SASABANGNGA 12:37 - WUKE SUSI WATTI'U AL᷊AL᷊USASSA

³⁷ Taumatan Israel inaite wuṛṛu niumamattu ledda wuassu soa Raamses watukku soa Sukot. Reenganni mangitou sarangkanambone 600.000 su atoune, tawe nareengnga wawine wuṛṛu al᷊aṛṛana'a.

SASABANGNGA 12:37 Referans Kwoze

SASABANGNGA 38:26

Reenganna udde uasul᷊ungngu apa apan buatte niwaeṛṛannu taumata apan nawoṛṛetta sulal᷊ummu sensus udde. Suapan taumata, mamaekka aregane apan buatte nitantunna, nitimbangnga tumuṛṛuttu timbanganna apan ipappaatta. Sulal᷊ummu sensus udde nawoṛṛetta 603.550 esakka uukke ruan pul᷊o su tonnane ire'e.

REENGANNA 33:5

Napawe walahannu Israel nanantangngu Rameses, i mangitou naddasanna su Sukot.

REENGANNA 33:3

Walahannu Israel nanantangngu Mesir su allo mapul᷊o l᷊ima wul᷊anna paarorone, massallo napawe Paskah paarorone nal᷊iudda. Sulal᷊ummu lu'addu Mawu i mangitou nanantangngu soan Rameses, aellehannu walahannu Mesir,

REENGANNA 11:21

Ana see i Musa nabbisara su Mawu, “Walahanna apan iappiaṛṛa'u indi sarangkanambone 600.000 su atoune. Ereapa I'o mabbisara manungku sarun mangonggolu Remessa si mangitou sulal᷊ummu sambul᷊anna al᷊annune?

PANDARIADDI 47:11

I Yusuf nassumbala iamangnge wuṛṛu manga tuṛṛangnge namanua su Mesir. I tou nangonggolu leta'a si mangitou maola'a pussa'a apan apianne su wanua udde, maranin soan Rameses ere buatte nirolokku ratu.

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

REENGANNA 26:51

Esakku Israel sarangkanambone 601.730 su atoune.

REENGANNA 2:32

Reengannu taumatan Israel apan uawoṛṛetta sulal᷊ummu manga wuntuanu tumuṛṛuttu pasukannu sambau-sambau, eteudde 603.550 su atoune.

PANDARIADDI 46:3

“I Ya'u Ruata, Ruata apan sassubbannu iamangngu,” wisara-Ne. “Arie pa'ata'utta inai watukku Mesir. I Ya'u sarun mandiadi papapulunnu balahanna apan bahewalla poiaroddi.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

SASABANGNGA 10:9

Sasimbakki Musa, “Yami sarangkanambone, mawae ete dario'a aroddi lai timmade. Yami sarun mangapiddu ana'i yami sarangkanambone, anambon sapi, domba wuṛṛu ambingngi yami, ana waugu yami sarun mallaghun sambau ramea wahewalla ipangaddata Mawu.”

SASABANGNGA 13:20

Taumatan Israel nanantangngu Sukot wuṛṛu naddasanna su soa Etam, su winggin badda'a lol᷊okka.

REENGANNA 1:2

“I'o wuṛṛu i Harun ṛinone mandeengngu anambon walahannu Israel, tumuṛṛuttu ṛuanganna wuṛṛu amonannu sambau-sambau. Pa'ola'e pamoṛṛetannu arannu anambon esakka