SASABANGNGA 14:31 - WUKE SUSI WATTI'U AL᷊AL᷊USASSA

³¹ Napawe taumatan Israel naasilo ereapa Mawu ringannu taṛṛino-Ne apan bahewalla naparugin taumata Mesir, i mangitou tinumiangnga na'oman sara mangngimante si Tou wuṛṛu si Musa, allang-Nge udde.

SASABANGNGA 14:31 Referans Kwoze

YOHANES 2:11

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 11:45

Manambo manga taumatan Yahudi nirumanta mattembo si Maria, nangimanna Mawu Yesus su tempo i mangitou naasilo arariaddianna udde.

LUKAS 8:13

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

WATTI'U MANGA RASUL 8:13

I Simon sassane lai nangngimanna. Wuṛṛu napawe suete nissaṛṛani, i tou sidutu uatantalongnga si Filipus. Manga al᷊aṛṛindu'a apan suete nariaddi udde, mangke ma'atiangnga si Simon.

1 SAMUEL 12:18

Ana see i Samuel inumal᷊iomante, ne su allo udde lai Mawu nanossokku rallu'a wuṛṛu uranna. Anambon walahanna udde nata'uttu Mawu wuṛṛu i Samuel.

IBRANI 3:5

I Musa matuṛṛuta ere sangkatou mangangaṛṛa'a su Wal᷊e Mawu wuṛṛu mabatti'u manga inolaanna apan sarun iapaasingkatu Ruata su tempo apan sarun rumanta.

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”

1 SAMUEL 12:16

Orassa indi daringiṛṛe apia! Panutukka al᷊aṛṛindu'a wahewalla apan sarun olaannu Mawu su saruannu matanu.

NEHEMIA 9:9

I'o na'ellega asasusa al᷊amonan kami sutempo nanangkal᷊iu; I'o naddaringikka lal᷊uaine su Mesir wuṛṛu su Tahal᷊oangngu Teberau.

YOSUA 4:14

Allo udde Mawu na'ola'a manga inolaanna tadea'u walahannu Israel mangaddata si Yosua ere sangkatou taumata wahewa. Su al᷊o'engngu pabbiaṛṛanne i mangitou mangngaddata si tou erelai i mangitou mangngaddata si Musa.

YOSUA 24:7

i mangitou sinumal᷊ande si Ya'u naiontolla. Ne tampa su wallati mangitou wuṛṛu manga taumatan Mesir udde Ta'u niola'a nabbal᷊i marandumma, wuṛṛu taumatan Mesir Ta'u nioopannu ua'en tahal᷊oangnga na'oman sara i mangitou sarangkanambone nal᷊ammissa. I yamiu naasingkatte al᷊awo'u inolaang-Ku su Mesir. Mal᷊annu atonna i yamiu uatana'a su wadda'u anne.