SASABANGNGA 3:7 - WUKE SUSI WATTI'U AL᷊AL᷊USASSA

⁷ Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 3:7 Referans Kwoze

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 106:44

Arawe Mawu naddaringikka aintul᷊in mangitou, i Tou na'ellega asasusan mangitou.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

NEHEMIA 9:9

I'o na'ellega asasusa al᷊amonan kami sutempo nanangkal᷊iu; I'o naddaringikka lal᷊uaine su Mesir wuṛṛu su Tahal᷊oangngu Teberau.

SASABANGNGA 22:23

Amungkangngu i yamiu mandal᷊eo si mangitou, i Ya'u, Mawu sarun maddaringikka si mangitou napawe i mangitou sumal᷊ande maiontolla si Ya'u.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

DARALO 34:4

Paddalote Mawu su sampunna ringangku, wette suadio'a mamantuga aran-Ne.

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

PANDARIADDI 29:32

I Lea piate illoṛṛo ana see nanungkangu sangkatou ana'a esakka. Wisarane, “Mawu buatte na'ellega asasusa'u, wuṛṛu orassa indi awingku sarung mandangngu si ya'u.” Ana see ana'a udde nissagote i Ruben.

DARALO 22:24

Paddalote si Tou, ei manga taumata apan mangngimanna! Wantuhete i Tou, ei anambon papapulunni Yakub! Al᷊intuddate su saruan-Ne, anambon papapulunnu Israel!

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

DARALO 142:3

Su saruan-Ne i ya'u ma'ial᷊are; ta'u niapasingkatta asasusa'u si Tou.

PANDARIADDI 18:21

Ana waugu udde i Ya'u inai sumossokka poiaroddi mamarikassa tanne anambon aalae apan niaringiṛṛang-Ku udde atonna ara'e tawe.”

WATTI'U MANGA RASUL 7:34

I Ya'u suete naasilo wuṛṛu naatutukka aroddi apettane asasusam pabbawala-U su Mesir. I Ya'u naaringikke sasal᷊iomanni mangitou wuṛṛu i ya'u sinumossokka mamallosi mangitou. Orassa indi wette! I Ya'u sarun mandolokku mabelengnga watukku Mesir.’

PANDARIADDI 16:11

Tate mal᷊annu lai i'o sarun mangunsiwen ana'a esakka; saggoa'e i tou i Ismael, ana waugu Mawu buatte nadaringikka lal᷊uainu.

PANDARIADDI 21:17

Ruata naddaringikka tingikki Ismael,wuṛṛu wuassu langitta mala'ekattu Mawu nabbisara si Hagar, wisarane, “Apate ma'asusa si'o, Hagar? Ariete paata'utta. Ruata buatte naddaringikka tingikku anangngu.

PANDARIADDI 31:12

Mala'ekatta udde nabbisara apia, ‘Pa'ellege, anambon ambinga esakka apan tantal᷊anna uawawatianna udde pia boṛṛentenge, wuṛṛu pia titingnge wuṛṛu tal᷊iṛṛawanna. I Ya'u nangatokku udde si'o ana waugu i ya'u buatte naasilo al᷊awo'u inolaanni Laban si'o.

PANDARIADDI 31:42

Unnu wisara i ya'u tawe lal᷊u'arannu Ruatan al᷊amona'u, eteudde Ruata apan sassubanni Abraham wuṛṛu i Ishak, ne i Papa buatte napaasal᷊iu'u ringannu tawe ul᷊ene. Arawe Ruata buatte na'ellega asasusa'u wuṛṛu manara apan buatte ta'u niola'a, wuṛṛu masaṛṛabi i Tou buatte nakkawessa.”

SASABANGNGA 5:6

Allo udde lai manga mandariaga taumata Mesir wuṛṛu manga mandore taumatan Israel naasomba parenta wuassu Mawu,

SASABANGNGA 5:10

Manga mandariaga taumata Mesir wuṛṛu manga mandore taumatan Israel udde sinumabbangnga ana see nabbisara su manga taumatan Israel, “Ratu namarenta tadea'u i yamiu tate onggol᷊annu laṛṛami.

SASABANGNGA 33:13

Amungkangngu aroddi, atimanna mamasingkattu ṛiinnu, Mawu, tadea'u i ya'u wotongnge mangimbe Si'o wuṛṛu sidutu maal᷊uassa naung-Ngu. Naunge lai manungku walahanna indi buatte nipile-Nu maola'a pussaa-Nu.”

REENGANNA 20:16

wuṛṛu yami sinumal᷊ande su Mawu maiontolla. I Tou naddaringikka sasal᷊anden kami wuṛṛu nandolokku sangkatou mala'ekatta. Mala'ekatta udde namiaṛṛa'i yami sinumabbangnga wuassu leta'u Mesir. Orassa indi yami uatana'a su Kades, sambau soa su passarannu wageangngu leta'i Tuangku.

2 SAMUEL 22:28

Taumata apan naungnge mawawo niapasal᷊aman-Nu; arawe taumata mawunga niṛṛuuman-Nu.

2 MARARATU 13:4

Ana see i Yoahas niumal᷊iomanna su Mawu, ne Mawu naddaringikka aal᷊iomanne udde, ana waugu Mawu na'ellega aroddi al᷊aṛṛage ratun Siria mammarenta taumatan Israel.

DARALO 35:22

Arawe I'o, Mawu, naasilote; ariewe mangintammuda, oh Mawu, ariewe pangindau wuassi ya'u.

SASABANGNGA 1:8

Wua'udde sangkatou ratu wakku apan waggan i Yusuf mannatakke mammarenta su Mesir.

2 MARARATU 20:5

niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

DARALO 9:14

Pa'ellege, seetta mannansara si ya'u; akkanaawe i ya'u, oh Mawu, liuaawe i ya'u wuassu papate,

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”