SONDAPPA 13:1 - WUKE SUSI WATTI'U AL᷊AL᷊USASSA

¹ Wua'udde i ya'u naasilo sambau winatangnga nilumapputa wuassu lal᷊ummu tahal᷊oangnga. I tou pia tatandunge mapul᷊o wuṛṛu puane pitu. Suapan tatandunge pia araposan araratuanna, wuṛṛu suapan puane uawoṛṛetta sambau aranna aal᷊uandaga su Ruata.

SONDAPPA 13:1 Referans Kwoze

SONDAPPA 12:3

See niasiloante apia su langitta sambau apan ma'aṛṛindu'a. Pia sambau naga maṛṛamu apan wahewalla atonna pia puane pitu wuṛṛu tatandunge mapul᷊o. Suapan puane pia araposan araratuanna.

SONDAPPA 17:3

See Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wadda'a. Poiaroddi ya'u naasilo sangkatou wawine ua'ianna su wowon sambau winatangnga wambul᷊une maṛṛamu uaitumma, wuṛṛu napenem boṛṛetta ringannu manga aranna aal᷊uandaga su Ruata. Winatangnga udde puane pitu wuṛṛu tatandunge mapul᷊o.

SONDAPPA 11:7

Napawe i mangitou suete nabbatti'u watti'i mangitou, winatangnga apan sinumabanga wuassu rampisu papate sarun lumawanna si mangitou.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

SONDAPPA 17:16

Mapul᷊o tatandu'a apan aellehannu udde wuṛṛu winatangnga udde sarun marantinu sumasandaga udde. I mangitou sarun mangaṛṛo al᷊awo'u sarannapa apan tatahuananne, wuṛṛu mapaatantol᷊en tou. I mangitou sarun uminassa ṛemessi tou wuṛṛu mamate si tou ringannu putungnga.

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

SONDAPPA 15:2

Napawe wua'udde i ya'u naasilo sambau apan aellehanna naal᷊ihidda tahal᷊oangnga kaca ual᷊al᷊o'an putungnga. I ya'u naasilo lai manga taumata apan suete naauntunga su winatangnga wuṛṛu paal᷊uanne, wuṛṛu naauntunga su manga taumata apan aranne nitialannu woṛṛetu angka ara'e reenganna. Manga taumata apan naa'untunga udde uarisikka su winggin tahal᷊oangnga kaca lapiddu uaaggasa kecapi apan nionggolu Ruata si mangitou.

SONDAPPA 17:5

Su pakkane uawoṛṛetta sambau aranna apan ia'addappinga. Aranna udde eteudde, “Babel Apan Wahewalla, inangngu manga sumasandaga wuṛṛu taumata lal᷊eo su runia.”

SONDAPPA 13:11

See i ya'u naasilo sambau winatangnga waine sinumabbanga wuassu lal᷊ummu runia. I tou pia tatandunge darua ere tatandu'u ana'u domba. Tingikke ere tingikku naga.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 13:15

Winatangnga aruane udde niwala mangonggolu singangu su paal᷊uanna udde, na'oman sara paal᷊uanna udde wotongnge mabbisara wuṛṛu mamate anambon taumata apan maddiri massubba si tou.

SONDAPPA 16:13

See i ya'u naasilo tatallu ghaṛṛaho lal᷊eo apan olangnge naal᷊ihidda a'akka. A'akka udde sambau-sambau sussabbanga wuassu moṛṛongu naga, wuassu moṛṛongu winatangnga, wuṛṛu wuassu moṛṛongu nabi awusu.

SONDAPPA 19:19

Wua'udde i ya'u naasilo winatangnga udde, wuṛṛu manga ratun runia ringannu manga ammul᷊annu tantara mangitou, uaammulla mapapangalo lumawanna si Tou apan uasa'e awal᷊o mawira udde, wuṛṛu manga tantara-Ne.

DANIEL 2:41

Ledda wuṛṛu manga tal᷊imaddon paal᷊uanna apan sambageanganna niola'a wuassu leta'a maṛṛamutta wuṛṛu sambageanganna atta'a udde, mapal᷊iatta'a manungku su allo addantane araratuanna udde sarun matahia. Araratuanna udde pia atatohanne see lai ana waugu leta'a maṛṛamutta udde pia lal᷊o'ane atta'a.