SONDAPPA 10:5 - WUKE SUSI WATTI'U AL᷊AL᷊USASSA

⁵ See mala'ekatta apan ta'u niasiloanna uaṛṛinda tahal᷊oangnga wuṛṛu ammaranne udde namatten lima aikkatanne watukku langitta.

SONDAPPA 10:5 Referans Kwoze

DANIEL 12:7

Taumata waine udde namatte na ta'iakke ruan ba'a watukku langitta. I ya'u naaringikka i tou nassalu ringannu arannu Ruata apan awasa wuṛṛu nabbisara, “Manga arariadianna udde umamatta al᷊annune tatallu setenga su tonnane. Napawe pandal᷊al᷊eo su saruannu umattu Ruata nasuete, ne masuete lai manga arariadianna apan maatiangnga udde.”

TAHIUL᷊E 32:40

Ringannu arang-Ku sassane, Ruata apan biakka, Iwatte lima-U wuṛṛu massalu:

SONDAPPA 16:17

Napawe wua'udde mala'ekatta appitune nallal᷊innu lal᷊oṛṛon cawanne su winalanganna. Ne niaringikke tingikka apan ma'ikkatta wuassu adderan araratuannu Wal᷊e Mawu, apan nabbisara, “Nasuete!”

SONDAPPA 14:7

Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

SONDAPPA 10:2

Su limane pia sambau lul᷊unnu wuke adio'a apan wawu'anna. Ledda aikkatanne uaṛṛinda tahal᷊oangnga, wuṛṛu leddane aiṛṛi uaṛṛinda ammaranne.

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

SASABANGNGA 20:11

Sulal᷊ummu tempo annummu allo, i Ya'u, Mawu, na'ola'a runia, langitta, tahal᷊oangnga, wuṛṛu al᷊awo'a sulal᷊umme, arawe su allo appitune i Ya'u nangillol᷊o. Ana waugu udde i Ya'u, Mawu, nangal᷊amatta allon Sabat wuṛṛu niṛṛae passubanna si Ya'u.

PANDARIADDI 14:22

Arawe i Abram sinumimbakka, “I Ya'u massalu su saruannu Mawu, Mawu Ruata Apan Atanggaṛṛanne, Nandiaddi langitta wuṛṛu runia,

IBRANI 6:13

Su tempo Ruata na'ire si Abraham, i Tou nassalu manungku i Tou sarun mapaatipussu apa apan suete pina'ire-Ne. Wuṛṛu ana waugu tawedu mattanggaṛṛanne wuassu Ruata, ne i Tou nassalu ringannu aran-Ne sassane.

ROMA 1:20

Ro'en Duata nandiaddi runia, pallal᷊agun Duata apan tawe asiloanna, eteudde olangnge ere Ruata wuṛṛu taṛṛino-Ne apan uatialu, wotongnge asunnannu taumata wuassu al᷊awo'u niriaddianne. Nariaddi taumata tawe pangaiananne mapaaṛṛinon batanganne.

WATTI'U MANGA RASUL 17:23

Ana waugu su tempo i ya'u u'amatta mammal᷊iwutta soa atatanaannu wuṛṛu mannutukka manga tampam pangal᷊iomanannu, i ya'u naasilo lai sambau tampa pangangadoannu sasamba; su tampa udde uawoṛṛetta, ‘Ionggola su Ruata apan awagananna.’ E, Ruata apan sassubbanni yamiu udde awagananna, ete i Tou apan iwabatti'u si yamiu.

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

DARALO 146:5

Lal᷊umanna'a su taumata apan mangngasakku Mawu Ruatane, wuṛṛu uatahuanna Ruatan Yakub matatul᷊ungnge.

SASABANGNGA 6:8

Anambon tanata Mawu indi nipasingkatti Musa su walahannu Israel, arawe i mangitou maddiri maddaringikka si Musa, ana waugu pattaṛṛuallanganna apan maṛṛagissa udde naaola'a si mangitou niawul᷊iaten antimma.

YEHEZKIEL 47:14

I Ya'u buatte nassalu manungku leta'a udde sarun Ta'u ionggolla su iupungngu al᷊amonanu. Ana waugu udde, anute leta'a udde wuṛṛu tahiate ringannu matul᷊idda suwallatti yamiu.

YEHEZKIEL 36:7

I Ya'u, Mawu Apan Atanggaṛṛanne massalu manungku manga walahanna su al᷊indongannu udde nihelo lai.

YEHEZKIEL 20:42

Sutempo i yamiu Ta'u iapidda mabbelengnga su leta'u Israel, leta'a apan Ta'u pina'ire su iupungngu al᷊amonanu ne i yamiu naasingkatte manungku ete i Ya'u Mawu.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEHEZKIEL 20:23

Su wadda'u anne udde i Ya'u nassalu manungku i Ya'u sarun manal᷊iawukki mangitou su ahewallu runia,

YEHEZKIEL 20:15

Su wadda'u anne udde lai i Ya'u namansagu walahannu Israel tawe Ta'u iapidda sumutta su leta'a apan ala wuṛṛu apianne su ahewallu runia.