SASABANGNGA 20:2 - WUKE SUSI WATTI'U AL᷊AL᷊USASSA

² “Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 20:2 Referans Kwoze

TAHIUL᷊E 5:6

‘Ete i Ya'u Mawu Ruatanu apan nangapiddi yamiu sinumabbangnga wuassu Mesir, su tampa i yamiu mattaṛṛuallanga.

HOSEA 13:4

Mawu nabbisara, “Ete i Ya'u Mawu Ruatanu, apan nagapiddi yamiu sinumabbangnga wuassu Mesir. I yamiu tawe uatahuanna Ruata waine tumba'u i Ya'u. Ete i Ya'u sassane apan nanal᷊amatta si yamiu.

IMAMATTA 26:13

I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

DARALO 81:10

Imbaṛṛangnga suwallati yamiu pia mawu waine, imbaṛṛangnga massubba mawu awagananna.

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

IMAMATTA 19:36

Pappa'ate meteranna, timbanganna wuṛṛu aul᷊aanna apan atonna. Ete i Ya'u Ruatanu, wuṛṛu i Ya'u buatte nangapiddi yamiu sinumabbangnga wuassu Mesir.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 5:15

Paanaunge manungku i yamiu dorone niallangnga su Mesir, ana see nipallosu Mawu Ruatanu ringannu atatohassa apan bahewalla. Ana waugu udde i yamiu Ta'u niparentanna mallaghun allon Sabat.

IMAMATTA 23:43

tadea'u papapulunnu maasingkatta manungku Mawu nandolokku walahannu Israel matana'a sulal᷊ummu manga rasanna sambengessa, su tempo i Tou nangapiddi mangitou sinumabbangnga wuassu Mesir. Ete i Tou Ruatanu.

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

IMAMATTA 26:1

Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

DARALO 50:7

“Paddaringikke, al᷊aṛṛana-U, i Ya'u mabbisara, Israel, i Ya'u mattiala su saruanni yamiu; i Ya'u indi Ruata, Ruatanu.

ROMA 10:12

Udde mariaddi su anambon taumata, ana waugu tawe paṛṛalane taumatan Yahudi wuṛṛu taumatan walahanna waine. Ruata apan sambau eteudde Ruatan anambon taumata. I Tou mangngonggolu al᷊amatta manambo-nambo su anambon taumata apan ma'itul᷊ungnga si Tou.

ROMA 3:29

Ara'e Ruata udde, tumba'u Ruatan taumatan Yahudi. Wal᷊inewe i Tou Ruatan walahanna waine lai? Ore atonna i Tou Ruatan walahanna waine lai!

YEREMIA 31:1

Mawu nabbisara, “Sarun a'omanna tempone i ya'u maola'a Ruata anambon ṛuangannu Israel, wuṛṛu i mangitou mabbal᷊i uma-U.

2 TAWARIKH 28:5

Ana waugu i Ratu Ahas na'ola'a rosa, Mawu Ruatane namalan tou niawaddon ratun Siria wuṛṛu lai nangapiddu manambo taumatan Yehuda apan niatawanna niapidda watukku Damsyik. Mawu lai namalan Ahas niawaddon Ratu Pekah ana'i Remalya wuassu Israel, apan sulal᷊ummu allo massallo namate 120.000 tantaran Yehuda apan awaṛṛanianne. Mawu, Ruatan al᷊amonan mangitou namalan sarangkanambone udde nariaddi, ana waugu tumana'u Yehuda tate lai maddaringikka Mawu.

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

SASABANGNGA 20:1

Ana see Ruata nabbisara, wuṛṛu indiwe manga wisara-Ne,

SASABANGNGA 29:46

I mangitou sarun maasingkatta manungku ete i Ya'u Ruata mangitou apan nangapiddi mangitou sinumabbangnga wuassu Mesir, tadea'u i Ya'u wotongnge matana'a su pattangnganni mangitou. Ete i Ya'u Ruata mangitou.”

