SASABANGNGA 24:11 - WUKE SUSI WATTI'U AL᷊AL᷊USASSA

¹¹ Manga piaṛṛa'u Israel udde naasilote Ruata; salaiwe aṛṛoddi i Tou tawe namate si mangitou. Wua'udde i mangitou niumante wuṛṛu na'inumpe.

SASABANGNGA 24:11 Referans Kwoze

SASABANGNGA 18:12

Wua'udde i Yitro nangapiddu manga pira sasamba itattambunna wuṛṛu sasamba pappototanna maola'a sambau sasamba su Ruata. I Harun wuṛṛu anambon piaṛa'u walahannu Israel nirumanta wuṛṛu niumanna suadio'a ṛinganni Yitro sulal᷊ummu darantan Duata.

SASABANGNGA 19:21

wuṛṛu Mawu nabbisara si tou, “Lintukke wuṛṛu paanaunga manga taumata udde manungku i mangitou tawe wotongnge malliu passaranna ana waugu rumanta ma'ellega si Ya'u. Amungkangngu i mangitou lumawangnga lai, manambo su wallati mangitou sarun mate.

PANDARIADDI 31:54

I tou namototta winatangnga sambau wuṛṛu niola'a sasamba su wowon buidda udde. Ana see i tou nangahe manga taumatane umanna suadio'a, i mangitou nanaṛṛabbi su wuidda udde.

PANDARIADDI 16:13

I Hagar naiwal᷊o sulal᷊ummu naungnge, “Atonnawe i ya'u naasilote Ruata apan Mappaddul᷊i si ya'u?” Ne i tou nanagon arannu Mawu, apan buatte nabbisara si tou, “Ruata Apan Nappaddul᷊i”.

YEREMIA 14:3

Manga mangangimbe taumata ala nirolokka maddea'a ua'e su al᷊awo'u tampa; tate loṛṛone wensadda apan niapiddi mangitou apia. Ringannu u'al᷊iwu wuṛṛu tate antimma i mangitou massili wuṛṛu nallindumma hati.

MANNANASE 9:7

Wette, ante wuṛṛu lalluasse, pa'inumpe anggore ringannu lullala'a. Ruata tawe mamulo, ewe'e i tou lai mandolokka.

NEHEMIA 2:16

Tawe saran sangkatou wuassu manga matatimmaddu wanua masingkatta watukku apa i yami niumamatta, wuṛṛu apa apan ta'u niṛṛiinna. Ana waugu na'oman sara orassa udde i ya'u taambe nabbtti'u manga apa su manga taumata sambalahangku, mawae ete manga imam aroddi lai su manga matatimmaddu wanua, ara'e su manga mamanaran araratuanna, wuṛṛu sisai-sai apan sarun mapararisikku lai soa Yerusalem.

2 TAWARIKH 23:20

Manga tembonannu tantara, manga timmaddu wanua, manga mamanaran araratuanna, wuṛṛu tumana'u soa sarangkanambone uatantalongnga si Yoyada mammatuga si Ratu Yoas wuassu Wal᷊en Mawu watukku wal᷊en araratuanna. I mangitou sinumutta wuassu ngara wahewalla paarorone ana see ratu niuma'iante su adderan araratuanna.

1 MARARATU 21:8

Ne i Izebel namoṛṛettu suratta ringannu aranni Ahab wuṛṛu nireetannu segellu ratu su suratta udde. Suratta udde niiringnge su manga piaṛṛa'a wuṛṛu manga matatimmaddu wanua su Yizreel.

MAL᷊AṚṚUUNGNGA 13:22

Ana see i Manoah nabbisara awingnge, “Iaddua sarun mate ana waugu iaddua buatte naasilo Ruata!”

MAL᷊AṚṚUUNGNGA 5:13

Taumata awaṛanianne apan lambene nirumanta ringannu piaṛange, i mangitou nirumanta, wuṛṛu nariahite mapapangalo ana waugu i Tou.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

TAHIUL᷊E 4:33

Apa pia balahanna apan sidutu mabbiakka napawe naaringikka sambau monganna mabbisara si mangitou wuassu putungnga, ere buatte niapendamanni yamiu?

REENGANNA 21:18

Paṛṛihi apan nial᷊i manga matatimmade wuṛṛu manga piaṛṛa'u walahanna nial᷊i ta'innu piaṛṛangnge wuṛṛu ringannu ta'inna tatialan taṛṛino mangitou.” Wuassu wadda'a i mangitou nangingkatte watukku Matana,

SASABANGNGA 24:1

Wua'udde Mawu nabbisara si Musa, “Rangante sumaruanna si Ya'u, i'o suadio'i Harun, i Nadab wuṛṛu i Abihu, wuṛṛu pitun pul᷊o piaṛṛa'u walahanna, wuṛṛu al᷊intudate passubba si Ya'u wuassu marau.

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

REENGANNA 12:8

Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

DANIEL 10:17

I ya'u naal᷊ihidda sangkatou allangnga apan uarisikka su saruannu tuangnge. Ereapa wotongnge i ya'u maggahatton Tuangnga? Ikka'u nasuete wuṛṛu sasangngo'u marenga.”

DARALO 139:5

I'o uapal᷊iwutta si ya'u wuassu al᷊awo'u pappi'uanne, wuṛṛu I'o nallu'adda si ya'u ringannu taṛṛino-Nu.