SASABANGNGA 32:13 - WUKE SUSI WATTI'U AL᷊AL᷊USASSA

¹³ Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

SASABANGNGA 32:13 Referans Kwoze

IBRANI 6:13

Su tempo Ruata na'ire si Abraham, i Tou nassalu manungku i Tou sarun mapaatipussu apa apan suete pina'ire-Ne. Wuṛṛu ana waugu tawedu mattanggaṛṛanne wuassu Ruata, ne i Tou nassalu ringannu aran-Ne sassane.

PANDARIADDI 22:16

“Mawu nabbisara: i Ya'u massalu ringannu arang-Ku sassane, ana waugu i'o buatte na'ola'a inolaanna indi wuṛṛu tawe nanol᷊a'a manantillu anangngu tinggassa udde si Ya'u,

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

IMAMATTA 26:42

I Ya'u sarun mannaungnga pa'aire-U si Yakub, si Ishak wuṛṛu si Abraham. I Ya'u sarun mallimbakku pa'aire-U tadea'u mangonggolu leta'a udde su walahang-Ku.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

PANDARIADDI 15:7

Wua'udde Mawu nabbisara apia si tou, “Ete i Ya'u Mawu, apan buatte namiaṛṛangngu sinumabbangnga wuassu wanua Ur su Babilonia, tadea'u panantilannu leta'a indi si'o maola'a pusaanu.”

TAHIUL᷊E 9:27

Naungetewe manga allang-Ngu Abraham, i Ishak wuṛṛu i Yakub, wuṛṛu ariete pabbala'a su aattiku puane, al᷊al᷊eo wuṛṛu rosan balahanna indi.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 13:11

I Musa nabbisara su walahannu Israel, “Mawu sarun manguntuddi yamiu watukku wanua Kanaan apan nipa'ire-Ne ringannu sasalu si yamiu wuṛṛu iupungngu al᷊amonanu. Napawe leta'a udde naola'e pussaanu,

SASABANGNGA 33:1

Ana see Mawu nabbisara si Musa, “Tatanga'e tampa indi wuṛṛu roote suadio'a ringannu walahanna apan niapiddu wuassu Mesir udde watukku wanua apan Ta'u pina'ire si Abraham, si Ishak wuṛṛu si Yakub see lai papapulunni mangitou.

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.