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

MAL᷊AṚṚUUNGNGA 2:1

Mala'ekattu Mawu inaite wuassu Gilgal watukku Bokhim wuṛṛu nabbisara su manga taumatan Israel, “Yai buatte napasabbangi yamiu wuassu Mesir, wuṛṛu nangapiddi yamiu watukku wanua apan buatte nipa'ire-U su iupungngu al᷊amonanu. Buatte lai Ta'u niapasingkatta si yamiu, ‘Pa'a'aukku pa'aire-U si yamiu tawe Ta'u wassutanna.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

YEREMIA 16:14

Mawu nabbisara, “Sarun a'omanna tempone taumata tate lai massalu ringannu arang-Ku, Ruata apan biakka, apan nangapiddu umattu Israel sinumabbangnga wuassu Mesir,

YEHEZKIEL 20:7

Ta'u nirolokka i mangitou nandamme manga paal᷊uanna apan ma'arantinna apan ipaapulu mangitou udde, wuṛṛu Ta'u nisingadda i mangitou malluhuda watanganne ringannu massubba manga paal᷊uanna wuassu Mesir, ana waugu ete i Ya'u Mawu Ruata mangitou.

YEHEZKIEL 20:19

Ete i Ya'u Mawu Ruatanu. Paatuṛṛutte manga tita wuṛṛu manga parenta-U.

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

IMAMATTA 25:38

Eteudde parentan Duatanu apan buatte nangapiddi yamiu sinumabbangnga wuassu Mesir wuṛṛu nangonggolu wanua Kanaan si yamiu, tadea'u i Tou mabbal᷊i Ruatanu.

IMAMATTA 25:42

Taumatan Israel uddewe manga allangngu Mawu; ete i Tou apan nangapiddi mangitou sinumabbangnga wuassu Mesir, wuṛṛu ana waugu udde i mangitou tawe wotongnge iwal᷊u'a maola'a allangnga.

IMAMATTA 25:55

Sangkatou Israel tawe wotongnge maola'a allangnga su al᷊o'engngu pabbiaṛṛanne ana waugu walahannu Israel uddewe manga allangngu Mawu. Ete Mawu apan nangapiddi mangitou sinumabbangnga wuassu Mesir. Ete i Tou Ruatan mangitou.

TAHIUL᷊E 20:1

“Amungkangngu i yamiu inai mapapangalo mandoappa manga seennu, imbaṛṛangnga mata'utta maasilo keretan pangalo wuṛṛu awal᷊on mangitou apan manambo see lai tantaran mangitou apan reenganne nilumebbe wuassu reenganni yamiu. Mawu Ruatanu apan namallossi yamiu wuassu Mesir sarun mantul᷊ungngi yamiu.

MAL᷊AṚṚUUNGNGA 6:10

Buatte Ta'u niwal᷊o si yamiu manungku ete i Ya'u Mawu Ruatanu, wuṛṛu i yamiu imbaṛangnga massubba manga mongannu walahannu Amori apan banuane atatanaanni yamiu orassa indi. Arawe i yamiu tawe tinumuṛutta parenta-U.’ ”

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

2 MARARATU 17:7

Samaria narugi ana waugu taumatan Israel na'ola'a rosa su Mawu, Ruatan mangitou, apan buatte nanal᷊amatta si mangitou wuassu ratun Mesir, wuṛṛu nangapiddi mangitou sinumabbanga wuassu wanua udde. I mangitou massubba manga mawu waine

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

DARALO 81:11

Ete i Ya'u Mawu Ruatanu, apan nangehetta si yamiu sinumabbangnga wuassu Mesir. Sutempo i yamiu mal᷊unussa i yamiu Ta'u nionggol᷊annu anna.

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

HOSEA 12:10

Arawe i Ya'u, Mawu Ruatanu, apan nangapiddi yamiu sinumabbangnga wuassu Mesir, sarun ma'ola'a si yamiu matana'a apia su manga rasanna ere dorone sutempo i Ya'u nirumanta ringanni yamiu su wadda'a mamara.