SASABANGNGA 34:10 - WUKE SUSI WATTI'U AL᷊AL᷊USASSA

¹⁰ Unnu Mawu si Musa, “Orassa indi i Ya'u ma'ola'a pa'aire ringannu walahannu Israel. Su saruannu matan mangitou i Ya'u sarun ma'ola'a manga al᷊aṛṛindu'a apan taambe saran paassa niola'a su anambon balahanna su runia. Anambon balahanna sarun maasilo manga al᷊aṛṛindu'a apan sarun Ta'u olaanna, ana waugu i Ya'u, Mawu sarun ma'ola'a sambau apan ma'ata'utta si yamiu.

SASABANGNGA 34:10 Referans Kwoze

TAHIUL᷊E 10:21

Paddalote si Tou, ana waugu i Tou Mawu Ruatanu. Ringannu mata wuṛṛu puanu sassane i yamiu naasilote manga inolaanna apan bahewalla wuṛṛu ma'ata'utta apan niola'i Tou si yamiu.

DARALO 77:14

Oh Ruata al᷊awo'u inolaan-Nu na'ukkassa, isai ere ahewallu Ruatan kami?

YESAYA 64:3

I'o buatte na'ola'a inolaanna apan bahewalla, apan tawe niaṛṛangngo kami. I'o sinumossokka, wuṛṛu su saruan-Nu manga wowone niumio'a.

DARALO 66:5

Rantate wuṛṛu pa'ellege inolaannu Ruata, mangke maatiangnga manga manara-Ne suwallatu taumata!

YEREMIA 32:21

Ringannu taṛṛino wuṛṛu atatohan-Nu apan wahewalla I'o nangapiddu umattu Israel sinumabbangnga wuassu Mesir. I'o ma'ola'a manga al᷊aṛṛindu'a wuṛṛu manga tiala apan ma'atiangnga see manga riaddianna apan ma'ata'utta seetta.

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

DARALO 78:12

Su saruannu al᷊amonan mangitou, Ruata na'ola'a al᷊aṛṛindu'a su wanua Mesir, su leta'u Zoan.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

YOSUA 6:20

Ana see manga imam nattiuppa trompene. Wuṛṛu aroddi manga taumatan Israel naaringikka tingikku trompeta udde, i mangitou hinumio ma'ikka-ikkata, ana see darandungu soan Yerikho naṛṛa'a. Anambon tantaran Israel lapiddu niumawitta, wuṛṛu sinumutta su soa udde ana see nangaṛṛote.

SASABANGNGA 34:27

Unnu Mawu si Musa, “Woṛṛeta'e manga wisara udde, ana waugu pinangianannu wisara udde i Ya'u na'ola'a pa'aire si'o wuṛṛu ringannu walahannu Israel.”

DARALO 145:6

I mangitou sarun mamasingkattu manga inolaan-Nu apan wahewalla, ahahewallu Mawu sarun ta'u iwatti'a.

DARALO 106:22

Mangke wahewalla atonna manga inolaan-Ne su wanua udde, maatiangnga manara-Ne su Tahal᷊oangngu Gelagah.

DARALO 76:12

Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

DARALO 147:20

I Tou tawe na'ola'a aroddi su walahanna waine, i mangitou tawe maaillal᷊a manga tita-Ne. Paddalote Mawu!

TAHIUL᷊E 4:13

Poiaroddi i Tou namasingkatta si yamiu sarangkanambone apan sarun olaanni yamiu su ipanipussa pa'aire-Ne apan niola'a ringanni yamiu. Mapul᷊o Tita apan buatte niwoṛṛettu Mawu su daruan kul᷊appa watu udde ṛinone daringiṛṛanni yamiu.

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.

SASABANGNGA 34:28

Appatu pul᷊o su allone appatu pul᷊o su ṛabbine i Musa uatana'a isudde suadio'a ringannu Mawu, wuṛṛu su al᷊annune udde i tou tawe umanna wuṛṛu tawe ma'inumma. Manga wisara pa'aire udde, eteudde Mapul᷊o Titan Duata, niwoṛṛetti su watu.

TAHIUL᷊E 9:19

I ya'u matta'uttu asasa'un Mawu rudde'omma su saruanni yamiu na'oman sara i yamiu pateannu Mawu, arawe paassa indi lai Mawu naddaringikka si ya'u.

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

DARALO 136:4

Tumba'u i Tou apan ma'ola'a manga al᷊aṛṛindu'a apan wahewalla; darangngu-Ne tawe panguddusanne.

MIKHA 7:15

Pa'ola'a al᷊aṛṛindu'a si yami, oh Mawu, ere buatte niolang-Ngu dorone sutempo I'o nangapiddi yami sinumabbangnga wuassu Mesir.