SASABANGNGA 39:6 - WUKE SUSI WATTI'U AL᷊AL᷊USASSA

⁶ I mangitou nangasan batu delima ana see nitaṛṛo sulal᷊ummu wingke wul᷊awanna. Ringannu napenen asingkatta i mangitou nanguitta manga arannu mapul᷊o dua ana'i Yakub su manga watu udde.

SASABANGNGA 39:6 Referans Kwoze

SASABANGNGA 28:9

Anute darua watun delima. Paddea'e sangkatou mapapanden bul᷊awanna apan pia asingkatta manguitta su watu udde manga arannu siri mapul᷊o dua ana'i Yakub tumuṛṛuttu uukke, annumma aranna su watu sambau. Ana see darua watu permata udde ṛinone itaṛṛo sulal᷊ummu wingke wul᷊awanna wuṛṛu iaddo su tal᷊in bambangngu laubbu imam maola'a tatiala pananaunganna su siri mapul᷊o dua ṛuangannu Israel. Ringannu olangnge aroddi i Harun uaapiddu aranni mangitou su wambangnge, na'oman sara i Ya'u, Mawu, sidutu uanaungnga si mangitou. Waine lai waussu wingke wul᷊awanna udde,

YEHEZKIEL 28:13

Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

AYUB 28:16

Wul᷊awanna wuṛṛu permata apan maarega tawe maasul᷊ungnga aregane.

SASABANGNGA 35:9

permata delima wuṛṛu permata waine apan ire'etta su laubbu imam wuṛṛu lal᷊indumma ro'on Imam Bahewalla.”

SASABANGNGA 25:7

al᷊awotu hatin batu permata ireetta su laubbu imam wuṛṛu lal᷊indumma ro'on Imam Bahewa.

SASABANGNGA 39:5

Papeṛṛetta apan niraddu'a al᷊ussa niola'a wuassu mal᷊aṛṛenessa apan uasul᷊ungnga wuṛṛu nitabbi'a su laubbu imam udde na'oman sara nabbal᷊i wageangnge sambau ere buatte niparentan Mawu si Musa.