SASABANGNGA 29:45 - WUKE SUSI WATTI'U AL᷊AL᷊USASSA

⁴⁵ I Ya'u sarun matana'a su pattangnganu balahannu Israel, wuṛṛu maola'a Ruata mangitou.

SASABANGNGA 29:45 Referans Kwoze

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

ZAKARIA 2:10

Mawu nabbisara, “Pangantarite ringannu lullala'a ei tumana'u Yerusalem! I ya'u sarun matana'a su pattangngannu!”

YOHANES 14:17

I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

SASABANGNGA 15:17

Ana see Israel niuntudda watukku tampa apan buatte nipile-Nu maola'a atatanaan-Nu. I mangitou namanua su wuiddu Mawu apan susi, su Wal᷊en apan buatte niolang-Ngu sassane.

EFESUS 2:22

Ana waugu mabbiakka uaaukka ringanni Kristus, i yamiu lai tantal᷊anna iapararisikka su sambau ringannu manga taumata waine maola'a sambau Wal᷊en Duata; isudde Ruata uatana'a ringannu Ghaṛṛaho-Ne.

YOHANES 14:20

Napawe nia'omante allo udde, i yamiu sarun maasingkatta manungku i Ya'u uaaukka ringannu Iamangnga, wuṛṛu i yamiu uaaukka ringang-Ku, wuṛṛu i Ya'u uaaukka ringanni yamiu.

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 29:44

I Ya'u sarun ma'ola'a Rasanna wuṛṛu mezbah indi susi. I Harun wuṛṛu manga anangnge sarun iṛṛae wuassi ngana'a waine tadea'u i mangitou mangimbe si Ya'u maola'a sangkatou imam.

IMAMATTA 26:11

I Ya'u sarun matana'a su wallati i yamiu sulal᷊ummu Rasang-Ku, wuṛṛu tawe manol᷊a'i yamiu.

REENGANNA 5:3

I mangitou ṛinone iapasal᷊iu, tadea'u tawe mamarantinna paddasananna, suapa i Ya'u uatana'a suadio'a ringannu walahanna-Ku.”

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

1 MARARATU 6:13

I Ya'u sarun matana'a su wal᷊en apan niolangngu indi su pattangngannu uma-U Israel. I Ya'u tawe manantangngi mangitou.”

DARALO 114:2

Mawu na'ola'a Yehuda tampa-Ne apan susi, Israel niola'a tampa apan paparentan-Ne.

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

DANIEL 2:11

Tuangku maapulun sambau apan tumaniten masahadda. Tawe saran sangkatou apan wotongnge maautungnga tabbene'e manga monganna, arawe i mangitou tawe uatana'a suwallattu taumata.”

HAGAI 2:5

Sutempo i yamiu sinumabbangnga wuassu Mesir, i Ya'u buatte naddiandi manungku sidutu sarun mallu'adda si yamiu. Wuṛṛu orassa indi lai i Ya'u ta'e ual᷊u'adda si yamiu. Nariaddi i yamiu ariete suminggawangnga.

REENGANNA 16:3

I mangitou suadio'a inai sumaruanna si Musa wuṛṛu si Harun ana see nabbisara, “Wotongngete udde, Musa! Taumatan Israel sarangkanambone niṛṛae su Mawu, wuṛṛu Mawu indi su pattangnganni ite sarangkanambone. Arawe anio i'o massunna watangannu mattanggaṛṛanna wuassu Mawu?”

REENGANNA 35:34

Ariewe mandal᷊eo leta'a apan wawanuanni yamiu, ana waugu ete i Ya'u Mawu, wuṛṛu i Ya'u uatana'a su pattangngannu walahannu Israel.”

2 TAWARIKH 6:18

Arawe, oh Ruata, atonnawe I'o mal᷊uassa matana'a su runia indi suwallattu taumata? Ahewallu langitta lai tawe matiudda Si'o, nangillembote wal᷊en patataṛṛamawuanna apan ta'u niola'a indi!

YEHEZKIEL 34:24

I Ya'u, Mawu, sarun maola'a Ruatan mangitou, wuṛṛu ratu apan ere allang-Ku Daud sarun maola'a tembonanni mangitou. I Ya'u Mawu buatte nabbisara.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

YEHEZKIEL 43:9

Arawe manattakka orassa insi mangitou ṛinone mangillol᷊o massubba paal᷊uanna wuṛṛu mangingkattu manga winal᷊unannu manga ratu mangitou. Wua'udde, i Ya'u sarun matana'a su pattangnganni mangitou saran mal᷊annu-l᷊annu.”

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.