SASABANGNGA 4:22 - WUKE SUSI WATTI'U AL᷊AL᷊USASSA

²² Ana see wal᷊oa'e su ratu udde manungku i Ya'u, Mawu, nananata arendi; ‘Israel uddewe ana'U pahul᷊une,

SASABANGNGA 4:22 Referans Kwoze

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

MATIUS 2:15

I mangitou natana'a poiaroddi, na'oman sara i Herodes nate. Aroddi nariaddite apa apan suete niwisara Mawu sulal᷊ummu nabi-Ne ereindi, “I ya'u mamaggo Ana'-U wuassu Mesir.”

SASABANGNGA 6:11

Arawe i Musa sinumimbakka, “Taumatan Israel sassane maddiri maddaringikka si ya'u. Apa wotongnge ratu Mesir maddaringikka taumata apan longonna massinaukka ere i ya'u?”

SASABANGNGA 7:16

Pasingkata'a su ratu udde; Mawu, Ruata taumatan Ibrani, nandolo'u iapawal᷊o si Tuangku tadea'u mamalan al᷊aṛṛanang-Nge inai mattaṛṛamawu si Tou su wadda'a. Arawe naddatingngu sara orassa indi i Tuangku maddiri maddaringikka.

DARALO 89:27

I Tou sarun mabbisara si Ya'u, ‘Ete I'o Iamangku, Ruata'u, mallal᷊u'adda wuṛṛu mananal᷊ama'u.’

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

YEREMIA 2:14

“Israel wal᷊ine allangnga, wal᷊ine lai papapulunnu manga allangnga. Arawe anio i tou nabbal᷊ite wiakku seenne?

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’