SASABANGNGA 23:15 - WUKE SUSI WATTI'U AL᷊AL᷊USASSA

¹⁵ Sulal᷊ummu wul᷊anna Abib, su allo apan buatte tinantunna, i yamiu ṛinone maddamean Andeangngu Roti Tawe Ragine ringannu tul᷊adane apan Ta'u niparenta si yamiu, ana waugu sulal᷊ummu wul᷊anna udde i yamiu nanantangngu Mesir. Imbaṛṛangnga umanna roti apan niola'a nappaatu ragi sulal᷊ummu ramea pitu allo udde. Suapan i yamiu rumanta mattaṛṛamawu si Ya'u, i yamiu ṛinone mangapiddu aonggolla.

SASABANGNGA 23:15 Referans Kwoze

LUKAS 22:7

Na'omate allone Ramean Roti Tawe Ragine, manungku domba annu Paskah pototante.

SASABANGNGA 34:20

arawe i yamiu ṛinone mamaekka ana'u keledai apan paarorone nariaddi ringannu mangonggolu sambau ana'u domba maola'a hahantine. Amungkangngu i yamiu maddiri mamaekka, ullekkan keledai udde ṛinone latto'anni yamiu. Suapan anangngu esakka pahul᷊une ṛinone waeṛṛanni yamiu. Tawe sangkatou apan botongnge rumanta ringang-Ku amungkangngu i tou tawe uaapiddu sasamba.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

MARKUS 14:12

Su allo paarorone wuassu Allo Wahewan Roti Tawe Ragine – su tempo taumata mammototta domban Paskah – mallal᷊aṛṛenggennu Mawu Yesus naiwal᷊o si Tou, “Suapa tampa ipa'apulun Iamangnga yami manaddia annu Paskah su Iamangnga?”

SASABANGNGA 34:18

Ramea'e Andeangngu Roti Tawe Ragine. Ere lai buatte Ta'u nirolokka si'o, i yamiu ṛinone umanna roti tawe ragine al᷊annune pitu allo sulal᷊ummu wul᷊anna Abib, ana waugu sulal᷊ummu wul᷊anna udde i yamiu nanantangngu Mesir.

SASABANGNGA 13:4

Su allo indi, allo paarorone su wul᷊anna Abib ara'e wul᷊anna paarorone, i yamiu nanantangngu wanua Mesir.

LUKAS 2:41

Suapan tonna hagurangngu Mawu Yesus inai watukku Yerusalem maddamean Allo Wahewam Paskah.

WATTI'U MANGA RASUL 12:3

Su tempo i Herodes naasilo manungku inolaanne udde ma'al᷊uassa naungngu manga taumatan Yahudi, i tou nattanno lai ereudde; i tou nandolokku taumata lai manametta si Petrus. Olangnge udde nariaddi su tempo Allo Wahewan Roti Tawe Ragine.

SASABANGNGA 12:2

“Wul᷊anna indi maola'a wul᷊anna paarorone wuassu tonna pananaungannu.

SASABANGNGA 22:29

Su tempo apan nitantunna, pangonggolen sasamba si Ya'u sambageanganna wuassu hessin gandumma, ua'en anggore wuṛṛu lanan zaitunni yamiu. Tantil᷊a'e si Ya'u manga anangngu esakka pahul᷊u,

1 SAMUEL 6:3

Ana see i mangitou sinumimbakka, “Wantallu Paairen Mawu Ruatan Israel udde arie pabbelenga'i yamiu aroddi, arawe ṛinone i yamiu lai mangapiddu aonggolla ipanubbussa rosanu. Ringannu aroddi yamiu sarun iapaapia wuassu radda'a, wuṛṛu i yamiu sarun maasingkatta anio Mawu Ruatan Israel udde sidutu makkuumanni yamiu.”

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

MIKHA 6:6

Apate apan sarun ionggolli ite su Mawu, Ruata su surga, napawe i ite rumanta mattaṛṛamawu si Tou? Ṛinone i ite mangapiddu sapi saṛṛentumuwo apan apianne maola'a sasamba itattambunna ionggolla si Tou?