SASABANGNGA 30:12 - WUKE SUSI WATTI'U AL᷊AL᷊USASSA

¹² “Su tempo nandeengngu balahannu Israel, suapan taumata esakka ṛinone mamaekka si Ya'u roitta tatubussa watanganne tadea'u i tou tawe aṛṛinoannu asasilaka su tempon pandareengnga udde iapaamatta.

SASABANGNGA 30:12 Referans Kwoze

REENGANNA 31:50

Ana waugu udde yami nangapidu manga lal᷊ogakka wul᷊awanna, hal᷊angngu ta'iakka, hal᷊angngu ledda, sinsingnga, ngante-ngante wuṛṛu wul᷊ele apan buatte nianu sangkatou-sangkatou. Sarangkanambone indi itantiili yami su Mawu maola'a sasamba kami, tadea'u i Tou sidutu ual᷊u'adda si yami.”

1 TAWARIKH 27:24

I Yoab ana'i Zeruya mannattakke ma'ola'a pandareengnga, arawe i tou tawe naapanginsue, ana waugu Ruata nakkuumannu taumatan Israel, waugu pandareengnga udde. Ana waugu udde anambon reenganni mangitou tawe niwoṛṛetta sulal᷊ummu Wuken Ratu Daud.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

DARALO 49:7

I mangitou sarun mangasakku paa'alane, wuṛṛu mamungan darotongnge.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

MARKUS 10:45

Ana waugu Ana'u Taumata lai nirumanta wal᷊ine ana see imbeanna. I Tou nirumanta mangimbe wuṛṛu manantillu niawa-Ne ipanubussa rosan taumata nambo.”

AYUB 36:18

Paatehammawe, ariewe i'o aawusuannu roitta aonggolla; arie i'o awal᷊intongannu paa'ala.

AYUB 33:24

Ringannu u'akkanna mala'ekatta udde sarun mabbisara, ‘Pallosa'e i tou, tawe wotongnge i tou sumossokka su runian taumata nate. Indite roitta tatubbunne, tadea'u i tou mapallossa apia.’

2 TAWARIKH 24:6

Ana waugu udde i tou namago si Imam Yoyada, piaṛṛa'i mangitou, ana see nabbisara, “Wal᷊inewe i Musa allangngu Mawu buatte nandolokku tumanangnge iapawaekka wose tadea'u ipangapia Rasannu Mawu? Orassa indi, anio manga taumatan Lewi udde tawe iwata'i papa iapaammulu wose wuassu tumana'u Yehuda wuṛṛu Yerusalem?” (

1 TAWARIKH 21:14

Ne Mawu nandantan saidalu su taumatan Israel na'oman sara 70.000 su atoune nate.

1 TAWARIKH 21:12

Wanua indi aṛṛiaannu elessa al᷊annune tallu tonna, ara'e i Tuangnga tumal᷊angnga a'enggenannu seetta al᷊annune tallu wul᷊anna, ara'e ahewallu wanua indi tallu allo pangaloannu Mawu ringannu hal᷊ele-Ne ere saiddalu, wuṛṛu mala'ekan-Ne mangapiddu papate su al᷊awo'u tampa. Ṛawesa'e orassa indi apa apan ta'u iapasingkatta su Mawu.”

SASABANGNGA 30:11

Mawu nabbisara si Musa,

REENGANNA 31:49

wuṛṛu nabbal᷊o, “Tuangnga, yami buatte nandeengngu manga tantaran kami. Inauranna reenganni mangitou nasuungnga, taweddu sangkatou apan nawul᷊i.

1 TAWARIKH 21:1

Setanna maapulu manilaka taumatan Israel; ana waugu udde i tou nassal᷊o'i Daud tadea'u ma'ola'a pandareengnga.

1 TAWARIKH 21:3

I Yoab sinumimbakka, “Antimanna Mawu mapaanambon tumana'u Israel ma'oman sara paaṛasutta anambone wuassu reenganni mangitou orassa indi. Apan Awantuhanne, wal᷊inewe natualage manungku i mangitou uasuṛṛubawa lai si Tuangnga? Anio ma'ola'a lai pandareengnga? Sal᷊immurine, ana waugu pasasal᷊a udde anambon walahanna pandansilananne!”

2 TAWARIKH 24:9

Su ahewallu Yerusalem wuṛṛu Yehuda nial᷊iata manungku anambon taumata ṛinone mangapiddu wose su Mawu ere lai buatte nititan Musa.