SASABANGNGA 19:16 - WUKE SUSI WATTI'U AL᷊AL᷊USASSA

¹⁶ Su allo atallune, su tempo marua allo, pia dallu'a wuṛṛu sawallo. Winabbawa apan maappala nilumapputa wuassu puiddu wowone wuṛṛu niaringikke tingikku trompetta apan tumaniten ma'ikatta. Anambon taumata su paddasananna mangngindon atata'utta.

SASABANGNGA 19:16 Referans Kwoze

SONDAPPA 4:1

Wua'udde ya'u naasomba aellega lai. I ya'u naasilo sambau ngara nawu'a su surga. Wua'udde inaringikka lai tingikka apan paarorone suete nabbisara si ya'u ere tingikku trompeta. Tingikka udde nabbisara, “Wette rangante isindi. I Ya'u sarun mamasingkata si'o apa apan sarun mariaddi murine.”

IBRANI 12:21

Apa apan niasiloannu manga taumatan Israel udde aroddi ahewalle na'oman sara i Musa nabbisara, “I ya'u matta'utta wuṛṛu mangngindo!”

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 8:5

Wua'udde mala'ekatta nanganu pananutunganna amania udde, wuṛṛu niloṛṛoantem putungnga wuassu meddan sasamba, see tinuntunga su wowon dunia. Ne rallu'a naposete wuṛṛu sawallo ma'ilatte, wuṛṛu nariaddite linukka.

SONDAPPA 4:5

Wuassu adderan araratuanna udde lukkena semakku sawallo wuṛṛu sinumabanga tingikku rallu'a mappose. Wuṛṛu su saruannu adderan araratuanna udde pia pitu sol᷊o lukkenggama; eteudde pitu Ghaṛṛaho Ruata.

DARALO 77:18

Winabbawa mannosokku uranna, rallu'a mappose; sawallo ma'ilatta su al᷊awo'u tampa.

AYUB 38:25

Isaite apan naal᷊i loṛṛangnga amatannu uranna wahewalla wuṛṛu nangonggollu amatanna su rallu'a wuṛṛu sawallo?

SASABANGNGA 20:18

Napawe manga taumata naaringikka rallu'a wuṛṛu tingikku trompeta, apiddu naasilo sawallo wuṛṛu wowone pia timbulla, i mangitou mangngiladda matta'utta wuṛṛu dirumarisikka marau-rau.

SASABANGNGA 9:23

I Musa namaten ta'iakke ire'e, wuṛṛu Mawu nanossokku rallu'a wuṛṛu uranna masunge, wuṛṛu sawallo mabeessa su runia. Mawu nandantan

SONDAPPA 1:10

Su allo Mawu, i ya'u niaasuttannu Ghaṛṛahon Ruata, see i ya'u naaringikka tingikka apan ma'ikkatta – nassul᷊ungngu tingikku trompeta – mabbisara su liu'u.

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

DARALO 97:4

Sawallo-Ne mannemakka runia, runia nangindo naasilo si Tou.

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

SASABANGNGA 40:34

Wua'udde niumonto'e winabbawa nangooppa Rasannu Mawu, wuṛṛu Rasanna udde napenen semakku darantan Mawu.

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

SASABANGNGA 19:11

Tillorega i mangitou ṛinone nariahite. Su allo udde Ya'u sarun sumossokka su puiddu Wowon Sinai, su tampa taumata sarangkanambone wotongnge maasilo si Ya'u.

SASABANGNGA 19:17

I Musa nangapiddi mangitou sinumabbangnga tadea'u maisasomban Duata, ana see i mangitou dirumarisikka su wawal᷊annu wowone udde.

SASABANGNGA 20:21

Arawe manga taumata udde sidutu uarisikka marau-rau, wuṛṛu tumba'u i Musa nangundannin winabbawa marandumma su tampan Duata nirumanta.

TAHIUL᷊E 5:5

Arawe ana waugu i yamiu matta'uttu putungnga wuṛṛu matal᷊o suma'a su wowone, ne i ya'u tempo udde uarisikka su wallati yamiu wuṛṛu Mawu tadea'u mamasingkattu wisaran Mawu si yamiu. Mawu nabbisara,

2 SAMUEL 22:10

I Tou nama'a langitta, ana see sinumossokke i Tou, ringannu winabbawa marandumma su al᷊ungngu ledda-Ne.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

DARALO 81:8

Sulal᷊ummu asasusanu i yamiu sussal᷊ande, ne i Ya'u nanal᷊amatta si yamiu. I Ya'u sinumimbakka si yamiu wuassu rallu'a tampa i Ya'u uaimbuni, i Ya'u nanal᷊u'atta si yamiu su al᷊imatan kua'en Meriba.