SASABANGNGA 14:5 - WUKE SUSI WATTI'U AL᷊AL᷊USASSA

⁵ Napawe ratu Mesir naaringikka manungku balahannu Israel tinumal᷊angke, i tou wuṛṛu manga mammamanaran araratuanne sinumassilla wuṛṛu nabbisara, “Apate sarun olaanni ite? Anio i ite namalan manga taumatan Israel udde napul᷊e na'oman sara i ite niawul᷊iannu manga allangnga?”

SASABANGNGA 14:5 Referans Kwoze

DARALO 105:25

I Tou namal᷊u naungngu taumatan Mesir na'oman sara narantinnu al᷊aṛṛanang-Nge, wuṛṛu nakkagissa manga allang-Nge.

SASABANGNGA 12:33

Manga taumata Mesir mammata'u taumatan Israel tadea'u paal᷊ihakka manantangngu wanua udde. Unni mangitou, “Yami sarangkanambone sarun mate amungkangu i yamiu tawe inai!”

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 14:6

Ana see ratu nanaddiate keretan pangalo wuṛṛu tantarane.

SASABANGNGA 15:9

Unnu seetta, ‘I mangitou sarun ta'u enggenanna wuṛṛu ta'u sametanna, ta'u sawutanna hal᷊ele'u, wuṛṛu ta'u pateanna abbi i mangitou. Ana see anambon darotongngi mangitou ta'u anuanna, ta'u tahianna wuṛṛu ipaatta ma'oman sara mawusa.’

PANDARIADDI 31:22

Wakkute tallu allo nal᷊iudda i Laban nipasingkatanna manungku i Yakub tinumal᷊angke.