SASABANGNGA 33:9 - WUKE SUSI WATTI'U AL᷊AL᷊USASSA

⁹ Napawe i Musa nasuttate, sinumossoke bal᷊iaṛṛannu winabbawa wuṛṛu natta'alla su ngaran Dasanna. Wuassu winabbawa udde Mawu uahahatton i Musa.

SASABANGNGA 33:9 Referans Kwoze

DARALO 99:7

Wuassu pal᷊iaṛṛannu winabbawa i Tou nabbisara si mangitou, i mangitou matuṛṛutta su anambon tita wuṛṛu parenta-Ne.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

YEHEZKIEL 3:22

Ta'u niapendamanna atoha'u daranta Mawu wuṛṛu niaringiṛṛangku i Tou mabbisara si ya'u, “Apu'ote wuṛṛu roote watukku wawal᷊anne. Poiaroddi i Ya'u sarun maggahattonu.”

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

SASABANGNGA 34:3

Tawe wotongnge pia sangkatou tumantalongnga ringannu ara'e suwageangngu tampa su wowone udde. Manga sapi wuṛṛu manga domba esakka arie pabbala'a manioma ara'e umanna nannal᷊o su wawal᷊annu wowone udde.”

SASABANGNGA 33:11

Mawu uahahatton Musa ringannu uahahati, naal᷊ihidda taumata uahahatton yawene. Wua'udde i Musa nabbelengke su paddasananna. Arawe i Yosua ana'i Nun, sangkatou umbasanna ual᷊al᷊ima si Musa, sidutu uatana'a sulal᷊ummu Rasanna udde.

SASABANGNGA 25:22

Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”

PANDARIADDI 18:33

Napawe buatte naggahatton Abraham, Mawu inaite, wuṛṛu i Abraham napul᷊ete watukku wal᷊ene.

PANDARIADDI 17:22

Napawe nuddusse nabbisara aroddi, Ruata nanantangngi Abraham.

SASABANGNGA 33:8

Amungkangngu i Musa inaite su Rasanna udde, manga taumatan Israel uarisikka su saruannu ngaran dasanni mangitou wuṛṛu mannutukka si Musa ma'oman sara i tou sumutta.

SASABANGNGA 33:10

Su tempo taumatan Israel naasilo pal᷊iaṛṛannu winabbawa su ngaran Dasannu Mawu, i mangitou sarangkanambone dirumarisikka wuṛṛu niumal᷊intudda su ngaran dasannu sangkatou-sangkatou.

SASABANGNGA 34:5

Ne Mawu sinumossoke i sulal᷊ummu sambau winabbawa; i Tou dirumarisikka ringanni Musa su tampa udde, wuṛṛu nabballon aran-Ne apan susi, eteudde Mawu.

TAHIUL᷊E 31:14

Wua'udde Mawu nabbisara si Musa, “Tate mal᷊annu i'o mabbiakka. Nariaddi wagoite i Yosua wuṛṛu apira'e i tou watukku Rasang-Ku, tadea'u i Ya'u wotongnge mangonggolu manga tatantiro si tou.” Ne i Musa wuṛṛu i Yosua inaite watukku Rasannu Mawu,

TAHIUL᷊E 31:15

wuṛṛu Mawu nattingkapasilo sitarua sulal᷊ummu winabbawa maranin ngaran Dasanna.

REENGANNA 7:89

Suapan i Musa sumutta sulal᷊ummu Rasannu Mawu, maggahatto Mawu, i tou ma'aringikka tingikku Mawu apan mabbisara si tou wuassu wowon lal᷊uubbu Wantallu Pa'aire su wallatu darua paal᷊uannu mala'ekatta.