SASABANGNGA 23:26 - WUKE SUSI WATTI'U AL᷊AL᷊USASSA

²⁶ Su wanuanu sarun tawe bawine anawoanna ara'e tinna. I yamiu sarun Ta'u onggol᷊annu uukka mal᷊o'engnga.

SASABANGNGA 23:26 Referans Kwoze

TAHIUL᷊E 7:14

Wuassu anambon balahanna su runia, tawe saran sambau apan naasomba al᷊amatta aroddi nilumambalanna ere si yamiu. Wuassi yamiu sarangkanambone, wuṛṛu wuassu al᷊awo'u winatangnga papadul᷊ianannu tawe saran sambau apan tinna.

AYUB 5:26

Naal᷊ihidda gandumma nal᷊ahate, itinganna sutempone, i'o lai sarun mabbiakka mapia maddatingngu matimmadde.

TAHIUL᷊E 28:4

Nial᷊amatante i yamiu, ma'oman sara manga anangngu manambo, hessin letangngu lumambalanna wuṛṛu sapi see lai ambingnga dombanu anambone a'atambanna.

AYUB 21:10

Winatangngi mangitou mangke mabbalaga, wuṛṛu tawe singkal᷊one maṛṛana'a.

YESAYA 65:20

Al᷊aṛṛanangnge taweddu nate ta'e maradio'a, wuṛṛu timmadde sarun ma'oman uukka mal᷊o'engnga. Taumata apan uukke maṛṛasutta su tonnane ellehanna ere saṛṛentumuwo, wuṛṛu apan nate taambe sutempo udde, naṛṛinoannu ṛuumang-Ku.

DARALO 144:13

Doronganna manga pangangadoannu amme si ite mapenen lal᷊oṛṛone ringannu al᷊awo'u hatin hessin sinuananna. Doronganna manga domban kite su wadda'a ṛumana'a ma'oman sara mapul᷊o su ṛiwune anambone.

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

1 TAWARIKH 23:1

Sutempo i Daud timmadete atonna, i tou nanenegi Salomo naola'a ratun Israel.

AYUB 42:17

Ana see i Ayub natete sulal᷊ummu uukka mal᷊o'engnga atonna.

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

DARALO 90:10

Tempo ipabbiakki yami tumba'u pitu pul᷊o su tonnane, amungkangu i yami matohassa, ual᷊u pul᷊o su tonnane. Arawe tumba'u asasusa wuṛṛu uatataṛṛangnga apan niasombanganni yami; napawe buatte nabbiakka maautta, ne i yami lai nawul᷊ite.

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

HOSEA 9:14

Apate apan ṛinone ta'u doronganna Si'o hunan manga taumata udde? Ola'ewe manga wawinen mangitou tinna! Ola'e tadea'u i mangitou tawe mappasusun ana'a maraddio'a!