SASABANGNGA 23:31 - WUKE SUSI WATTI'U AL᷊AL᷊USASSA

³¹ Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

SASABANGNGA 23:31 Referans Kwoze

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

TAHIUL᷊E 11:24

Suapan wageangngu leta'a apan amatanni yamiu sarun mabbal᷊i pussaanu. Letangngu mawannadda wuassu wadda'a su samba'an timukka maddatingngu Panenteannu Libanon su samba'an sawannakka, wuṛṛu wuassu Sal᷊ukku Efrat su samba'an da'i maddatingngu Tahal᷊oangngu Tangngane su samba'an baṛṛatta.

YOSUA 21:44

Ne ere buatte pina'ire Mawu su iupungngu al᷊amonan mangitou, wanua udde matammudda ana waugu lal᷊u'arannu Mawu. Manga seetti mangitou tawe saran sangkatou maaroappa si mangitou, ana waugu Mawu nangonggolu auntunganna su taumatan Israel su al᷊awo'u seetti mangitou.

YOSUA 1:4

Leta'a sarun mawannada wuassu wadda'a su timukka ma'oman sara watukku wowonen Libanon su sawannaka wuṛṛu wuassu Sal᷊ukku Efrat apan bahewalla udde masassukka mamal᷊iwutta wanuan balahannu Het ma'oman sara watukku Tahal᷊oangnga Tangngane su waṛṛata.

YOSUA 24:18

Wuṛṛu su tempo i ite sinumutta su wanua indi, Mawu nallimbuakka anambon taumatan Amori apan uatana'a isindi. Nariadi, yami ma'apulu mattaṛṛamawu Mawu, ana waugu ete i Tou Mawu Ruatan kite.”

DARALO 72:8

Araratuanne sarun mahewalla wuassu tahal᷊oangnga maddatingu tahal᷊oangnga, uawannada wuassu ra'i maddatingu waṛṛata.

MAL᷊AṚṚUUNGNGA 11:21

Arawe Mawu, Ruatan Israel, nangonggolu auntunganna su walahannu Israel wuassi Sihon wuṛṛu tantaran pangalone. Etearoddi ruangannu Israel naasomba anambon manga leta'u taumatan Amori apan uatana'a su wanua udde.

MAL᷊AṚṚUUNGNGA 1:4

wuṛṛu ruanganni Yehuda inaite namangalo suadio'a. Ne Mawu nangonggolu auntunganna si mangitou su taumatan Kanaan wuṛṛu taumatan Feris. Mapul᷊o ṛiwu su atoune tantaran seetta nate su Bezek.

1 MARARATU 20:13

Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

1 SAMUEL 23:4

Ana waugu udde paassa lai i Daud naddorongnga tatantiro wuassu Mawu, wuṛṛu Mawu sinumimbakka, “Arie passinggawangnga. Pangaloite soa Kehila, ana waugu tantaran Filistin udde Ta'u itantilla si'o.”

YOSUA 24:12

Su tempo i yamiu inaite mamangalo si mangitou i Ya'u napaatingnganga wuṛṛu napaata'utti mangitou, na'oman sara ruan katou ratun Amori udde tinumal᷊angngi yamiu. Wal᷊ine hal᷊elenu wuṛṛu wal᷊ine anaannu apan naauntungnga si yamiu.

YOSUA 24:8

Ana see i Ya'u nangapiddi yamiu watukku wanuan taumatan Amori apan uatana'a su samba'a da'in Sal᷊ukku Yordan. I mangitou namangalo si yamiu, arawe i Ya'u napaauntungi yamiu. I yamiu naapangaṛo wanuan mangitou, wuṛṛu i Ya'u namate si mangitou.

YOSUA 23:14

Orassa indi nia'omante tempone i ya'u sarun mate. I yamiu sarangkanambone, sangkatou-sangkatou masingkatta atonna manungku Mawu Ruatanu sueten ngonggolu al᷊awo'u apapia apan buatte nipa'ire-Ne. Al᷊awo'u pa'aire-Ne buatte nitipussa, tawe saran sambau apan tawe niatipussa.

YOSUA 10:19

“arawe i yamiu arie pattaala isudde. Enggenete, wuṛṛu pangaloite i mangitou wuassu liudde; arie pabbala'a i mangitou sumutta su manga soa mangitou! Mawu Ruatanu buatte nangonggolu auntunganna si yamiu.”

YOSUA 10:8

Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

YOSUA 8:18

Wua'udde Mawu nabbisara si Yosua, “Wattea'e tambakku wuṛṛu timmona'e watukku Ai; soa udde Ta'u itantilla orassa indi si yamiu.” I Yosua tinumuṛṛute parenta Mawu udde.

