SASABANGNGA 34:15 - WUKE SUSI WATTI'U AL᷊AL᷊USASSA

¹⁵ Imbaṛṛangnga ma'ola'a pa'aire ringannu balahannu wanua udde, ana waugu su tempo i mangitou massubba wuṛṛu mangngonggolu sasamba su manga Mawu mangitou, i mangitou sarun mangahe si yamiu, wuṛṛu i yamiu sarun tumantalongnga.

SASABANGNGA 34:15 Referans Kwoze

MAL᷊AṚṚUUNGNGA 2:17

Arawe i mangitou tawe maddaringikka manga piaṛangnge udde. I mangitou massubbate manga monganna waine, wuṛṛu maddirite tumuṛutta Mawu. I mangitou tawe mattanno tul᷊addan iupungnga al᷊amonan mangitou apan sidutu tuttuṛutta parentan Mawu.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

DARALO 106:28

Wua'udde su Peor i mangitou massubba si Baal, wuṛṛu niumanna sasamba apan ionggola su manga monganna.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

REENGANNA 25:2

Manga wawine udde mangngahe si mangitou watukku andeangngu sasamba ipangaddata monganni mangitou. Taumatan Israel inumanna lai sasamba udde wuṛṛu massubba mongannu taumatan Moab.

1 KORINTUS 10:27

Amungkangngu i yamiu waggoannu sangkatou wal᷊ine taumatan Saṛṛani umanna, wuṛṛu i yamiu umitu'a wawal᷊o udde, ante apa apan niimbe si'o. Ariete panutukka wuassuapa darantane anna udde, tadea'u tawe manga apendamma maddiri wuassu lal᷊ummu naungngu.

1 KORINTUS 8:10

Pandumangku arendi: Unnu wisara i'o, pia pangangimanna apan matohassa, tantal᷊anna u'anna su tampam paal᷊uanna. Wua'udde pia sangkatou naasilo si'o ua'ianna u'anna isudde. Amungkangngu pangangimannu taumata udde lome, wal᷊ine udde maawaṛṛani taumata udde umanna anna apan buatte pinasubba paal᷊uanna udde?

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

YEREMIA 3:9

wuṛṛu mangke tawe maapendamma asasili. I tou sinumandaga ana waugu massubba watu wuṛṛu alu, na'oman sara wanua indi naola'a lal᷊eo.

IMAMATTA 17:7

Walahannu Israel ṛinone sidutu matuṛṛutta su Mawu wuṛṛu mangke imbaṛṛangnga mamototta winatangnga su manga wailla olaanna sasamba su manga ringnga lal᷊eo. Atoranna udde sidutu tattuṛṛutanna saran mal᷊annu-l᷊annu.

SASABANGNGA 34:12

Imbaṛṛangnga ma'ola'a pa'aire ringannu manga taumata apan rantanni yamiu, ana waugu olangnge udde wotongnge maola'a wal᷊ati'a apan maapate si yamiu.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!

HOSEA 4:12

I yamiu maddorongnga tatantiro wuassu alu sampaddi! Ta'inna sambua mammasingkatta si yamiu apa apan apulu singkatanni yamiu! I yamiu naal᷊ihidda sangkatou awingnga apan sussandaga; i yamiu nanantang-Ku wuṛṛu nanantillu watangannu su manga mawu waine.

DARALO 73:27

Taumata apan manantang-Ngu sarun masilaka, I'o namate taumata apan mal᷊awangnga Si'o.

EZRA 6:9

Wal᷊ine wua'udde al᷊awo'u apa apan pappandumanna tumuṛṛuttu manga imam su Yerusalem, erenai sapi esakka wakku, domba esakka wuṛṛu ana'u domba olaanna sasamba su Ruata uataṛṛino su surga, see lai gandumma, haramma, anggore wuṛṛu lanan zaitun, ṛinone ionggolla si mangitou miallo-miallo ringannu tawe pal᷊akke.

TAHIUL᷊E 7:2

Napawe Mawu Ruatanu manantillu manga walahanna udde sulal᷊ummu taṛṛinonu wuṛṛu i yamiu mamaddon mangitou, patete i mangitou sarangkanambone. Imbaṛṛangnga umakkanni mangitou ara'e makkiinnu pa'aire ringanni mangitou.

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

SASABANGNGA 34:10

Unnu Mawu si Musa, “Orassa indi i Ya'u ma'ola'a pa'aire ringannu walahannu Israel. Su saruannu matan mangitou i Ya'u sarun ma'ola'a manga al᷊aṛṛindu'a apan taambe saran paassa niola'a su anambon balahanna su runia. Anambon balahanna sarun maasilo manga al᷊aṛṛindu'a apan sarun Ta'u olaanna, ana waugu i Ya'u, Mawu sarun ma'ola'a sambau apan ma'ata'utta si yamiu.

SASABANGNGA 23:32

Imbaṛṛangnga ma'ola'a pa'aire ringannu manga taumata udde ara'e ringannu manga mawun mangitou.

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

SASABANGNGA 32:8

I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

REENGANNA 25:1

Tantal᷊anna walahannu Israel uatna'a su Wawal᷊annu Sitim, manga esakki mangitou mannattake sussandaga ringannu manga wawinen Moab apan uatana'a isudde.

TAHIUL᷊E 7:3

Imbaṛṛangnga i yamiu ma'awingngi mangitou, wuṛṛu arie pabbala'a manga anangngu ma'awingngi mangitou,

TAHIUL᷊E 32:37

Ne Mawu sarun maiwal᷊o al᷊aṛṛanang-Nge, ‘Suapate manga Mawu matohassa apan tantaṛṛimanni yamiu?’

TAHIUL᷊E 32:38

I mangitou u'inassa tawa apan nionggoli yamiu, wuṛṛu ma'inumma anggore apan nionggoli yamiu. Doloṛṛa'e i mangitou mantul᷊ungngi yamiu, wala'e i mangitou maola'a mandariaganu.

YOSUA 23:12

Amungkangu i yamiu tawe matuṛṛuta wuṛṛu i yamiu maammulu manga walahanna apan ta'e uatana'a ringanni yamiu, wuṛṛu i yamiu ma'awingngi mangitou,

MAL᷊AṚṚUUNGNGA 3:6

Walahannu Israel naawingken manga walahanna udde, wuṛṛu massubbate lai manga monganni mangitou.

1 TAWARIKH 5:25

Taumatan Israel mal᷊awangnga Ruata apan sassubbannu al᷊amonan mangitou. I mangitou nanantangngu Ruata wuṛṛu mattaṛṛamawu manga mongannu walahanna apan nilimbuaṛṛannu Ruata wuassu wanua Kanaan.

EZRA 9:12

Manga nabi udde naningaddi yami maawingngu ringannu manga taumata udde, ara'e massumbala si mangitou mabbal᷊i su lal᷊umanna'a wuṛṛu mal᷊angnganna. Amungkangngu i yami matuṛṛutta, i yami sarun mabbal᷊i matohassa wuṛṛu umanna hessin leta'a udde wuṛṛu manantilla su papapulunni yami saran mal᷊annu-l᷊annu.

SASABANGNGA 22:19

Taumata apan nassawa winatangnga ṛinone pateanna.

TAHIUL᷊E 31:18

Su tempo udde i Ya'u maddiri mantul᷊ungngi mangitou, ana waugu i mangitou, buatte nassubba manga Mawu wuṛṛu na'ola'a al᷊al᷊eo.