SONDAPPA 11:2 - WUKE SUSI WATTI'U AL᷊AL᷊USASSA

² Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.

SONDAPPA 11:2 Referans Kwoze

SONDAPPA 12:6

Ne wawine udde tinumal᷊angnga su wadda'a, su tampa apan suete nissaddian Ruata si tou. Su tampa udde i tou sarun paddul᷊iananna 1260 allo al᷊annune.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

DANIEL 12:7

Taumata waine udde namatte na ta'iakke ruan ba'a watukku langitta. I ya'u naaringikka i tou nassalu ringannu arannu Ruata apan awasa wuṛṛu nabbisara, “Manga arariadianna udde umamatta al᷊annune tatallu setenga su tonnane. Napawe pandal᷊al᷊eo su saruannu umattu Ruata nasuete, ne masuete lai manga arariadianna apan maatiangnga udde.”

SONDAPPA 21:2

Ne i ya'u naasilo soa susi udde, eteudde Yerusalem wakku, nonto'a wuassu surga wuassu Ruata. Soa udde suete nissaddia ere sangkatou ma'a'awingnga wawine nipeddetanna iapasasomba ma'a'awingnga esakka.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

SONDAPPA 22:19

Wuṛṛu amungkangu taumata nanggaingnga salaiwe sampaddi wuassu manga wisaran papatta indi, ne Ruata lai sarun manggaingnga wageangnge apan niwoṛṛeta sulal᷊ummu wuke indi – eteudde wageangnge wuassu punnu wiakka wuṛṛu wuassu soa susi udde.

MATIUS 27:53

I mangitou sinumabangnga wuassu manga lal᷊abinganna napawe Mawu Yesus nabangunte wuassu papate, wuṛṛu i mangitou sinumuttate su Yerusalem. Wuṛṛu poiaroddi manambo taumata naasilo si mangitou.

MATIUS 5:13

“Ete i yamiu uddewe asimmu runia. Amungkangngu asimma udde nawal᷊u maammi, apa wotongnge iapaapakkada apia? Tate gunane lai, ewe'e iramme wuṛṛu ṛindannu taumata.

MATIUS 4:5

Wua'udde Setanna nangapiddu Mawu Yesus watukku Yerusalem, soa na'ukkassa, wuṛṛu nangadoten Tou su wowon sal᷊awon Wal᷊e Mawu.

DANIEL 8:10

Tandu'a udde aatambanna lembon asallakke na'oman sara lembon matohassa ipamangalo tantaran surga eteudde manga winatangnga, ewe'e lai manga pira suwallanne niwaretane su leta'a wuṛṛu mangke niṛṛindane.

YEHEZKIEL 42:20

Nariaddi, wageangngu leta'u Wal᷊e Mawu saṛṛene uataṛṛa wu'u appata, uuṛṛanne 250 metere suapan sandiṛṛanne. Wageangngu leta'a udde papal᷊iwutannu sambau darandunga nipamallatta wageangngu leta'a apan niṛṛa'e huna Mawu wuassu wageangngu leta'a apan ipattu awadaalla.

SONDAPPA 11:11

Napawe tallute allo mattangnga, nirumantate sasangngo ipabbiakka wuassu Ruata wuṛṛu sinumutta apia sulal᷊ummu nabi darua udde. Ne i mangitou nabbuatte dirumarisikka, na'oman sara taumata apan naasilo si mangitou nata'utta atonna.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

DANIEL 7:19

Wua'udde i ya'u maapulu maasingkatta atappasannu winatangnga apan aiappanne udde, apan uapapaṛṛala ringanni ngana'a waine; apan aroddi maata'utta wuṛṛu apan makkimunsa'a wuṛṛu niuminassa sinangngone ringannu anu'une witu'a wuṛṛu isine atta'a, see mangke naṛṛinda manga lambene.

LAL᷊ALLU 1:10

Al᷊awo'u darotongnge buatte niaṛṛon manga seenne. I tou ewe'e lai ṛinone ma'ellega si mangitou sumutta Wal᷊en Duata, sambau inolaanna apan isassingaddu Mawu su taumata apan wal᷊ine uman-Ne.

YESAYA 48:2

Salaiwe aroddi, i'o mangnga'u ringannu mal᷊uassa manungku i'o tumana'u soa na'ukkassa; wuṛṛu manungku i'o uaantimma Ruatan Israel apan isassaggo Mawu Apan Lembontaṛṛino.

DARALO 79:1

Daralon Asaf. Oh Ruata, walahanna apan tawe maillal᷊a uatana'e su leta'a pussa'a-Nu. I mangitou nandal᷊eote Wal᷊en-Nu, Yerusalem niola'a ete tuidda.

REENGANNA 14:34

I yamiu sarun mamasanna manga rosanu, appatu pul᷊o su tonnane al᷊annune; santonna ireengnga allo massallo wuassu appatu pul᷊o su allone apan ipappaatti yamiu ipamarikissa leta'a udde. I yamiu sarun maasingkatta erapa olangnge amungkangngu i Ya'u lumawangnga si yamiu!

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YEHEZKIEL 4:6

Wua'udde, lallowangke su samba'a aikkatanna wuṛṛu pattemmate ṛuumanna ana waugu pasasal᷊an Yehuda appatu pul᷊o su allone al᷊annune, allo massallo udde atappasanne santonna ṛuumanni mangitou.

DANIEL 8:13

Wua'udde i ya'u naaringikka sangkatou mala'ekatta nabbisara iapa waine, “Maddatingngu tiangngera sarangkanambone apan aasiloanna sulal᷊ummu sondapa udde aasiloanna? Maddatingngu tingngera tantaran surga wuṛṛu wal᷊en patataṛṛamawuanna udde mangke laṛṛindanna?”

DANIEL 8:14

I ya'u naaringikka mala'ekatta sangkatou lai sinumimbakka, “Maddatingngu 1.150 su alonne lai. Su al᷊annunne udde sasamban bawallo wuṛṛu sasamban marua allo tate iongolla. Wua'udde wakutte wal᷊en patataṛṛamawuanna sarun isul᷊e apia.”

SONDAPPA 21:10

Ne Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wowone apan tumaniten matanggaka. I tou namantingiddu Yerusalem si ya'u, soa susi udde, soa udde nonto'a wuassu surga, wuassu Ruata,