Biblia Todo Logo
Bib sou entènèt

- Piblisite -




SASABANGNGA 35:21 - WUKE SUSI WATTI'U AL᷊AL᷊USASSA

21 wuṛṛu suapan isai apan niumal᷊ore naungnge, mangapiddu sasamba su Mawu ipanuungngu Rasannu Mawu. I mangitou lai nangapiddu anambon saranapa pappandumannu patataṛṛamawu wuṛṛu mal᷊aṛṛenessa olaanna laubbu imam.

Gade chapit la Kopi




SASABANGNGA 35:21
28 Referans Kwoze  

“Doloṛṛa'e taumatan Israel mangapiddu sasamba si Ya'u. Isai apan niumal᷊ore naungnge, ṛinone mangapiddu sasamba


I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.


Taumattan Israel sarangkanambone ringanu naungnga mal᷊uassa nangapiddu aonggoli mangitou su Mawu su ola'u manara apan nirolokku Mawu si Musa.


I mangitou lai nangandongngu wananna wuassu wambul᷊un ambingnga.


Apira'e sasamba su Mawu. Isai apan umal᷊ore naungnge, ṛinone mangonggolu wul᷊awanna, sal᷊a'a wuṛṛu witu'a;


I Musa namago si Bezaleel, si Aholiab wuṛṛu anambon taumata apan naasomba apande wuassu Mawu wuṛṛu isai apan naungnge mal᷊uassa massumbala, ana see nandolokki mangitou niapatattaka.


Walate isai apan mappulu, mawae esakka ara'e wawine, rumanta mangapiddu lapaneti wul᷊awanna, ngante-ngante, sinsingnga, wul᷊ele, wuṛṛu al᷊awo'u hatin lal᷊oggakka wul᷊awanna apan ionggola su Mawu.


Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.


Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.


I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!


Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”


Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.


Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.


Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.


Tunanangnge nangonggolla ringannu naungnga mal᷊uassa su Mawu wuṛṛu i mangitou lullala'a ana waugu manambote aonggoli mangitou. I Ratu Daud lembon lullala'a lai.


Ewe'e lai ana waugu ahewallu naungku su Wal᷊en Mawu udde, i ya'u lai buatte nanantillu sal᷊a'a wuṛṛu wul᷊awanna pussaa'u sassane:


Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.


I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.


Mawu Apan Lembontaṛṛino! I ya'u mamaṛṛani batangangku manduittu aal᷊iomanna indi Si'o, ana waugu I'o sassane buatte nangonggolla si ya'u manungku ana'a papulunna sarun olaan-Nu ratu su walahanna indi.


I Debora dirumarisikke, wuṛṛu nangantarite. Darisikke Barak, wuṛṛu apira'e manga taumata apan niasametta!


Su manga tembonannu tantaran Israel apan naiwawal᷊in batanganne ringannu naungnga mal᷊uassa, i ya'u mamasingkattu aadiangkamangku manambo-nambo. Paddalote Mawu!


Paddaringikke manga ratu wuṛṛu parinsi, i ya'u mangngantari maddalo Ruatan Israel, eteudde Mawu.


Ana see anambon taumatan Israel apan uaammula udde nassal᷊iawukka,


Manga taumata apan uatahuanna manga watu permata nanantilla si Yehiel nitaṛṛo su kasen Wal᷊en Mawu. (Yehiel uddewe sangkatou taumatan Lewi wuassu ṛuanganni Gerson.)


Napawe manga taumata niwuangnga na'omate su Wal᷊en Mawu su Yerusalem, manga pira piaṛṛa'u wawosoannu nangonggollu sasamba walate apulun naungnga su ipabbangunna Wal᷊en Mawu.


Swiv nou:

Piblisite


Piblisite