SASABANGNGA 23:2 - WUKE SUSI WATTI'U AL᷊AL᷊USASSA

² Imbaṛṛangnga matatuṛṛutannu awada'alla amungkangngu i mangitou ma'ola'a sal᷊a ara'e mammengkollu tita ringannu mattiala awusu.

SASABANGNGA 23:2 Referans Kwoze

AMSAL 1:15

Arie pallaṛṛenggenna manga taumata ereudde, ana'u! Pangindauten mangitou.

AYUB 31:34

I ya'u tawe mata'uttu addapattu awadaalla, wuṛṛu aal᷊uandagu taumata, tawe pandumangku. Taambe saran paassa i ya'u natana'a su wal᷊en ara'e uatinnannangnga aroddi, ana waugu tumba'u matta'utta aal᷊uandahanna.

TAHIUL᷊E 1:17

Makkawessa arie mangempen samba'a; suapan taumata ṛinone parikisanni yamiu ringannu olangnge apan uasul᷊ungnga, ringannu tawe mamile taumata udde. Arie pa'ata'utta su saruanni sai-sai, ana waugu laṛṛawessa apan niola'i yamiu udde darantane wuassu Ruata. Amungkangngu sambau hatto tumaniten masahadda si'o, apira'e ringang-Ku, tadea'u i ya'u wotongnge makkawessa.

MARKUS 15:15

I Pilatus maapulu mappa'al᷊uassu taumata nambo udde, ne i tou namallossen Barabas si mangitou. Wua'udde i tou nandolokku taumata namuulla Mawu Yesus see tinantilli tou iapaarussa.

AMSAL 4:14

Arie manantuṛṛutta lal᷊annu pabbiaṛṛannu taumata lal᷊eo wuṛṛu arie pattanno inolaanni mangitou.

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

WATTI'U MANGA RASUL 25:9

Arawe i Festus ma'apulu massal᷊o'u taumatan Yahudi. Ne i tou naiwal᷊o si Paulus, “I'o ma'apulu inai watukku Yerusalem parikisanna poiaroddi su saruangku su ola'u manga alae indi?”

WATTI'U MANGA RASUL 24:27

Napawe ruate tonna, i Perkius Festus nallol᷊ossa si Feliks naola'a gubernure. Wuṛṛu ana waugu i Feliks maapulu massal᷊o'u naungngu manga taumatan Yahudi, i tou namalam Paulus sulal᷊ummu tuttupanna.

YEREMIA 38:9

“Tuangnga Apan Mawantuga, inolaannu manga taumata udde dal᷊eo. I mangitou buatte nantaṛṛon Nabi Yeremia sulal᷊ummu paṛṛihi; i tou sarun mate amal᷊unusanna isudde, ana waugu anna nasuete su soa indi.”

YEREMIA 37:21

Ne i Ratu Zedekia namarenta tadea'u i ya'u iṛṛuumanna su rallakku wal᷊en araratuanna. Nariaddi i ya'u uatana'a isudde, wuṛṛu allo-allo a'onggol᷊annu roti wuassu tampa pa'olaanna roti na'oman sara saddian roti su soa udde nasue abbi.

YEREMIA 37:15

I mangitou mandona atonna si ya'u, wuṛṛu namarenta tadea'u i ya'u puul᷊anna wuṛṛu itaṛṛo su wal᷊en Yonatan, ruddutul᷊issu araratuanna. Wal᷊en udde buatte niola'a tattupanna.

DARALO 72:2

Antimanna I'o makkuungngu al᷊aṛṛanang-Ngu tumuṛuttu tita, wuṛṛu ma'ola'a taumata niallangnga ringannu atatul᷊idda.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

PANDARIADDI 19:4

Arawe tantal᷊anna manga raho udde inaite matiilla, manga taumatan Sodom nalliwunna wal᷊en udde. Anambon esakka su soa udde, mawae timmade ara'e dario'a uaammule isudde.

PANDARIADDI 6:12

Ruata ma'ellega runia indi wuṛṛu tumba'u naasilo al᷊al᷊eo, ana waugu anambon taumata lal᷊eo wiakke.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

TAHIUL᷊E 24:17

Imbaṛṛangnga mangaṛṛo saranapa tatahuanannu taumata raho wuṛṛu ana'a asisitimpal᷊ussa, wuṛṛu imbaṛṛangnga manganu laubbu taumata inawal᷊uanna maola'a wataṛṛu.

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

HAGAI 1:4

“Ei uma-Ku, apa temponate i yamiu matana'a sulal᷊ummu wal᷊en apan matohassa wuṛṛu ma'uatta, ewe'e Wal᷊e-U ta'e ere manga tuidda?

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.