SASABANGNGA 3:15 - WUKE SUSI WATTI'U AL᷊AL᷊USASSA

¹⁵ Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

SASABANGNGA 3:15 Referans Kwoze

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

HOSEA 12:5

I tou nallaṛṛawa'u ringannu sangkatou mala'ekatta, wuṛṛu i tou naauntungnga. Wua'udde i tou nilumuai wuṛṛu naddorongnga al᷊amatanna. Wua'udde su Betel, Ruata nirumanta ringanni Yakub al᷊amonan kite udde, wuṛṛu naggahatton tou.

MIKHA 4:5

Suapan walahanna su wowon dunia massubba wuṛṛu tuttuṛṛutta su monganne sassane. Arawe i ite sarun tumuṛṛutta su Mawu Ruatan kite wuṛṛu massubba si Tou saran mal᷊annu-l᷊annu.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

DARALO 102:12

Wia'u malliudda ere lintau sutempo wawallo; i ya'u tinumolangnga ere nannal᷊o.

DARALO 135:13

Oh Mawu, I'o sidutu iapappasingkatta, wuṛṛu aran-Nu nannaungannu anambon papapulunna,

WATTI'U MANGA RASUL 7:32

‘Ete i Ya'u Ruata iupungngu al᷊amonanu; i Ya'u Ruatan Abraham, Ishak, wuṛṛu Yakub.’ I Musa nangindon atata'utta na'oman sara i tou tate waṛṛani ma'ellega anggaṛṛumunanne udde.

TAHIUL᷊E 1:11

Antimanna Mawu, Ruatan iupungngu al᷊amonanu sidutu mannamba anambonu ma'oman sara paasaṛṛiwu lappuanna anambone, wuṛṛu ma'ola'a si yamiu walahanna apan ala ere lai buatte nipa'ire-Ne!

SASABANGNGA 4:5

Unnu Mawu, “Pa'ola'e aroddi tadea'u manga taumatan Israel mangimanna manungku i Ya'u, Mawu, Ruata iupungngu al᷊amona mangitou, Ruatan Abraham, Ishak wuṛṛu Yakub, buatte naipasilon batangan-Ne si'o.”

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

2 TAWARIKH 28:9

Sangkatou Nabi Mawu aranne i Oded uatana'a su Samaria. Sutempo tantaran Israel nabelengnga uaapiddu taumata niatawanna wuassu Yehuda, Oded naisasomban mangitou sutempo i mangitou sumuttate su soa. I tou nabbisara, “I yamiu buatte namaddon taumatan Yehuda ana waugu Mawu Ruatan al᷊amonanu nasa'ute si mangitou. Arawe Mawu naddaringikka tumaniten maṛṛagissa i yamiu namate tantaran Yehuda udde.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 1:35

‘Tawe saran sangkatou wuassu ammul᷊annu taumata indi apan maasutta su wanua masuwukka apan Ta'u pina'ire su iupungngu al᷊amonanu.

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

PANDARIADDI 24:12

Ana see allangnga udde niumal᷊iomanna, “Mawu, Ruata mawu'u Abraham, tul᷊ungaawe, tadea'u i ya'u maaola'a manara'u su allo indi; akkanaawe mawu'u Abraham.

SASABANGNGA 3:13

I Musa sinumimbakka, “Arawe amungkangngu i ya'u maisasomban manga taumatan Israel wuṛṛu mabbisara si mangitou: ‘Ruatan iupungngu al᷊amonanu nandolo'u ringanni yamiu,’ i mangitou sarun maiwal᷊o, ‘Isai arannu?’ Ana see apate sarun ta'u islimbakka si mangitou?”

SASABANGNGA 4:1

Ana see i Musa sinumimbakka Mawu, “Arawe ereapate amungkangngu unnu wisara manga taumatan Israel tawe mangimanna wuṛṛu maddiri tumuṛṛutta manga wisara'u? Apa ṛinone ta'u olaanna unnu wisara i mangitou mabbisara manungku Mawu tawe naipasilon batangan-Ne si ya'u?”

SASABANGNGA 6:2

I Ya'u naipasilon batangang-Ku si Abraham, i Ishak wuṛṛu i Yakub naola'a Ruata Apan Lembontaṛṛino, arawe i Ya'u tawe namasingkatu watangang-Ku si mangitou ringannu arannu ‘Mawu.’

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

SASABANGNGA 15:3

Mawu udde mamamagalo apan matohassa, Mawu, uddewe aran-Ne.

DARALO 30:4

I'o nalliu'u wuassu runian papate, wuṛṛu namiakka si ya'u wuassu wallatu manga taumata nate.

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

YEREMIA 33:2

apan nandiaddi runia wuṛṛu nallanginnu saṛṛene see nangaddo su tampane. I tou nabbisara,

DANIEL 2:23

Oh, Ruata raddaloannu al᷊amona'u, I'o ta'u raloanna wuṛṛu ta'u wantuhanna. Ana waugu I'o nangonggolla si ya'u asingkatta wuṛṛu atatohassa. Darorongngi yami buatte niraringiṛṛan-Nu, wuṛṛu sasimbakka su ratu buatte niwal᷊o-Nu.”

1 TAWARIKH 16:16

Pa'aire udde niolang-Nge ringanni Abraham, wua'udde ringanni Ishak,

1 TAWARIKH 29:18

Oh Mawu Ruata, apan sassubbanni Abraham, i Ishak wuṛṛu i Yakub, al᷊amonan kami, antimanna I'o mallu'adda tadea'u al᷊aṛṛanang-Ngu sidutu marangngu Si'o ere lai su orassa indi wuṛṛu tul᷊ungaawe tadea'u sarangkal᷊o'engnge sidutu tuttuṛṛuta Si'o.

DARALO 30:5

Pangantariten daralo su Mawu, ei walahan-Ne apan matuṛṛutta, wuṛṛu aal᷊iomante su Apan Lembonsusi.

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

DARALO 102:13

Arawe I'o, oh Mawu, Ratu saran mal᷊annu-l᷊annu, sidutu nannaunganna sara maṛṛawa mappulunnu.

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.