SASABANGNGA 20:13 - WUKE SUSI WATTI'U AL᷊AL᷊USASSA

¹³ Imbaṛṛangnga mamate.

SASABANGNGA 20:13 Referans Kwoze

ROMA 13:9

Ana waugu titan agama Yahudi eteudde: Imbaṛṛangnga sumandaga, imbaṛṛangnga mamate, imbaṛṛangnga manna'o, imbaṛṛangnga numemman sarannapan taumata waine; sarangkanambone udde niammulle ringannu tita waine, suete nisari tumbau naola'a tita sambau eteudde, “Pandangngu sansul᷊ungngu taumata ere lai i'o mandangngu ririnu sassane.”

TAHIUL᷊E 5:17

Imbaṛṛangnga mamate.

SASABANGNGA 21:14

Arawe amungkangngu sangkatou masa'u wuṛṛu ringannu nipattatudda mamate taumata waine, wua'udde i tou tumal᷊angnga su mezba-U tadea'u maasomba tul᷊unganna, taumata udde ṛinone al᷊apanna wuassu mezbah wuṛṛu iṛṛuumanna pateanna.

YAKOBUS 2:11

Ana waugu isai nabbisara, “Arie passandaga,” ete i tou lai nabbisara “Arie pamate.” Nariaddi amungkangngu i yamiu tawe sumandaga, arawe mammate, ne i yamiu lumal᷊awangnga tita udde lai.

MATIUS 19:18

“Parenta suapane udde?” aiwal᷊on taumata udde. Mawu Yesus sinumimbakka, “Arie pamate, arie passandaga, arie panna'o, arie pangawusu,

IMAMATTA 24:21

Isai-sai apan namate winatangnga ṛinone mallanna'a, arawe isai-sai apan namate taumata ṛinone iṛṛuumanna pateanna.

SASABANGNGA 21:20

Isai apan mamuulla allangnge esakka ara'e waawine na'oman sara allangnge udde nasal᷊a nate, ṛinone i tou iṛṛuumanna.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

YESAYA 26:21

Mawu sarun sumossokka wuassu atatanaan-Ne su surga makkuumannu tumana'u runia ana waugu rosan mangitou. Pamamate apan a'olaanni mangitou apan iwabbuni sarun matualaga. Leta'a tate lai manaappa manga taumata apan nate nipate.

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

AMSAL 1:18

ewe'e manga taumata lal᷊eo udde ewe'e mantaingngu sedda su watanganne sassane – sedda apan manilaka si mangitou.

AMSAL 1:11

unnu wisara i mangitou mabbisara, “Otte, wette i ite maddea'a taumata wuṛṛu makkimpulunna si tou. Hunan ipallal᷊akkanga, wette i ite mamangalo taumata apan tawe sal᷊ane.

WATTI'U MANGA RASUL 28:4

Napawe tumana'u taṛṛanusa udde naasilo atoanna udde ua'ele su ta'iakki Paulus, i mangitou uahahatto sangkatou ringannu waine, “Taumata indi asinungka taṛṛa pate, ana waugu salaiwe i tou nal᷊iute wuassu papate su tahal᷊oangnga, Mongannu Atatul᷊idda tawe mamalan tou wiakka.”

YEREMIA 26:15

Arawe naunge, amungkangngu i yamiu mamate si ya'u, i yamiu wuṛṛu tumana'u soa indi sarun mamasanna pasasal᷊a su pamamate taumata apan tawe sal᷊ane. Ana waugu, ete Mawu apan nandolo'u mamasingkattu tataggu udde si yamiu.”

2 MARARATU 21:16

Wal᷊ine lai wuassu taumatan Yehuda na'ola'a rosa su Mawu ringannu massubba paal᷊uanna, i Manasye namate lai manambo taumata apan tawe sal᷊ane na'oman sara daṛṛa nangelekka su al᷊awo'u tampa su Yerusalem.

SASABANGNGA 21:29

Amungkangngu sapi esakka udde anaramme mannandu'a, wuṛṛu tatahuanne buatte niapanaungnga, arawe tawe nallu'adda winatangnga udde, ana see amungkangngu sapi esakka udde nanandu'a sangkatou taumata naddatingngu nate, ne winatangnga udde ṛinone pateanna ringannu tuntungannu watu wuṛṛu tatahuanne lai ṛinone iṛṛuumanna pateanna

MARKUS 10:19

I'o masingkatte manga parenta Ruata, ‘Arie pamate, arie passandaga, arie panna'o, arie mattiala awusu, arie pallinga, pangaddatta iamangngu wuṛṛu inangngu.’ ”

LUKAS 18:20

I'o masingkatte manga parentan Ruata: ‘Arie passandaga, arie pamate, arie panna'o, arie mattiala awusu, wuṛṛu pangaddatta iamangngu wuṛṛu inangngu.’ ”

SASABANGNGA 21:12

“Isai apan mamuulla taumata waine maddatingngu mate, ṛinone iṛṛuumanna pateanna.

SASABANGNGA 23:7

Paaraua'a aansilla awusu wuṛṛu imbaṛṛangnga taumata tawe sal᷊ane iṛṛuumanna pateanna, ana waugu i Ya'u tawe manamba'a taumata apan ma'ola'a al᷊al᷊eo ereudde.

IMAMATTA 24:17

Isai apan namate taumata waine ṛinone iṛṛuumanna pateanna.

WATTI'U MANGA RASUL 16:28

Arawe i Paulus inumui ma'ikka-ikkatta, “Arie pamate ririnu! I yami sarangkanambone ta'e isindi!”