SASABANGNGA 3:12 - WUKE SUSI WATTI'U AL᷊AL᷊USASSA

¹² Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 3:12 Referans Kwoze

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

PANDARIADDI 31:3

Ana see Mawu nabbisara si Yakub, “Pabelengke watukku wanuan iamangngu wuṛṛu ringannu manga tuṛṛangngu. I Ya'u sarun mallu'adda si'o.”

SASABANGNGA 4:15

Paggahattoten tou wuṛṛu wal᷊oa'a si tou apa apan ṛinone iwisarane. I Ya'u sarun mantul᷊ungngi raddua wuṛṛu mangaṛṛa'u apa apan ṛinone iwisara wuṛṛu olaanni raddua.

SASABANGNGA 4:12

Orassa indi, roote, i Ya'u sarun mantul᷊ungngu mabbisara wuṛṛu mangaṛṛa'u sarangkanambone apan ṛinone iwisaranu.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

WATTI'U MANGA RASUL 11:21

Taṛṛino Mawu mangke si mangitou na'oman sara taumata nambo mangngimanna wuṛṛu nanantillu watanganne su Mawu.

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

DARALO 86:17

Onggol᷊awe i ya'u tatialan apapia-Nu oh Mawu, tadea'u taumata apan maddantingku mabbal᷊i, napawe i mangitou maasilo Si'o mantul᷊ungnga wuṛṛu malluassa si ya'u.

YESAYA 37:30

Yesaya nangirimmu lai tanata indi si Hizkia, “Eteindi apan sarun maola'a tiala si'o. Tonna indi wuṛṛu tonna suhati taumata sarun umanna gandumma apan tinumuwo sassane. Arawe wua'udde i mangitou wotongnge massuannu gandumma wuṛṛu anggore lapiddu umanna wuane.

MAL᷊AṚṚUUNGNGA 7:11

I'o sarun maaringikka manga hatton seetta, wuṛṛu hatton udde sarun maawaṛani si'o inai mamangalo.” Ana see i Gideon wuṛṛu i Pura, inaite watukku passarannu paddasanannu seetta.

MAL᷊AṚṚUUNGNGA 6:21

Wua'udde mala'ekattu Mawu udde nangul᷊ukku limane ana see ringannu pentakku alu apan aagasanne, i tou nangeṛetta ṛemessa wuṛṛu roti udde. Watu udde niṛumenggamma lapiddu nasue natutungnga ṛemessa wuṛṛu roti udde. Ana see mala'ekatta udde nawul᷊ite.

MAL᷊AṚṚUUNGNGA 6:17

I Gideon sinumimbakka, “Amungkangngu i ya'u atonna-tonna ipaapulun Mawu, onggol᷊eten sambau tatiala manungku atonna tumba'u Mawu apan nangonggolu parenta udde si ya'u.

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 15:8

Arawe i Abram naiwal᷊o, “Oh, Mawu Apan Atanggaṛṛanne, ereapa i ya'u wotongnge maasingkatta manungku leta'a udde maola'a pusaa'u?”

WATTI'U MANGA RASUL 7:7

Arawe i Ya'u sarun makkuumannu walahanna apan mangngallangnga si yamiu, wuṛṛu i mangitou sarun masal᷊iu wuassu wanua udde wuṛṛu sarun massubba si Ya'u su tampa indi.’

SASABANGNGA 3:1

Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

SASABANGNGA 3:13

I Musa sinumimbakka, “Arawe amungkangngu i ya'u maisasomban manga taumatan Israel wuṛṛu mabbisara si mangitou: ‘Ruatan iupungngu al᷊amonanu nandolo'u ringanni yamiu,’ i mangitou sarun maiwal᷊o, ‘Isai arannu?’ Ana see apate sarun ta'u islimbakka si mangitou?”

SASABANGNGA 18:5

I Yitro nirumanta suadio'a ringannu awingngi Musa wuṛṛu anangnge darua watukku wadda'a su tampa i Musa naddasanna maranin bowone na'ukkassa.

SASABANGNGA 33:14

Unnu Mawu, “I yamiu sarun Ta'u lu'aranna tadea'u wotongnge maatahuanna leta'a apan Ta'u pinaire.”

REENGANNA 16:28

Ana see i Musa nabbisara, “Ringannu indi yamiu sarun maasingkatta manungku Mawu buatte nandolo'u niapaola'a sarangkanambone indi wuṛṛu manungku udde wal᷊ine apulu'u sassane.

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

MAL᷊AṚṚUUNGNGA 6:16

“I'o wotongnge!” unnu Mawu, “ana waugu i Ya'u sarun massumbala si'o. Manga taumata Midian wotongnge ṛimunsaannu ringannu mal᷊uassa, i'o naal᷊ihidda tumba'u uasaruanna sangkatou.”

2 MARARATU 19:29

I Yesaya nangirimmu tanata indi lai si Hizkia, “Eteindi apan maola'a tatiala si'o. Tonna indi wuṛṛu tonna su hati taumata sarun umanna ganduma apan tinumuwo sassane. Arawe napawe wua'udde i mangitou wotongngete massuannu ganduma wuṛṛu anggore lapiddu maatemma wuane.

YEREMIA 1:8

Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

SASABANGNGA 8:27

Yami ṛinone inai watukku wadda'a araune tallu allo amatanna inai mangonggolu sasamba su Ruatan kami, ere buatte nirolokki Tou si yami.”

MAL᷊AṚṚUUNGNGA 6:12

Mala'ekattu Mawu nattingkapasilo si tou wuṛṛu nabbisara, “Ei umbasanna apan matohassa! Mawu uarundinganna si'o!”

1 SAMUEL 14:10

Arawe amungkangu i mangitou mandolokki iaddua iaparanta, iaddua sarun inai, ana waugu udde tatialane manungku i mangitou buatte tinantillu Mawu si ite.”

1 TAWARIKH 9:20

I Pinehas ana'i Eleazar – doronganna Mawu mallu'adda si tou! – supaassa buatte namiaṛṛa'i mangitou.