SASABANGNGA 19:18 - WUKE SUSI WATTI'U AL᷊AL᷊USASSA

¹⁸ Ahewallu Wowon Sinai aoopannu timbulla, ana waugu Mawu sinumossokka su puidde sulal᷊ummu putungnga. Timbulla udde sussal᷊oi naal᷊ihidda timbulla wuassu padduru'anna, wuṛṛu ahewallu wowone niumio'a ringannu lembone.

SASABANGNGA 19:18 Referans Kwoze

MAL᷊AṚṚUUNGNGA 5:5

Manga wowone niumio'a su saruannu tembonannu Sinai, su saruannu Mawu, Ruatan Israel.

DARALO 144:5

Oh Mawu, wu'ate langitta wuṛṛu lintukke, pamitate manga wowone tadea'u tumimbulla.

SONDAPPA 15:8

Ne Wal᷊en Ruata udde napeneten timbulla wuassu awawantuga wuṛṛu taṛṛinon Ruata. Wuṛṛu tantal᷊anna pitu asasusa apan niapiddu sire pitu mala'ekatta udde taambe nasue, tawe saran sangkatou apan botongnge maasutta sulal᷊ummu Wal᷊en Ruata.

SASABANGNGA 3:2

Isudde mala'ekattu Mawu naipasilon batanganne si tou sulal᷊ummu ṛenggammu putungnga apan sinumabbangnga wuassu pattangngannu ahuranganna. I Musa naasilo ahuranganna udde luṛṛenggamma, arawe tawe matutungnga.

YEREMIA 4:24

I ya'u ma'ellega wowone wuṛṛu manga wuidda apan matanggakka tumanite ma'ikkatta umio'a.

PANDARIADDI 19:28

I tou na'ellega watukku Sodom wuṛṛu Gomora wuṛṛu su ahewallu wawal᷊anne, wuṛṛu naasilo timbulla sussal᷊oi wuassu leta'a udde, naal᷊ihidda ere timbulla wuassu sunggillu wawalla.

DARALO 104:32

Ito na'ellega runia wuṛṛu naola'a mangngindo, manga wowone nieṛṛetan-Ne, na'oman sara timbulle sinumabbangnga.

TAHIUL᷊E 33:2

“Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

IBRANI 12:26

Su tempo udde tingikke naaṛṛindu'a runia. Arawe orassa indi i Tou na'ire, “Paassa lai, ya'u sarun mamaṛṛindu'a wal᷊ine tumba'u su runia ewe'e su langitta lai.”

YESAYA 6:4

Tingikki mangitou naaola'a apampakku Wal᷊en Mawu tinumaraddalla, wuṛṛu Wal᷊en Mawu udde sassane napenen timbulla.

PANDARIADDI 15:17

Napawe allo ṛabbite, inaṛṛombanganne nilumapputta sambau sunggilla apan pia timbulle wuṛṛu sasol᷊oanna apan luṛṛenggamma, ana see sinumabbi su wallattu manga ṛemessa apan buatte niwa'a udde.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

IBRANI 12:18

Manga tuṛṛangnga tawe nirumanta sumaruanna apa-apa ere sinaruanannu walahannu Israel dorone. I mangitou sinumaruanna apa apan botongnge iapita, eteudde Wowon Sinai ringannu putungnge apan lukkenggama; i mangitou sinumaruanna araranduma, wasa tuudda wuṛṛu tandi'a;

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

MATIUS 24:7

Walahanna sambau sarun mamangalo lumawangnga walahanna waine, wuṛṛu araratuanna sambau sarun mamangalo araratuanna waine. Su al᷊awo'u tampa sarun mariaddi al᷊al᷊unussa wuṛṛu linukka.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

DARALO 114:7

Ei runia, pangindote su saruannu Mawu, su saruannu Ruatan Yakub,

DARALO 77:18

Winabbawa mannosokku uranna, rallu'a mappose; sawallo ma'ilatta su al᷊awo'u tampa.

SASABANGNGA 20:18

Napawe manga taumata naaringikka rallu'a wuṛṛu tingikku trompeta, apiddu naasilo sawallo wuṛṛu wowone pia timbulla, i mangitou mangngiladda matta'utta wuṛṛu dirumarisikka marau-rau.

SASABANGNGA 19:13

taumata udde ṛinone tuntungannu watu ara'e piti'anna, wuṛṛu tawe wotongnge indinganna. Indi mariaddi su taumata ara'e lai su winatangnga; sarangkanambone apan nilumiu passaranna udde ṛinone iṛṛuumanna pateanna. Su tempo aṛṛingiṛṛanna tingikku trompeta apan mal᷊annu, manga taumata udde ṛinone sumaate su wowone.”

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

SONDAPPA 9:2

Anumpitanna udde nionggol᷊annu a'unsin rampisu papate. Ne anumpitanna udde namu'a rampisu papate udde, see timbula sinumabbanga wuassu lal᷊umme ere timbula wuassu sunggila apan wahewalla. Matannallo wuṛṛu winalanganna nabbal᷊i maranduma ana waugu timbula wuassu rampisa udde.

PANDARIADDI 11:5

Ne Mawu sinumossokke ma'ellega soa wuṛṛu candi apan niapararisikku taumata.

SASABANGNGA 19:17

I Musa nangapiddi mangitou sinumabbangnga tadea'u maisasomban Duata, ana see i mangitou dirumarisikka su wawal᷊annu wowone udde.

SASABANGNGA 34:2

Pandiahite ana waugu tiṛṛabbi marua'allo saate su Wowon Sinai wuṛṛu saruante si Ya'u su puiddu wowone udde.

TAHIUL᷊E 5:4

Wuassu putungnga su puiddu wowone udde Mawu mappulu maggahatto uahahati si yamiu.

YESAYA 64:1

Hesa'e langitta wuṛṛu sossokke, oh Mawu, ola'e manga wowone u'io'a su saruan-Nu,

TAHIUL᷊E 4:36

Wuassu langitta i Tou napararingikku tingik-Ke si'o ipangaṛṛa'a si yamiu; su runia indi i Tou buatte namasilon putung-Nge apan bahewalla, wuṛṛu wuassu putungnga i Tou uahahatton kamiu.

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

DARALO 18:9

Timbulla sinumawombola wuassu loṛṛangu ngirun-Ne, putungnga wuṛṛu waṛṛa sinumabbanga wuassu moṛṛong-Nge.

DARALO 68:9

runia niumio'a, uranna nangansalla su saruan-Nu, ana waugu niarantannu Ruatan Sinai, Ruatan Israel.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

DARALO 114:4

Manga wowone sussolo'a ere ambinga, manga wuidda tuttadintinga ere ana'u domba.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.