SONDAPPA 14:13 - WUKE SUSI WATTI'U AL᷊AL᷊USASSA

¹³ See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

SONDAPPA 14:13 Referans Kwoze

SONDAPPA 20:6

Lal᷊umanna'a su manga taumata apan niapaawangunna apia su panattaṛṛanne udde. I mangitou wotongnge maola'a pussa'an Ruata. Papate aruane tawe maataṛṛino si mangitou. I mangitou sarun maola'a manga imammu Ruata wuṛṛu manga imammi Kristus; wuṛṛu i mangitou sarun mamarenta suadio'a ringanni Tou saṛṛiwu su tonnane al᷊annune.

1 TESALONIKA 5:10

I Tou nate hunan kite, tadea'u su tempo i Tou rumanta apia – tanne i ite ta'e wiakka, ara'e natete – i ite wotongnge mabbiakka su sambau ringanni Tou.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”

SONDAPPA 21:5

See i Tou apan ua'ianna su adderan araratuanna udde nabbisara, “Orassa indi sarangkanambone Ta'u olaanna wakku!” I Tou nabbisara lai si ya'u, “Woṛṛetta'a indi, ana waugu manga wisara indi atonna, wuṛṛu wotongnge apangimananna.”

SONDAPPA 6:11

I mangitou sangkatou-sangkatou nionggol᷊annu jubah mawira sambau. See i mangitou nirolokka niapaillol᷊o tal᷊ang kadio'a lai, ma'oman sara masuungnga reengannu manga hawe sangkamanaranna wuṛṛu manga tuṛṛangi mangitou apan sarun pateanna lai ere i mangitou.

2 KORINTUS 5:8

ana waugu udde naungngi yami masabbare. I yami mappianne mapallosa wuassu wadangngi yami indi, tadea'u wotongnge matana'a suadio'a ringannu Mawu.

SONDAPPA 16:17

Napawe wua'udde mala'ekatta appitune nallal᷊innu lal᷊oṛṛon cawanne su winalanganna. Ne niaringikke tingikka apan ma'ikkatta wuassu adderan araratuannu Wal᷊e Mawu, apan nabbisara, “Nasuete!”

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

DARALO 85:13

Mawu nangongolu apianne, ne leta'i ite sarun mangonggolu hessine.

1 TESALONIKA 4:14

I ite mangngimanna manungku Mawu Yesus suete nate wuṛṛu nabbiakka apia. Ana waugu udde i ite mangngimanna lai manungku Ruata sarun mapaawiakku apia anambon taumata apan mangngimanna Mawu Yesus wuṛṛu apan natete, tadea'u i mangitou mabbiakka su sampunna ringanni Tou.

1 KORINTUS 15:18

Udde atappasanne lai manungku manga taumatan Saṛṛani apan natete, udde tawe antimma lai.

ROMA 14:8

Amungkangngu i ite mabbiakka, i ite mabbiakka hunane su Mawu. Wuṛṛu amungkangngu i ite mate, i ite lai mate hunane su Mawu. Nariaddi wiakka ara'e nate, i ite udde tatahuanannu Mawu.

LUKAS 16:9

See Mawu Yesus nabbisara apia, wisara-Ne, “Padaringikka! Paata'e pa'a'alan runia indi ipadea'a hawe, tadea'u napawe darotongngu runia indi tate aregane, i yamiu sarun iapaatana'a su tampan atatanaanna apan tawe pangudusanne.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 10:4

Aroddi pitu rallu'a udde nattingikka, i ya'u ma'apulu mamoṛṛettu apa niwisarane, arawe i ya'u naaringikka tingikka wuassu surga nabbisara, “Arie pabbattia'u apa apan niwal᷊om pitu rallu'a udde; arie pabboṛṛeta'a!”

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

DANIEL 12:13

I'o Daniel, paatuṛṛutte maddatingngu panguddusanne. I'o sarun mate, arawe sarun mabbangunna tadea'u manengkamma lal᷊antakku su panguddusannu tempo.”

1 KORINTUS 15:20

Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

1 TIMOTIUS 5:24

Rosan sambageanganna taumata, ro'en taambe niparikisanna, niasiloante ringannu masemakka. Arawe rosan taumata waine wakkute asingkatanna sal᷊immurine.

1 TIMOTIUS 5:25

Aroddi lai manga inolaanna mapia lapiddu asiloanna. Wuṛṛu apan masahadda asiloanna, tawe sidutu mangke uawuni.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.