SASABANGNGA 3:13 - WUKE SUSI WATTI'U AL᷊AL᷊USASSA

¹³ I Musa sinumimbakka, “Arawe amungkangngu i ya'u maisasomban manga taumatan Israel wuṛṛu mabbisara si mangitou: ‘Ruatan iupungngu al᷊amonanu nandolo'u ringanni yamiu,’ i mangitou sarun maiwal᷊o, ‘Isai arannu?’ Ana see apate sarun ta'u islimbakka si mangitou?”

SASABANGNGA 3:13 Referans Kwoze

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

MATIUS 1:21

I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

SASABANGNGA 3:14

Unnu Ruata, “I Ya'u eteudde I YA'U INDI. Eteindi apan iwisaranu su balahannu Israel, i Tou apan isassaggo I YA'U INDI, buatte nandolo'u ringanni yamiu.

PANDARIADDI 32:29

I Yakub nabbisara, “Wal᷊oa'e aranni Tuangnga.” Arawe taumata udde sinumimbakka, “Tawe su ṛinone i'o maiwal᷊on arangku!” Ana see i Tou nangal᷊amatte si Yakub.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

MAL᷊AṚṚUUNGNGA 13:6

Wua'udde awingngi Manoah inaite ringannu awingnge wuṛṛu nabbisara, “Papa, pia daroloṛannu Ruata nirumanta ringangku; al᷊imangke naal᷊ihidda mala'ekattu Mawu Ruata, na'oman sara i ya'u nata'utta. I ya'u tawe naiwal᷊o wuassuapa i tou nirumanta, wuṛṛu i tou lai tawe namasingkattu aranne si ya'u.

SASABANGNGA 15:3

Mawu udde mamamagalo apan matohassa, Mawu, uddewe aran-Ne.

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

SASABANGNGA 7:16

Pasingkata'a su ratu udde; Mawu, Ruata taumatan Ibrani, nandolo'u iapawal᷊o si Tuangku tadea'u mamalan al᷊aṛṛanang-Nge inai mattaṛṛamawu si Tou su wadda'a. Arawe naddatingngu sara orassa indi i Tuangku maddiri maddaringikka.

YESAYA 52:6

Ana waugu udde i yamiu sarun manga'u manungku i Ya'u Ruata, wuṛṛu sutempo udde i yamiu sarun maasingkatta manungku ete i Ya'u apan nabbisara si yamiu.”