SASABANGNGA 20:14 - WUKE SUSI WATTI'U AL᷊AL᷊USASSA

¹⁴ Imbaṛṛangnga sumandaga.

SASABANGNGA 20:14 Referans Kwoze

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

TAHIUL᷊E 5:18

Imbaṛṛangnga sumandaga.

ROMA 13:9

Ana waugu titan agama Yahudi eteudde: Imbaṛṛangnga sumandaga, imbaṛṛangnga mamate, imbaṛṛangnga manna'o, imbaṛṛangnga numemman sarannapan taumata waine; sarangkanambone udde niammulle ringannu tita waine, suete nisari tumbau naola'a tita sambau eteudde, “Pandangngu sansul᷊ungngu taumata ere lai i'o mandangngu ririnu sassane.”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

IMAMATTA 18:20

Imbaṛṛangnga matatamba awingngu waine; inolaanna udde ma'aola'a si'o iya'arantinna.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

MATIUS 19:18

“Parenta suapane udde?” aiwal᷊on taumata udde. Mawu Yesus sinumimbakka, “Arie pamate, arie passandaga, arie panna'o, arie pangawusu,

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YAKOBUS 2:11

Ana waugu isai nabbisara, “Arie passandaga,” ete i tou lai nabbisara “Arie pamate.” Nariaddi amungkangngu i yamiu tawe sumandaga, arawe mammate, ne i yamiu lumal᷊awangnga tita udde lai.

MALEAKHI 2:15

Wal᷊inewe Ruata Apan Tinggassa nandiaddi siraddua waddangnga sambau wuṛṛu niawa sambau ringannu wawine udde? Apa pandumannu Mawu su olangnge udde? Tawe baine tadea'u i yamiu maasomba al᷊aṛṛana'a apan maola'a umattu Ruata apan tutune. Nariaddi paariagai watangannu, imbaṛṛangnga suwallatti yamiu piaddu tawe satia su awingnge.

PANDARIADDI 39:9

Isindi taṛṛino'u uasul᷊ungngu taṛṛinone. Tawe saran sambau apan tawe niapangimanna si ya'u tumba'u i Mama tawe. Ereapa wotongnge i ya'u ma'ola'a al᷊al᷊eo udde wuṛṛu marosa su saruannu Ruata?”

REENGANNA 5:12

mangonggollu manga atoranna indi su taumatan Israel. Wotongnge mariaddi sangkatou esakka mallu'adda awingnge. I tou massunna manungku awingnge udde tawe tumuṛṛutta si tou wuṛṛu buatte nandal᷊eo watanganne ana waugu natatamban ringannu esakka wal᷊ine. Arawe esakka udde tawe naatantunna, ana waugu inolaanna udde niola'u awingnge ringannu ma'imbuni; tawe matatialane, wuṛṛu i tou tawe niasametanna. Ara'e wotongnge mariaddi sangkatou esakka mallu'adda awingnge, sumbal᷊i awingnge udde maddirin esakka wal᷊ine.