SASABANGNGA 15:7 - WUKE SUSI WATTI'U AL᷊AL᷊USASSA

⁷ Ringannu awawantuga apan bahewalla I'o namate sarangkanambone apan lullawangnga Si'o. Asasa'u-Nu sussal᷊oi naal᷊ihidda putungnga, wuṛṛu nanutungnga si mangitou naal᷊ihidda laṛṛami.

SASABANGNGA 15:7 Referans Kwoze

YESAYA 5:24

I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

YESAYA 47:14

Pa'ellege; i mangitou ere laṛṛami apan niepoddu putungnga; i mangitou tawe mapaanal᷊amatta watanganni mangitou sassane! Ṛenggammu putungnga udde tumaniten masal᷊ihangnga si mangitou, wal᷊inewe putungnga masal᷊ihangnga panningiṛṛanna.

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

YESAYA 5:16

Arawe Mawu Apan Lembontaṛṛino namasilon awawantu-Ge ringannu ma'ola'a manara apan atonna. I Tou sarun mamasilon asasusi-Ne ringannu makkuungngu walahanna.

DARALO 148:13

Mappianne i mangitou sarangkanambone maddalo Mawu, ana waugu aran-Ne mabbantuhanna wuassu al᷊awo'u aranna; awawantu-Ge uasampal᷊iu langitta wuṛṛu runia.

DARALO 83:13

ana waugu i mangitou buatte nabbisara, “Wette anuanni ite leta'a tatanaannu Ruata.”

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

WATTI'U MANGA RASUL 9:4

I tou nema'a su leta'a see naaringikka sambau tingikka mabbisara si tou, “Saulus, Saulus! Anio i'o mandal᷊eo si Ya'u?”

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

ZAKARIA 14:8

Su allo udde, ua'e wakku sarun mangelekka wuassu Yerusalem; sambageanganna wuassu ua'e udde mangelekka watukku Tahal᷊oangnga Nate wuṛṛu sambageanganna lai watukku Tahal᷊oangnga Tangngane. Ua'e udde sarun mangelekka su al᷊o'engngu tonna, mawae sutempon uranna aroddi lai sutempon paddissa.

ZAKARIA 14:3

Wua'udde Mawu sarun inai mapapangalo mando'appa manga walahanna udde, ere buatte niolang-Nge sutempon dorone.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

MIKHA 4:11

Manambo walahanna apan naammulle mamangalo si'o, ei Yerusalem! I mangitou nabbisara, “Yerusalem ṛinone ṛimunsaanna! I yami sarun ma'ellega soa udde mabbali winal᷊alanna!”

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 37:17

Mawu, antimanna ellehewe apa apan nariaddi si yami. Daringiṛṛewe al᷊awo'u aal᷊uandagi Sanherib su saruan-Nu, Ruata apan biakka.

DARALO 68:33

Pangantarite su Ruata, ei anambon araratuanna, pangantariten daralo su Mawu,

DARALO 59:13

Ana waugu i mangitou u'al᷊iomanna ringannu manga wisaran mangitou; wala'e i mangitou iasongngan awawungane, ana waugu i mangitou apulune mammontoga wuṛṛu mammahia.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

IBRANI 12:29

Ana waugu Ruatang kite ere putungnga apan maatutungnga.

SASABANGNGA 14:27

Ana see i Musa namatten limane su wowon tahal᷊oangnga wuṛṛu su tempo matannallo sumabangke, ua'e nassul᷊ete apia olangnge ere paarorone. Taumata Mesir mattinsahadda manal᷊amatta watanganne, arawe Mawu nallammissa si mangitou sulal᷊ummu tahal᷊oangnga.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

SASABANGNGA 5:12

Ne manga taumatan Israel inaite mammal᷊intaddu ahewallu leta'u Mesir madea'a mangammulu laṛṛami.

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?