SASABANGNGA 14:8 - WUKE SUSI WATTI'U AL᷊AL᷊USASSA

⁸ Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

SASABANGNGA 14:8 Referans Kwoze

WATTI'U MANGA RASUL 13:17

Ruatam walahannu Israel suete namile iupungngu al᷊amonang kite, wuṛṛu na'ola'a walahanna indi walahanna apan wahewa su tempo i mangitou uatana'a su Mesir naal᷊ihida ere taumata raho. Wua'udde ringannu taṛṛino apan wahewa Ruata nangapiddi mangitou sinumabangnga wuassu Mesir.

REENGANNA 33:3

Walahannu Israel nanantangngu Mesir su allo mapul᷊o l᷊ima wul᷊anna paarorone, massallo napawe Paskah paarorone nal᷊iudda. Sulal᷊ummu lu'addu Mawu i mangitou nanantangngu soan Rameses, aellehannu walahannu Mesir,

TAHIUL᷊E 26:8

Ringannu taṛṛino wuṛṛu atatohassa apan bahewalla I'o namallosi yami wuassu Mesir. I'o na'ola'a manga tanda ma'atiangnga wuṛṛu manga al᷊aṛṛindu'a wuṛṛu manga arariadianna apan maata'utta seetta.

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 13:16

Inanaramanna udde nabbal᷊i pananaunganna si ite naal᷊ihidda tatiala apan niwa'issa su ta'iakka ara'e su pakkanni ite. Ringannu aroddi i ite sidutu iapaanaungnga manungku Mawu buatte napassabangngi ite wuassu Mesir ringannu taṛṛino apan bahewalla.”

SASABANGNGA 6:1

Ruata nabbisara si Musa, wisarane, “Ete i Ya'u Mawu.

DARALO 86:13

Ana waugu I'o sidutu mandangngu si ya'u ringannu darangngu apan wahewalla, I'o buatte namallossu niawa'u wuassu loṛangngu labbinga.

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

SASABANGNGA 13:18

Ana waugu udde Mawu nangapiddi mangitou umamattu lal᷊anna mamal᷊iwutta wadda'a lol᷊okka mattuddan Tahal᷊oangngu Gelagah. Su tempo manantangngu Mesir, manga taumatan Israel udde pia lutangnge naal᷊ihidda mappapangalo.

SASABANGNGA 13:9

Ramea indi maola'a pananaunganna si yamiu naal᷊ihidda tatiala apan niwa'issa si ta'iakka ara'e su pakkannu. Ramea indi mapaanaungnga si yamiu tadea'u sidutu mabbatti'a wuṛṛu mangngurumma manga Tita Mawu, ana waugu Mawu napaasabbangngi yamiu wuassu Mesir ringannu taṛṛino-Ne apan bahewalla.

SASABANGNGA 4:21

Mawu nabbisara si Musa, “I Ya'u buatte nangonggolu taṛṛino si'o ipa'ola'a manga al᷊aṛṛindu'a. Nariaddi amungkangngu i'o nabelengke su Mesir, ola'e manga al᷊aṛṛindu'a udde su saruannu ratu Mesir. Arawe i Ya'u sarun ma'ola'a si tou maatikka puane, na'oman sara i tou maddiri mamalan balahanna udde mangingkatta.

SASABANGNGA 9:12

Arawe Mawu na'ola'a ratu naungnge maattikka, wuṛṛu ere buatte niwal᷊o Mawu, ratu maddiri maddaringikka wisara i Musa ruan i Harun.

SASABANGNGA 10:27

Mawu na'ola'a ratu naungnge maattikka na'oman sara i tou maddiri mamalan balahannu Israel inai mapul᷊e.

SASABANGNGA 14:7

I Tou inaite ringannu anambon keretane nasutta lai annumu ṛasutta kereta apianne, apan sasa'eannu manga tembonannu tantarane.

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

SASABANGNGA 15:9

Unnu seetta, ‘I mangitou sarun ta'u enggenanna wuṛṛu ta'u sametanna, ta'u sawutanna hal᷊ele'u, wuṛṛu ta'u pateanna abbi i mangitou. Ana see anambon darotongngi mangitou ta'u anuanna, ta'u tahianna wuṛṛu ipaatta ma'oman sara mawusa.’

LAL᷊ALLU 3:65

Wontohete i mangitou, wuṛṛu wala'e i mangitou uatana'a sulal᷊ummu asasusa.

IMAMATTA 26:13

I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

YOSUA 11:20

Mawu napaattiku naungngi mangitou ana see sidutu mapapangalon taumatan Israel, tadea'u i mangitou insueanna, wuṛṛu pateanna abbi ringannu tawe ampunge ere buatte nirolokku Mawu si Musa.

MAL᷊AṚṚUUNGNGA 4:7

Paṛaddote si Ya'u mandolokki Sisera, tembonannu tantaran Yabin, rumanta ringanni yamiu su Sal᷊ukku Kison ringannu tantarane wuṛṛu manga keretan pangalone mamangalo si yamiu. Arawe i Ya'u sarun mangonggolu auntunganna si yamiu sulal᷊ummu pangalo udde.’ ”

DARALO 105:43

Ne al᷊aṛṛanang-Nge niehen-Ne ringannu al᷊al᷊uassa, manga taumata nipile-Ne ringannu hio lullala'a.