SONDAPPA 14:1 - WUKE SUSI WATTI'U AL᷊AL᷊USASSA

¹ Wua'udde i ya'u naasilo, see niasiloanna Ana'u Domba udde uarisikka su wowon Wuiddu Sion. Suadio'a ringanni Tou pia 144.000 su atoune taumata apan su pakkanu sangkatou-sangkatou uawoṛṛetta aran-Ne wuṛṛu arannu Mawu Iamang-Nge.

SONDAPPA 14:1 Referans Kwoze

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

LUKAS 12:8

“Paanaunge mapia-pia: Taumata apan nanga'u su saruannu awada'alla manungku i tou mallal᷊aṛṛenggeng-Ku, i tou sarun a'uannu Ana'u Taumata lai su saruannu manga mala'ekattu Ruata.

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

SONDAPPA 14:14

Wua'udde i ya'u na'ellega, ne niasiloanna sambau winabbawa apan mawira. Su wowon winabbawa udde ua'ianna sangkatou apan aellehanna ere taumata. Su pua-Ne pia sambau araposan araratuanna wul᷊awanna, wuṛṛu su lima-Ne pia sambau hal᷊ele maṛṛoro.

SONDAPPA 15:5

Napawe wua'udde i ya'u naasilo Wal᷊e Mawu su surga nawu'a, wuṛṛu Rasannu Mawu udde sulal᷊umme.

YESAYA 49:14

Arawe tumana'u Yerusalem nabbisara, “Mawu buatte nanantangngi ite, Mawu naabul᷊iten kite.”

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

SONDAPPA 4:1

Wua'udde ya'u naasomba aellega lai. I ya'u naasilo sambau ngara nawu'a su surga. Wua'udde inaringikka lai tingikka apan paarorone suete nabbisara si ya'u ere tingikku trompeta. Tingikka udde nabbisara, “Wette rangante isindi. I Ya'u sarun mamasingkata si'o apa apan sarun mariaddi murine.”

ZAKARIA 4:2

“Apa apan niasiloannu?” aiwal᷊one. “Sambau leddan sol᷊o wuassu wul᷊awanna,” sasimba'u. “Su pentakke al᷊iu rosone pia tampan lanane, wuṛṛu uapal᷊iwutta pia pitu sol᷊o, apan sambau-sambau uatahuanna pitu tampan nanal᷊i ara'e sumbune.

AMOS 8:2

Mawu naiwal᷊o, “I'o naasilo apa, Amos?” I ya'u sinumimbakka, “Sambau sal᷊angka lal᷊oṛṛoannu manga wuan kaaluanna apan nal᷊ahate.” Mawu nabbisara, “Tempone nal᷊ahate su uma-U Israel. I Ya'u tate lai mamal᷊u ṛiing-Ku wuṛṛu sarun makkuumanni mangitou.

DANIEL 12:5

Wua'udde i ya'u naasilo ruang katou esakka. Iapa sangkatou uarisikka su winggin sal᷊ukka samba'a indi, wuṛṛu sangkatou lai su winggin sal᷊ukka samba'a poi.

YEHEZKIEL 44:4

Wua'udde esakka udde nangapi'u watukku sasuttannu waṛṛatta apan uasasaruannu Wal᷊e Mawu. I ya'u mannutukka, wuṛṛu i ya'u naasilo Wal᷊e Mawu udde aoopannu semakka lullendapa apan matiala daranta Mawu. Wua'udde niumaruutta wuṛṛu nassubba,

YEHEZKIEL 10:1

Ana see i ya'u na'ellega watukku atuppa apan roso su pua manga mala'ekatta udde, wuṛṛu i ya'u naasilo sambau apan ere adderan araratuanna wuassu watu nilam.

YEHEZKIEL 8:7

Ana see i Ya'u niapiddu Mawu watukku ngara sumutta surallakka wuṛṛu nipasilo-Ne sambau loṛṛangnga su darandunga.

YEHEZKIEL 2:9

Wua'udde i ya'u naasilo ta'iakka apan ual᷊ul᷊ukka si ya'u. Sulal᷊ummu ta'iakka udde pia buke lalul᷊unanna,

YEHEZKIEL 1:4

I ya'u naningngara wuṛṛu ma'ellega anginna tuttiuppa wuassu sawannakka. Sawallo ma'ilatta wuassu sambau winabbawa apan tumaniten bahewalla, wuṛṛu langitta isudde mangke masema-semakka. Sulal᷊ummu sawallo apan ma'ilatta udde niasiloanna pia sambau apan lullendappa ere witu'a.

YEREMIA 1:11

Mawu nabbisara si ya'u, “Apate niasiloannu, Yeremia?” I ya'u sinumimbakka, “Rannu alu badam, Mawu.”

YEHEZKIEL 10:9

I ya'u naasilo lai manga mala'ekatta udde sambau-sambau pia sambau bola su sandiṛṛanne. Appatta bola udde uasul᷊ungnga, wuṛṛu lullendappa ere permata maṛṛamaga. Sambau-sambau pia bola waine apan uaware su pattangnganne.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

SONDAPPA 14:3

Su saruannu adderan araratuanna wuṛṛu sire appata riadianna wuṛṛu manga piaṛṛange uapal᷊iwutta adderan araratuanna udde, 144.000 su atoune udde mangngantari sambau antari wakku. Antari udde tawe aurumannu saran sangkatou, tumba'u sire 144.000 su atoune udde apan suete nipallosa wuassu runia.

SONDAPPA 22:4

wuṛṛu ma'ellega hati-Ne. Aran-Ne sarun iwoṛṛeta su pakkani mangitou.