SASABANGNGA 23:23 - WUKE SUSI WATTI'U AL᷊AL᷊USASSA

²³ Mala'eka-U sarun malliu ṛoro si yamiu wuṛṛu mangapiddi yamiu watukku wanuan balahannu Amori, Het, Feris, Kanaan, Hewi wuṛṛu Yebus, wuṛṛu i mangitou sarun Ta'u pateanna.

SASABANGNGA 23:23 Referans Kwoze

SASABANGNGA 23:20

“I Ya'u sarun mandolokku mala'eka-U malliu ṛoro si yamiu iapal᷊u'adda si yamiu sulal᷊ummu amatanna wuṛṛu mangapiddi yamiu watukku tampa apan buatte nisaddia-U.

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

SASABANGNGA 32:2

Ana see i Harun nabbisara si mangitou, “Luatte ngante-ngante wul᷊awanna apan ual᷊uṛṛe su manga awingngu wuṛṛu manga anangngu, wuṛṛu apira'e ringangku.”

PANDARIADDI 34:2

Napawe i Sikhem, ana'i Hemor taumatan i Hewi apan naola'a ratu su wageangnge udde naasilo si Dina, maṛṛuala udde tinal᷊angnge, ana see nilal᷊eon tou.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

YOSUA 9:1

Watti'a su ola'u manga auntungannu Israel tinumelengke su anambon ratu su samba'an baṛṛata Sal᷊ukku Yordan – su panenteanna, su wawal᷊annu wowone, wuṛṛu su leta'a su al᷊o'engngu apannu Tahal᷊oanga Tangane ma'oman sara araune su Wowon Libanon su samba'an sawannaka; eteudde manga ratun Het, Amori, Kanaan, Feris, Hewi wuṛṛu Yebus.

YOSUA 23:9

Manga walahanna apan bahewalla wuṛṛu matohassa buatte nilimbuaṛannu Mawu ana waugu i yamiu, tawe saran sangkatou wuassi mangitou apan botongnge maaroappa si yamiu.

SASABANGNGA 18:8

I Musa nabbatti'a su la'iananne sarangkanambone apan niola'u Mawu su saruannu ratu wuṛṛu walahannu Mesir tadea'u ipanal᷊amatta taumatan Israel. I tou lai nabbatti'a su la'iananne su ola'u manga asasusa apan sasaruanannu walahannu Israel su tangngan amatanna, wuṛṛu ereapa Mawu nanal᷊amatta si mangitou.

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

YOSUA 5:13

Su sambau tempo i Yosua su tampa maranin Yerikho. Inaṛṛombanganne i tou naasilo sangkatou esakka uarisikka su saruanne ringannu hal᷊ele sasawutanna. I Yosua nangundanin taumata udde, wuṛṛu naiwal᷊o, “I'o indi hawe ara'e seetta?”