SONDAPPA 15:7 - WUKE SUSI WATTI'U AL᷊AL᷊USASSA

⁷ Wua'udde sambau wuassu wallatu riadianna appata udde nangonggola su sire pitu mala'ekatta udde pitum bau cawanna wul᷊awanna apan napenen asasa'un Ruata, – Ruata apan wiakka saran mal᷊annu-l᷊annu.

SONDAPPA 15:7 Referans Kwoze

SONDAPPA 16:2

Ne mala'ekatta paarorone inaite wuṛṛu nallal᷊innu lal᷊oṛṛon cawanne su runia. Ne nilumappute manga pinsula apan mahiadda wuṛṛu tumaniten mataddu'a su anambon taumata apan pia tatialam winatangnga udde, wuṛṛu su manga taumata apan massubba paal᷊uanne.

SONDAPPA 10:6

I tou nassalu ringannu arannu Ruata apan wiakka saran mal᷊annu l᷊annu, apan nandiaddi langitta wuṛṛu runia wuṛṛu tahal᷊oangnga see lai manga al᷊awo'a apan mabbiakka sulal᷊umme. Mala'ekatta udde nabbisara, “Tempone tate lai iasoṛṛota!

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

SONDAPPA 21:9

Sangkatou wuassu wallatu sire pitu mala'ekatta apan suete nangagassa manga cawanna napenem pitu asasusa panginsueanne udde nirumanta ringangku wuṛṛu nabbisara, “Wette! I Ya'u sarun mamamtingiddu Ma'a'awingnga si'o eteudde awingngu Ana'u Domba.”

SONDAPPA 15:1

Wua'udde i ya'u naasilo su langitta sambau apan maatiangnga wuṛṛu tawe sul᷊ungnge. Pia sire pitu mala'ekatta wuṛṛu pitu asasusa apan panginsueanne. Ete indi panginsueanne Ruata mappaarantan asasa'u-Ne.

YEREMIA 25:15

Mawu, Ruatan Israel, nabbisara si ya'u, “Panganute halasin anggore indi apan buatte nilloṛṛoannu anggoru asasa'u-U. Apira'e su al᷊awo'u walahanna watukkuapa i'o Ta'u irolokka, wuṛṛu i mangitou doloṛṛa'e painuma'a anggore indi.

DARALO 75:8

Arawe ete Ruata sassane apan makkuungnga, i Tou mapawawon sangkatou wuṛṛu mapatanggaku waine.

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

SONDAPPA 17:1

Wua'udde sangkatou wuassu sire pitu mala'ekatta apan uaggasa cawanna pitu udde nirumanta ringangku wuṛṛu nabbisara, “Wette, i ya'u sarun manta'e si'o ereapa sumasandaga apan wahewalla udde sarun iṛṛuumanna, eteudde soa wahewalla apan niapararisikka su winggi manga sal᷊ukka.