SASABANGNGA 32:19 - WUKE SUSI WATTI'U AL᷊AL᷊USASSA

¹⁹ Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

SASABANGNGA 32:19 Referans Kwoze

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

MARKUS 10:14

Naasilo olangnge udde Mawu Yesus namul᷊o see i Tou nabbisara mallal᷊aṛṛenggen-Ne, “Wala'e al᷊aṛṛana'a udde rumanta ringang-Ku! Arie passingara'a i mangitou, ana waugu ete taumata ereindi maola'a lal᷊oṛṛon araratuannu Ruata.

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

ZAKARIA 11:14

Wua ude ta'u nipaddi ta'ingku aruane, eteudde apan ta'u nisaggo “Nii'itta”, ne napesangke paa'aukku Yehuda wuassu Israel.

LAL᷊ALLU 5:15

I yami niawul᷊ianten lal᷊umanna'a; manga sal᷊aingnga nawal᷊ute lal᷊al᷊o.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

2 SAMUEL 6:14

Wua'udde i Daud massal᷊aingke ringannu naungnga mal᷊uassa su ipangaddatta Mawu. Su orassa udde i tou tumba'u ual᷊uṛṛen nasa linen ma'autta wuṛṛu nireṛṛotta su tapanangnge.

TAHIUL᷊E 27:26

‘Niawontohante taumata apan tawe tumuṛṛutta tita wuṛṛu al᷊aṛṛa'u Mawu Ruata ringannu pallal᷊aggu.’ ‘Amin!’ ”

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?

SASABANGNGA 15:20

Ana see i Miryam, sangkatou nabiah, iaangngi Harun, nanganu rebanane wuṛṛu anambon bawine nanengkella lai rebana apiddu massal᷊aingnga.

1 KORINTUS 10:7

Wuṛṛu tadea'u i ite lai tawe massubba paal᷊uanna ere lai a'olaannu sangkawageanganna wuassi mangitou. Sulal᷊ummu Wuke Susi uawoṛṛetta, “Ne walahanna udde mannattake u'anna wuṛṛu ma'inumma, wuṛṛu massal᷊aingnga ipassubba paal᷊uanna.”

SASABANGNGA 32:18

Unni Musa, “Daringiṛṛanna naal᷊ihidda wal᷊ine pagahahio naauntungnga ara'e hio narugi; udde tingikku taumata mangngantari.”

SASABANGNGA 34:1

Wua'udde Mawu nabbisara si Musa, “Pamaangke ruan kul᷊appa watu ere dorone. Su watu udde i Ya'u sarun mamoṛṛettu manga wisara apan uasul᷊ungnga su watu appan buatte Ta'u nipesangnga udde.

DARALO 119:53

I ya'u tumaniten massa'u su taumata lal᷊eo, ana waugu i mangitou nanantangu tita-Nu.

TAHIUL᷊E 10:2

Su manga watu udde sarun Ta'u iwoṛṛetta manga wisara apan uasul᷊ungnga ere suwatu apan buatte nipesangngu; wua'udde manga watu udde ṛinone sahipunannu sulal᷊ummu wantalla udde.’