SASABANGNGA 34:9 - WUKE SUSI WATTI'U AL᷊AL᷊USASSA

⁹ Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

SASABANGNGA 34:9 Referans Kwoze

DARALO 33:12

Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

DARALO 94:14

Ana waugu Mawu sarun tawe manantangngu al᷊aṛṛanang-Nge; i Tou tawe ma'ellega aroddi pussa'a-Ne.

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

SASABANGNGA 32:9

I Ya'u masingkatta manungku walahannu udde tate maddaringikka.

ZAKARIA 2:12

Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.

DARALO 78:62

I Tou nasa'u al᷊aṛanang-Nge, pussa'a-Ne, wuṛṛu namalan mangitou nipaten hal᷊ele.

SASABANGNGA 19:5

Orassa indi amungkangngu i yamiu matuṛṛutta su pa'aire-U, i yamiu sarun Ta'u olaanna al᷊aṛṛana-U sassane. Ahewallu runia indi udde tatahuanang-Ku, arawe i yamiu sarun maola'a pussaa-U arangnguang-Ku,

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

REENGANNA 14:19

Orassa indi, Mawu, ana waugu aroddi ahewalle darangngu-Nu wuṛṛu I'o mangke uanaungnga pa'aire-Nu, i ya'u sumal᷊ande, ampungewe rosa manga taumata indi ere lai I'o buatte nangampungnga si mangitou ro'en nanantangngu leta'u Mesir.”

SASABANGNGA 34:7

I Ya'u sidutu mandangngu papapulunna su ṛiwune wuṛṛu mangngampungnga passal᷊a wuṛṛu rosa; arawe taumata nassal᷊a mangke tawe Ta'u ipallossa wuassu ṛuumanne, wuṛṛu Ta'u iṛṛuumanna lai manga anangnge wuṛṛu manga pulunne ma'oman sara papapulunne atallun ṛawanne wuṛṛu aiappanne ana waugu paddarosan hagurangnge”.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

TAHIUL᷊E 9:18

Ana see paassa lai ya'u niumal᷊intudda su saruannu Mawu su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu Mawu ringannu na'ola'a al᷊al᷊eo, na'omana sara i Tou nasa'u.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

TAHIUL᷊E 9:29

Arawe paanaungete, Mawu, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

SASABANGNGA 33:12

Su sambau allo i Musa nabbisara Mawu, “Mawu, I'o namarenta si ya'u niapapiaṛṛa'u walahanna indi watukku wanua apan pina'ire-Nu. Arawe I'o tawe nabbal᷊o isai apan sarun irolokku mallal᷊ima si ya'u. Mawu, I'o nabbisara manungku I'o masingka'u, wuṛṛu mal᷊uassa si ya'u.