YOSUA 8:7

Su tempo udde ṛinone i yamiu sumabbanga wuassu tampa pa'imbuniannu, wuṛṛu mangaṛṛo soa udde. Mawu Ruatanu sarun manantilla si yamiu.

TAHIUL᷊E 3:2

Arawe Mawu nabbisara si ya'u, ‘Arie pa'ata'utti tou, Musa. I Ya'u sarun manantilli tou, tantarane wuṛṛu ahewallu wageangngu letangnge si'o. Ola'e i tou ere lai buatte Ta'u niola'a si Sihon, ratun Amori apan uaparenta su Hesybon.’

REENGANNA 21:34

Mawu nabbisara si Musa, “Arie pa'ata'utta si tou. I Ya'u sarun mangonggolu auntunganna si'o. I'o sarun mamaddon tou, anambon tumanangnge wuṛṛu wanuane. Ola'awe i tou ere lai i'o namangalo si Ratun Sihon apan uaparenta su Hesybon.”

TAHIUL᷊E 1:7

Orassa indi hohaṛṛa'e paddasanannu wuṛṛu roote watukku wageangngu panenteannu taumatan Amori wuṛṛu su ahewallu wageangngu leta'a maranine, eteudde Wawal᷊annu Yordan, wageangngu wuidda wuṛṛu leta'a ratakke, wageangngu leta'a su samba'an timukka wuṛṛu su apannu Tahal᷊oangngu Tangngane. Inaite pamanua su leta'u Kanaan wuṛṛu Panenteannu Libanon maddatingngu sal᷊ukka wahewalla Efrat.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 2:33

Arawe Mawu Ruatan kite nanantilli tou si ite, ana see i ite namaddon tou suadio'a ringannu al᷊aṛṛanangnge wuṛṛu anambon tantarane.

TAHIUL᷊E 2:36

Ringannu tul᷊ungannu Mawu, i ite wotongnge naapangaṛṛo anambon soa udde, manatakka wuassu Aroër, su pentakku Wawal᷊annu Arnon, wuṛṛu soa su pattangngannu wawal᷊anna udde, maddatingngu wageangngu leta'u Gilead. Tawe soa apan darandungnge matohassa si ite.

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

TAHIUL᷊E 20:16

Arawe amungkangngu soa udde addone sulal᷊ummu wageangngu leta'a apan nionggolu Mawu Ruatanu si yamiu, tumanangnge sarangkanambone ṛinone pateanna.

YOSUA 24:11

Wua'udde i yamiu tinumumbete Sal᷊ukku Yordan, wuṛṛu na'omate su Yerikho. Manga taumatan Yerikho namangalo si yamiu, aroddi lai taumatan Amori, taumatan Feris, Kanaan, Het, Girgasi, Hewi wuṛṛu taumatan Yebus. Arawe i Ya'u napaauntungi yamiu wuassi mangitou sarangkanambone.

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

1 MARARATU 11:2

Mawu buatte namarenta manungku taumatan Israel tawe wotongnge ma'awingnga ual᷊al᷊o'a ringannu manga walahanna udde, ana waugu i mangitou sal᷊immurine maaola'a taumatan Israel massuba manga mawu waine. Salaiwe aroddi, i Salomo ta'e na'awingngu lai manga wawine raho.

TAHIUL᷊E 6:19

wuṛṛu i yamiu sarun mallimbuakka manga seennu ere buatte pina'iren Mawu.

YOSUA 2:24

Wua'udde i mangitou nabbisara, “Atonna Mawu nangonggolu ahewallu wanua udde si ite; manga taumata poiaroddi matta'utti ite.”

YOSUA 9:7

Arawe manga taumatan Israel sinumimbakka, “Ipa'ura yami ma'ola'a pa'aire ringanni yamiu? Asinungka atatanaanni yamiu tumba'u marani isindi!”

YOSUA 13:6

Nasutta lai ahewallu leta'u taumatan Sidon, apan uatana'a su panenteanna su wallatu manga Wowon Libanon wuṛṛu Misrefot-Maim.” “Anambon manga walahanna udde sarun Ta'u limbuaṛṛanna, su tempo ṛuangannu Israel mamangalo si mangitou,” unnu Mawu lai si Yosua. “Leta'a udde ṛinone tahiannu su ṛuangannu Israel maola'a leta'a pussa'a mangitou, ere lai Ya'u buatte namarenta si'o.

2 TAWARIKH 9:26

I Tou uataṛṛino anambon ratu su wageangngu leta'a apan uapannatta wuassu Sal᷊ukku Efrat maddatingngu wanua Filistin wuṛṛu passarannu Mesir.