SASABANGNGA 2:15 - WUKE SUSI WATTI'U AL᷊AL᷊USASSA

^15-16 Su tempo ratu naaringikka hatto udde, i tou maddea'a lal᷊anne mamate si Musa. Arawe i Musa tinumal᷊angnga ana see natana'e su wanua Midian. Imam wuassu Midian, aranne i Yitro, uatahuanna siri pitu ana'a maṛṛuala. Su allo sambau, su tempo i Musa tantal᷊anna ua'ianna maranim paṛṛihi, nirumantate siri pitu maṛṛuala ana'i Yitro mania ua'e wuṛṛu malloṛṛo tampa pa'inumannu ammul᷊annu ambinga wuṛṛu domban iamangngi mangitou.

SASABANGNGA 2:15 Referans Kwoze

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

WATTI'U MANGA RASUL 7:29

Napawe i Musa naaringikka wisaran taumata udde, i Musa tinumal᷊angnga wuassu Mesir see natana'a su wanua Midian. Poiaroddi i tou naasomba ana'a darua.

PANDARIADDI 24:11

Napawe i tou na'omate poiaroddi, niapatalle manga unta udde tadea'u mangillol᷊o maranin sambau paṛṛihi su liuddu soa. Allo wawalote, wuṛṛu eteudde tempone manga wawine mania ua'e.

PANDARIADDI 29:2

Inaṛṛombanganne i tou naasilo sambau paṛṛihi su wadda'a, wuṛṛu maranine isudde ual᷊allowangnga tallun kawageanganna ambinga domba apan inanaramanne iapa'inumma isudde. Paṛṛihi udde laṛṛapingannu watu wara'a.

YOHANES 4:6

Isudde pia paṛṛihin Yakub. Mawu Yesus nal᷊ol᷊ote u'amatta, ana waugu udde i Tou inuma'ianna su winggim paṛṛihi. Tempo udde iraṛṛangngo puulla mapul᷊o dua allattune,

MATIUS 10:23

Amungkangngu i yamiu pappateanna su soa sambau, tal᷊angnga su soa waine. I Ya'u mabbal᷊o si yamiu: Tantal᷊anna i yamiu taambe namal᷊intaddu al᷊awo'u soa su Israel, Ana'u Taumata nirumantate.

AMSAL 22:3

Taumata pande mallinda'a napawe maasilo asasilaka; taumata woddo sidutu u'amatta ana see niaṛṛiaannu asasilaka.

SASABANGNGA 4:19

Su tempo i Musa ta'e su leta'u Midian, Mawu nabbisara si tou, “Pabelengke su Mesir. Anambon taumata apan ma'apulu mamate si'o natete.”

PANDARIADDI 25:4

Al᷊aṛṛana'i Midian eteudde; i Efa, i Efer, i Henokh, i Abida, wuṛṛu i Eldaa. I mangitou sarangkanambone papapulunni Ketura.

PANDARIADDI 25:2

Awingnge udde nanungkangngu manga ana'a aranne; i Zimran, i Yoksan, i Medan, i Midian, i Isybak, wuṛṛu i Suah.

SASABANGNGA 18:4

ana'a aruane nisago i Eliezer ana waugu i Musa nabbisara, “Ruata wabbantuhannu iupungngu al᷊amona'u buatte nantul᷊ungnga wuṛṛu nanal᷊amatta si ya'u na'oman sara i ya'u tawe niapaten ratun Mesir”.

1 MARARATU 11:18

I mangitou nanantangngu Midian, ana see inaite watukku Paran. Poiaroddi manga pira taumata waine na'ammulli mangitou, ana see inaite suaddio'a watukku Mesir naisasomban ratun Mesir. Ratu udde nangonggolla si Hadad wal᷊en wuṛṛu leta'a maola'a tampa atatanaane see lai pabbiaṛṛanna.

HABAKUK 3:7

I ya'u naasilo tumana'u Kusyan niarṛṛiaannu atata'utta, wuṛṛu taumatan Midian mangngiladda.