SASABANGNGA 32:1 - WUKE SUSI WATTI'U AL᷊AL᷊USASSA

¹ Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

SASABANGNGA 32:1 Referans Kwoze

WATTI'U MANGA RASUL 7:40

I mangitou nabbisara si Harun, ‘Pallanginte manga paal᷊uanna hunang kami, tadea'u manga paal᷊uanna udde mamiaṛṛa'i yami. Ana waugu i yami wagate lai apa apan sarun mariaddi si Musa udde, apan nangapiddi yami sinumabangnga wuassu Mesir!’

TAHIUL᷊E 9:9

I ya'u sinuma'a wowone tadea'u manengkamma watun pa'aire apan niola'u Mawu si yamiu. Appatu pul᷊o su allone wuṛṛu appatu pul᷊o su ṛabbine al᷊annune i ya'u uatana'a su puiddu wowone udde ringannu tawe umanna ara'e ma'inumma.

2 PETRUS 3:4

ringannu mabbisara arendi, “Anaudde Mawu na'ire rumanta! Orassa indi suapa i Tou? Manga iamangngu al᷊amonang kite natete arawe al᷊awo'a mangke uasul᷊ungnga ere ro'en runia indi niriaddi!”

SASABANGNGA 24:18

Ana see i Musa sidutu sussa'a na'oman sara i tou sinumutta sulal᷊ummu winabbawa udde. Appatu pul᷊o su allone appatu pul᷊o su ṛabbine i Musa uatana'a isudde.

MATIUS 24:48

Arawe amungkangngu mangangimbe udde lal᷊eo, i tou sarun mabbisara sulal᷊ummu naungnge,

WATTI'U MANGA RASUL 17:29

Ne, ana waugu ete i ite udde al᷊aṛṛana'u Ruata, i ite tawe wotongnge massunna manungku Ruata udde naal᷊ihida ere paal᷊uanna apan niola'a wuassu wul᷊awanna ara'e sal᷊a'a ara'e watu apan niola'a tumuṛṛuttu apanden taumata.

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

MIKHA 6:4

I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?

SASABANGNGA 32:7

Ne Mawu nabbisara si Musa, “Paal᷊ihakke sumossokka, ana waugu walahannu apan nipiaṛṛangngu sinumabbangnga wuassu Mesir buatte na'ola'a al᷊al᷊eo.

SASABANGNGA 14:11

Unni mangitou si Musa, “Apa su Mesir tawe labbingnga, na'oman sara i'o nangapiddi yami tadea'u mate su tampa indi? Pa'ellege ana waugu inolaannu udde!

SASABANGNGA 13:21

Su tempo allo Mawu u'amatta su saruanni mangitou sulal᷊ummu pal᷊iaṛṛanna winabbawa wuṛṛu su tempo ṛabbi i Tou nalliu ṛoro si mangitou sulal᷊ummu pal᷊iaṛṛanna putungnga tadea'u mamantingiddu lal᷊anna. Ringannu aroddi i mangitou wotongnge umamatta allo wuṛṛu ṛabbi.

SASABANGNGA 16:3

Unni mangitou, “Mappianne unnu wisara yami buatte nipate Mawu su Mesir. Poiaroddi yami mattingkadio'a wotongnge umaianna uminasa ṛemessa wuṛṛu umanna roti ma'oman sara mal᷊aidda. Arawe i yamiu nangapidi yami isindi tadea'u yami sarangkanambone mate amal᷊unusana.”

PANDARIADDI 44:15

Ne i Yusuf nabbisarate, “Apate niola'i yamiu udde? I yamiu wagga manungku taumata ere i ya'u indi wotongnge maasingkatta inolaannu apan dal᷊eo ringannu wal᷊iimata?”

YOSUA 7:13

Orassa indi darisikke, Yosua! Waresite naungngu taumatan Israel wuṛṛu doloṛṛa'e i mangitou pandiahi tiṛṛabbi, ana waugu i Ya'u Mawu Ruatan Israel sarun mamasingkattu indi si mangitou: ‘Ei manga taumatan Israel! Manga saranapa apan buatte Ta'u niapaatutunga si yamiu, sambageanganna udde ta'e pia si yamiu. Tantal᷊anna i yamiu taambe nandammen manga saranapa udde, i yamiu tawe aaroopa seetta!’

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

PANDARIADDI 44:4

I mangitou taambe marau wuassu soa udde, su tempo i Yusuf nabbisara su tembonannu amonanna, “Paal᷊ihakka enggene manga taumata udde. Napawe niaenggenante, wal᷊oa'a si mangitou, ‘Anio apapia niwal᷊isanni yamiu al᷊al᷊eo?

PANDARIADDI 39:8

I Yusuf madiri wuṛṛu nabbisara si tou, “Arie pa'asa'u i Mama, i tuanga i Potifar buatte nanantillu al᷊awo'u darotongnge si ya'u. I tou tate maṛṛingiddu manga apa su wal᷊en indi.

PANDARIADDI 19:14

Ana see i Lot inaite naisasomban ruan katou tunangan anangnge, wuṛṛu nabbisara, “Paal᷊ihakke sumabangnga wuassu tampa indi, ana waugu Mawu sarun manoṛṛoba soa indi.” Arawe i mangitou massunna manungku i Lot tumba'u ual᷊al᷊akkangnga.

MATIUS 24:43

Paanaunge indi! Unnu wisara tatahuannu wal᷊e masingkatta puulla sangkura su tempo ṛabbi manana'o rumanta, i tou tawe matiilla, tadea'u manana'o tawe maasutta sulal᷊ummu wal᷊ene.

PANDARIADDI 21:26

I Abimelekh nabbisara, “I ya'u wagga isai apan buatte na'ola'a inolaanna udde. I'o taambe namasingkattu hatto udde si ya'u, wuṛṛu wakkute passa indi ya'u naaringikka hatto udde.”

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 32:23

I mangitou nabbisara si ya'u, ‘I ite wagga apa apan nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete monganna apan botongnge mamiaṛṛa'i yami.’

REENGANNA 14:22

manungku wuassu manga taumata indi tawe saran sangkatou apan ta'e wiakka sumutta su wanua apan Ta'u pina'ire su iupungngu al᷊amona mangitou. Ana waugu i mangitou maddiri tumuṛṛutta si Ya'u, wuṛṛu sidutu mammal᷊intongnga si Ya'u. Sumbal᷊i i mangitou naasilote semaaka wuassu Mawu apan lullansiangnga, wuṛṛu manga al᷊aṛṛindu'a apan Ta'u niola'a su Mesir wuṛṛu su wadda'a.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SASABANGNGA 32:22

Sasimbakki Harun, “Arie pa'asa'u si ya'u; i'o masingkatta sassane ereapa ahewallu naungngu manga taumata indi ma'ola'a al᷊al᷊eo.

TAHIUL᷊E 9:1

“Paddaringikkawe manga tuṛṛangnga! Allo indi yamiu lumewesse Sal᷊ukku Yordan inai matana'a su wageangngu leta'u walahanna apan magewal᷊anna wuṛṛu mattohasanna wuassi yamiu. Manga soan mangitou wahahewalla ringannu manga darandunge matanggakka sara langitta.

TAHIUL᷊E 31:8

Mawu sarun mangehetta wuṛṛu mantulungngu. I Tou tawe mapaasusan naungngu ara'e manantangngu. Ana waugu udde imbaṛṛangnga mata'utta ara'e suminggawangnga.”

DARALO 106:19

Su Wowon Sinai i mangitou nallanginnu ana'u sapi wul᷊awanna, wuṛṛu massubba paal᷊uanna nilanginna udde.