SASABANGNGA 16:23 - WUKE SUSI WATTI'U AL᷊AL᷊USASSA

²³ Unni Musa si mangitou, “Indiwe parenta Mawu; Tiṛṛabbi eteudde allo apan niṛṛae pangillol᷊oanna, allon Sabat, allo apan ionggolla su Mawu. Sarangkanambone apan itambunni yamiu allo indi, tambuna'e, wuṛṛu apa apan lahanni yamiu, lahate. Apan nilumebbe wuassu hagausanni yamiu allo indi, ṛaea'e wuṛṛu sahipunte ipaatta tiṛabbi.”

SASABANGNGA 16:23 Referans Kwoze

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

LUKAS 23:56

Wua'udde i mangitou napul᷊e see nanaddia manga rampa-rampa wuṛṛu lana mawangngi ipamokka winal᷊unannu Mawu Yesus. Su allon Sabatta, i mangitou nangillol᷊o mammanara ipallagun Titan agama.

SASABANGNGA 23:12

Annumu allo sulal᷊ummu sangkamisa i yamiu wotongnge mammanara, arawe su allo appitune i yamiu ṛinone mangillol᷊o, tadea'u winatangngu, manga allangnga wuṛṛu manga taumata raho apan mammanara ringannu wotongnge mangillol᷊o lai.

SONDAPPA 1:10

Su allo Mawu, i ya'u niaasuttannu Ghaṛṛahon Ruata, see i ya'u naaringikka tingikka apan ma'ikkatta – nassul᷊ungngu tingikku trompeta – mabbisara su liu'u.

REENGANNA 11:8

Su ṛabbi manna udde manawo suadio'a ringannu wal᷊angngukka su tampa paddasananna. Marua'allo manga taumata uapal᷊ele madea'a mangammulu manna, ana see ihilingnga ara'e waluanna maola'a taponna, wuṛṛu olaanna mabbal᷊i kukisse mal᷊imbulunna uanipissa. Atemangnge naal᷊ihidda kukisse apan nihorengngu lanan zaitun.

SASABANGNGA 16:19

I Musa nabbisara si mangitou, “Salaiwe isai tawe wotongnge manahipunna anna iaddo tiṛṛabbi.”

TAHIUL᷊E 5:12

Laghua'e allon Sabat wuṛṛu addate allo udde maola'a sambau allo na'ukkassa, ana waugu ete i Ya'u Mawu Ruatanu apan nandolokki yamiu.

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

NEHEMIA 9:14

Allon Sabat apan na'ukkassa ṛinone ilaghu mangitou, wuṛṛu wuassi Musa Tita-Nu I'o nangonggolla.

YEREMIA 17:22

Arie mammanara ara'e mangapiddu sambau saranapa sumabbangnga wuassu wal᷊enu su allon Sabatta. Ṛaea'e allo udde si Ya'u ere buatte Ta'u niparenta su al᷊amonanu.

REENGANNA 11:7

Ola'u manna naal᷊ihidda manga wattumma, lihidde mawira uaririkka.