SASABANGNGA 32:9 - WUKE SUSI WATTI'U AL᷊AL᷊USASSA

⁹ I Ya'u masingkatta manungku walahannu udde tate maddaringikka.

SASABANGNGA 32:9 Referans Kwoze

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

TAHIUL᷊E 9:13

Mawu lai nabbisara si ya'u, ‘I Ya'u masingkata walahanna udde tumaniten maatikka puane.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

2 TAWARIKH 30:8

Imbaṛṛangnga i yamiu mal᷊awangnga ere i mangitou, arawe paatuṛṛutte Mawu. Rantate watukku Yerusalem su Wal᷊en Mawu apan buatte niṛṛaen Mawu Ruatanu su watangan-Ne saran mal᷊annu-l᷊annu. Wette mattaṛṛamawu si Tou tadea'u umompo'e asasa'u-Ne su saruanni yamiu.

TAHIUL᷊E 9:6

Pangimante manungku Mawu Ruatanu tawe manantillu leta'a masuwukka udde si yamiu ana waugu i yamiu su lal᷊anne manengkamma leta'a udde. Tawe! I yamiu indi walahanna tawe maddaringikka.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

NEHEMIA 9:17

I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

TAHIUL᷊E 10:16

Nariaddi manattakka orassa indi yamiu ṛinone matuṛṛutta su Mawu wuṛṛu puanu tate mangattikka lai.

HOSEA 6:10

Su Israel i Ya'u naasilo sambau apan maata'utta: uma-U mandal᷊eo watanganne ringannu massubba paal᷊uanna.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

2 MARARATU 17:14

Arawe Israel wuṛṛu Yehuda maddiri maddaringikka. Puan mangitou maatikka ere al᷊amonan mangitou tawe mangimanna Mawu, Ruatan mangitou.

NEHEMIA 9:16

Arawe al᷊amonan kami mawunga wuṛṛu naungnge maattikka; manga parenta-Nu tawe daringiṛṛanni mangitou.