SASABANGNGA 12:22 - WUKE SUSI WATTI'U AL᷊AL᷊USASSA

²² Panganute lai samba'issa hisop, ammoa'a sulal᷊ummu mangko apan lal᷊oṛṛoannu daṛṛa domba udde, ana see wuṛṛa'a su darua sal᷊aba'u ngara wuṛṛu pua ngara al᷊iurosone wuassu wal᷊enu. Maddatingngu marua'allo imbaṛṛangnga pia sangkatou su wallati yamiu manantangngu wal᷊en.

SASABANGNGA 12:22 Referans Kwoze

IBRANI 11:28

Ana waugu mangngimanna, ne i Musa nallaghum Paskah wuṛṛu namarenta tadea'u iwokka ṛaṛṛa su ngara wal᷊en taumatan Israel taddea'u Mala'ekattu Papate tawe mamate al᷊aṛṛana'a pahul᷊u mangitou.

DARALO 51:7

Mangke atonna, i ya'u lal᷊eo ro'en i ya'u niasungkangnga, wuṛṛu naṛṛaitannu rosa ro'en ta'e su illoṛṛo.

REENGANNA 19:18

Sulal᷊ummu olangnge paaororone, eteudde amungkangngu pia taumata apan paarorone nate sulal᷊ummu rasanna, taumata apan baresi ṛinone manganu sandanna hisop, iammo sulal᷊ummu ua'e udde, ana see mamokka rasanna udde wuṛṛu al᷊awo'u saranapa apan uaraddo sulal᷊umme, wuṛṛu manga taumata isudde lai. Su olangnge aruane, eteudde napawe sangkatou naeṛṛetannu asuangnga, labbingnga ara'e duṛṛin taumata nate, taumata apan baresi udde ṛinone mamokka taumata apan ma'arantinna udde ringannu olangnge apan uasul᷊ungnga lai.

IBRANI 9:19

Paarorone atonna i Musa namasingkatu anambon titan Ruata su walahannu Israel. Wua'udde i Musa nanganu ṛaṛṛan ana'u sapi wuṛṛu ṛaṛṛang kambinga esakka, see nillo'annu ua'e, wua'udde nialassa su Wuke Manga Titan Ruata wuṛṛu su anambon walahannu Israel ringannu nappaattu nannal᷊o hisop wuṛṛu wambul᷊un domba lihidde ere ate.

IBRANI 9:1

Pa'aire apan paarorone pia manga atorannu patataṛṛamawu, wuṛṛu pia lai tampa patataṛṛamawuanna niola'u taumata.

SASABANGNGA 12:7

Daṛṛane addio'a wuṛṛa'a su darua diṛṛi ngara wuṛṛu su pua ngaran bal᷊e su tampa i mangitou u'inassa.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

MATIUS 26:30

Wua'udde i mangitou nangantarin sambau antari daralo. Wuṛṛu wua'udde i mangitou inaite watukku Wuiddu Zaitun.

YESAYA 26:20

Suttate sulal᷊ummu wal᷊enu, ei pabbawala'u, ana see ṛuura'e ngara. Pa'imbunite tantal᷊angkadio'a ma'oman sara asasa'u Mawu muddussa.

YOSUA 2:19

Amungkangu su wallati mangitou piaddu sumabbanga wuassu wal᷊en indi wuṛṛu nate niapate, papatene udde sal᷊ane sassane; yami waggan hatto udde. Arawe amungkangu piaddu nasilaka sulal᷊ummu wal᷊en indi, udde singkatteng kami.