SASABANGNGA 40:20 - WUKE SUSI WATTI'U AL᷊AL᷊USASSA

²⁰ Wua'udde watu udde nitaṛṛo sulal᷊ummu Wantallu Pa'aire. Ana see i Musa nanutubbu Wantalla udde wuṛṛu nanuṛṛin alu papasanna sulal᷊ummu hal᷊angnge.

SASABANGNGA 40:20 Referans Kwoze

SASABANGNGA 16:34

Ne i Harun nangaddon urinna udde su saruannu Wantallu Pa'aire tadea'u sahipunanna uasul᷊ungngu parentan Mawu si Musa.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

ROMA 10:4

Titan agama buatte nitipussi Kristus. Nariaddi suapan taumata apan mangngimanna si Kristus, paa'aukki mangitou ringannu Ruata maola'a apia.

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

MATIUS 3:15

Arawe Mawu Yesus nisumimbakka, “Wala'e aroddi su orassa indi. Ana waugu ringannu aroddi i ite ma'ola'a al᷊awo'u apa apan ipaapulun Ruata.” Nariaddi Yohanes nanaṛṛanite Mawu Yesus.

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

1 MARARATU 8:9

Sulal᷊ummu Wantaliu Paaire udde tawe lal᷊oṛṛone waine tumba'u darua watu. Manga watu udde buatte nitaṛṛon Musa isudde su Wowon Sinai, sutempo Mawu na'ola'a paaire ringannu walahannu Israel sutempo i mangitou sulal᷊ummu amatanna wuassu Mesir watukku wanua Kanaan.

TAHIUL᷊E 10:5

wuṛṛu i ya'u nabelengke sinumossokka wuassu wowone. Ana see ringannu parenta Mawu, watu darua udde nitaṛṛo sulal᷊ummu wantala apan buatte ta'u niola'a – wuṛṛu nanattakka orassa udde naddatingngu orassa indi darua watu niwoṛṛetanna udde ta'e uraddo isudde.” (

SASABANGNGA 40:3

Sutta'a sulal᷊umme Wantallu Pa'aire apan lal᷊oṛṛoannu Mapul᷊o Tita wuṛṛu taapeten mal᷊aṛṛenessa su saruanne.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 26:34

Addoa'e lal᷊uubbu Wantallu Pa'aire su wowon bantalla.

SASABANGNGA 40:19

Ana see i tou namilattu atuppu Rasanna ringannu lal᷊uubbe su liudde al᷊iurosone ere niparentan Mawu.

1 TAWARIKH 15:3

Ne i Daud namago anambon taumatan Israel niaparanta su Yerusalem tadea'u mangingkattu Wantallu Paairen Mawu sutampa apan buatte niriahine.

2 TAWARIKH 5:10

Sulal᷊ummu Wantallu Paaire udde tawe saran sambau saranapa, tumba'u darua ul᷊appane watu. Manga watu udde buatte nitaṛṛon Musa isudde su Wowon Sinai, sutempo Mawu na'ola'a paaire ringannu walahannu Israel sutempo i mangitou sulal᷊ummu amatanna wuassu Mesir mabatukku wanua Kanaan.