SONDAPPA 15:1 - WUKE SUSI WATTI'U AL᷊AL᷊USASSA

¹ Wua'udde i ya'u naasilo su langitta sambau apan maatiangnga wuṛṛu tawe sul᷊ungnge. Pia sire pitu mala'ekatta wuṛṛu pitu asasusa apan panginsueanne. Ete indi panginsueanne Ruata mappaarantan asasa'u-Ne.

SONDAPPA 15:1 Referans Kwoze

IMAMATTA 26:21

Amungkangu i yamiu lai ta'e sidutu lullawanga si Ya'u wuṛṛu maddiri tumuṛutta si Ya'u, ne ṛuumannu lai sarun Ta'u tambanna lai paapitu.

SONDAPPA 21:9

Sangkatou wuassu wallatu sire pitu mala'ekatta apan suete nangagassa manga cawanna napenem pitu asasusa panginsueanne udde nirumanta ringangku wuṛṛu nabbisara, “Wette! I Ya'u sarun mamamtingiddu Ma'a'awingnga si'o eteudde awingngu Ana'u Domba.”

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 16:1

Ana see i ya'u naaringikka tingikka wahewalla wuassu lal᷊ummu Wal᷊en Ruata nabbisara su sire pitu mala'ekatta udde, “Roote wuṛṛu lal᷊ina'e lal᷊oṛṛon pitu cawanna asasa'u Ruata udde su wowon runia!”

SONDAPPA 14:19

Ne mala'ekatta udde nallimbeten hal᷊elene watukku runia wuṛṛu nani'o manga wuan anggore wuassu alune, see nilombo sulal᷊ummu hahilingannu anggoru asasa'un Ruata apan wahewalla.

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

SONDAPPA 11:14

Silaka aruane nal᷊iudde. Arawe pa'ellege! Silaka atallune ete tal᷊ang kadio'a lai sarun manansuna.

SONDAPPA 10:3

See i tou inumui ringannu tingikka ma'ikkatta naal᷊ihidda tingikku manga singa. Napawe mala'ekatta udde suete niumui, pitu rallu'a sinumibakka ringannu tingikka mappose.

SONDAPPA 8:6

Napawe wua'udde, sire pitu mala'ekatta apan uaaggasa trompeta udde uasasaddiate mattiuppa.

SONDAPPA 8:13

Ana see i ya'u na'ellega, ne i ya'u naaringikka sambau manu'a rajawali tantal᷊anna tuttalla'a matanggakka su winalanganna, u'ui, “Silaka! Silaka! Nasilakate anambon taumata su runia napawe niaringiṛṛante sire tallu mala'ekatta waine apan mattiuppa trompenne murine!”

SONDAPPA 8:2

See i ya'u naasilo sire pitu mala'ekatta uarisikka su saruannu Ruata, wuṛṛu i mangitou nionggol᷊annu pitum bua trompeta.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.

SONDAPPA 17:1

Wua'udde sangkatou wuassu sire pitu mala'ekatta apan uaggasa cawanna pitu udde nirumanta ringangku wuṛṛu nabbisara, “Wette, i ya'u sarun manta'e si'o ereapa sumasandaga apan wahewalla udde sarun iṛṛuumanna, eteudde soa wahewalla apan niapararisikka su winggi manga sal᷊ukka.