SASABANGNGA 22:25 - WUKE SUSI WATTI'U AL᷊AL᷊USASSA

²⁵ Amungkangngu i yamiu mapawallassu roitta su taumata asiangnga wuassu wallatu walahanna-Ku, ariewe i yamiu naal᷊ihidda mananusi utangnga apan maddorongnga wungane.

SASABANGNGA 22:25 Referans Kwoze

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.

YEHEZKIEL 18:8

I tou taambe saran paassa napawallassa ringannu pia bungane. I tou maddiri ma'ola'a al᷊al᷊eo wuṛṛu sulal᷊ummu suapan pattatiakka i tou makkawessa ringannu matul᷊idda.

AMSAL 28:8

Isai nabbal᷊ite ala ana waugu nanganu bungane wuṛṛu maddea'a auntunganne manambo-nambo, paa'alane sarun manawo su taumata apan maakannu taumata asiangnga.

NEHEMIA 5:7

wuṛṛu nakkawaessa manungku manamba'a si mangitou. Ana see i ya'u nanaggu tembonanne wuṛṛu piaṛṛa'u tumana'a. Wisara'u, “I yamiu mangngallangnga manga tuṛṛangngu sassane!” Wua'udde i ya'u na'ola'a ammul᷊annu awadaalla ipangagassa hatto udde,

YEHEZKIEL 18:17

I tou taambe na'ola'a al᷊al᷊eo ara'e napawallassa ringannu pia bungane. I tou matuṛṛutta su manga tita-U wuṛṛu mararingikka parenta-Ku. Ana'a udde sarun tawe mate ana waugu rosan iamange, ewe'e sidutu wiakka.

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

YEREMIA 15:10

Soewe atonna i ya'u indi! Apa hunane inangku nanungkangku? Ringannu anambon taumata su wanua indi i ya'u mangke uatatiakka wuṛṛu uawawisara. Salaiwe i ya'u tawe saran paassa napawallassa wuṛṛu nabballassa, arawe i ya'u niwontohannu anambon taumata.

2 MARARATU 4:7

Wua'udde Inangngene inaite apia ringanni Nabi Elisa, ne i Elisa nabbisara, “Wal᷊ua'e lana udde pamaeṛa'a awallassu Inangnga, wuṛṛu lambene wotongnge ipabbiakku Inangnga see lai al᷊aṛanangngu.”

2 MARARATU 4:1

Su allo sambau wawine inawal᷊uannu sangkatou nabi inaite ringanni Elisa wuṛṛu naiwal᷊o, “Papa, awingku natete! Wuṛṛu i Papa masingkatta manungku i tou lai taumata apan matuṛutta Ruata, arawe i tou pia awallassa su sangkatou taumata. Orassa indi taumata udde nirumanta manganu ana'u darua, wuṛṛu itarua olaanna allanga, maola'a wawaekku awallassu awingku apan natete udde.”

LUKAS 19:23

Amungkangngu aroddi, anio i'o tawe napaasuttan roitta udde su bangngane, tadea'u napawe i ya'u mabelengnga i ya'u wotongnge manarimmattu roitta udde ringannu wungane?’

MATIUS 25:27

Amungkangngu aroddi i'o ṛirone mangaddon roi'u su banganga, tadea'u su tempo i ya'u mapul᷊e, i ya'u manengkamma roi'u apia udde ringannu wungane.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

TAHIUL᷊E 15:7

Napawe i yamiu uatana'e su wanua apan nionggolu Mawu Ruatanu si yamiu, ana see pia sambau soa niaabbaanna taumata sambalahannu pia auranganne, taumatan balahannu pia urangnge, arie tumba'u maṛṛingiddu watangannu sassane wuṛṛu tawe massumbala si tou.

TAHIUL᷊E 24:13

arawe ṛinone iapawelengnga si tou napawe maṛṛabite, tadea'u iluṛṛen tou matiilla. Ne i tou sarun ma'adiangkamanna wuṛṛu Mawu Ruatanu sarun umakkannu.

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

AMOS 2:8

Suapan tampa patataṛṛamawuanna, manga taumata mattiilla ringannu laubba apan nianun mangitou maola'a wataṛṛun awalassu taumata asiangnga. Su Wal᷊en Ruatan mangitou, i mangitou ma'inumma anggore apan nianun mangitou wuassu taumata apan pia awallassa si mangitou.