛino Ruata ipanggohakku ammaranne wuṛṛu tahal᷊oangnga.

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

SONDAPPA 11:14

Silaka aruane nal᷊iudde. Arawe pa'ellege! Silaka atallune ete tal᷊ang kadio'a lai sarun manansuna.

YESAYA 8:7

Ana waugu udde i Ya'u, Mawu, sarun maparantan ratun Asyur wuṛṛu anambon tantarane mapapangalo Yehuda. I mangitou sarun lumempangnga ere Sal᷊ukku Efrat apan mattaṛṛatompe'a wuṛṛu mangngelekka su manga rampinne.