SASABANGNGA 12:16 - WUKE SUSI WATTI'U AL᷊AL᷊USASSA

¹⁶ Su allo paarorone, wuṛṛu lai su allo appitune, i yamiu ṛinone ma'ammulla mattaṛṛamawu. Su allo udde imbaṛṛangnga i yamiu mammanara tabene'e mallaha anna.

SASABANGNGA 12:16 Referans Kwoze

REENGANNA 28:18

Su allo paarorone su ramea udde i yamiu ṛinone ma'ola'a ammulu patataṛṛamawu, wuṛṛu imbaṛṛangnga mammanara mawakkata.

REENGANNA 28:25

Su allo appitune i yamiu ṛinone ma'ola'a ammulu patataṛṛamawu wuṛṛu tawe wotongnge mammanara mawakkata.

SASABANGNGA 16:23

Unni Musa si mangitou, “Indiwe parenta Mawu; Tiṛṛabbi eteudde allo apan niṛṛae pangillol᷊oanna, allon Sabat, allo apan ionggolla su Mawu. Sarangkanambone apan itambunni yamiu allo indi, tambuna'e, wuṛṛu apa apan lahanni yamiu, lahate. Apan nilumebbe wuassu hagausanni yamiu allo indi, ṛaea'e wuṛṛu sahipunte ipaatta tiṛabbi.”

REENGANNA 29:12

Su allo mapul᷊o l᷊ima wul᷊anna appitune i yamiu ṛinone ma'ola'a ammulu patataṛṛamawu, wuṛṛu tawe wotongnge mammanara mawakkata. Al᷊annune pitu allo i yamiu ṛinone ma'ola'a ramea ipangaddata Mawu.

REENGANNA 29:1

Su allo paarorone wul᷊anna appitune i yamiu ṛinone ma'ola'a ammulu patataṛṛamawu, wuṛṛu tawe wotongnge mammanara manara mawakkata. Su allo udde manga trompeta ṛinone iapatuntingikka.

IMAMATTA 23:35

Su al᷊annune pitu allo udde, miallo-miallo i yamiu ṛinone mangonggolu sasamba anna. Su allo paarorone wuṛṛu aual᷊une i yamiu ṛinone ma'ola'a ammul᷊annu patataṛṛamawu wuṛṛu mangonggolu sasamba anna su Mawu. Arie mammanara mawakkatta su allo udde.

IMAMATTA 23:21

Su allo udde i yamiu ṛinone ma'ola'a ammul᷊annu patataṛṛamawu wuṛṛu tawe wotongnge mammanara mawakkata. Atoranna indi ṛinone tattuṛṛutannu papapulunnu saran mal᷊annu-l᷊annu, su al᷊awo'u tampa i mangitou uatana'a.

SASABANGNGA 20:10

arawe allo appitune uddewe allo pangillol᷊oanna apan niṛṛae tumba'u hunane si Ya'u. Su allo udde tawe saran sangkatou apan botongnge mammanara, mawae i yamiu, ara'e lai manga anangngu, manga allangngu, winatangngu ara'e taumata raho apan uatana'a su wanuanu.

SASABANGNGA 16:29

Paanaungete manung-Ku i Ya'u nangonggola si yamiu allo massalo ipangillol᷊o. Ana waugu udde su allo aiannume i Ya'u nangonggolu anna apan uatimu su rua allo. Su allo appitune suapan taumata ṛinone matana'a su wal᷊en, wuṛṛu tawe wotongnge sumabbanga.”

SASABANGNGA 16:5

Su allo aiannumme i mangitou ṛinone i mangitou mangammulu anna paarua anambone wuassu allo nangkal᷊iu.”

YOHANES 19:31

Manga tembonannu Yahudi maddiri winal᷊unannu manga taumata apan niarussa udde mangke ua'ele su alu arussa su allon Sabatta, lembonete Sabatta paassa indi Allo Wahewa apan apianne. Ana waugu su allo Mawu Yesus niarussa naṛṛino massallo taambe allon Sabatta, manga taumatan Yahudi nadorongnga si Pilatus mamadi ledda manga taumata apan suete niarussa wuṛṛu manossokku manga winal᷊unanna udde wuassu alu arussa.

SASABANGNGA 34:18

Ramea'e Andeangngu Roti Tawe Ragine. Ere lai buatte Ta'u nirolokka si'o, i yamiu ṛinone umanna roti tawe ragine al᷊annune pitu allo sulal᷊ummu wul᷊anna Abib, ana waugu sulal᷊ummu wul᷊anna udde i yamiu nanantangngu Mesir.

TAHIUL᷊E 16:8

Al᷊anune annumu allo manansunna, i yamiu ṛinone umanna roti tawe ragine. Su allo appitune i yamiu ṛinone ma'ammula massubba Mawu Ruatanu. Imbaṛṛangnga mammanara su allo udde.”

YESAYA 1:13

Tawe gunane i yamiu mangapiddu sasambanu udde. Hal᷊urune maamuta si Ya'u. Ya'u maddantinna wuṛṛu tawe maataṛṛangnga ma'ellega si yamiu maddamean Bulanna Wakku, manga allon Sabat wuṛṛu manga allo wahewalla see lai manga pasasomban patataṛṛamawu. Sarangkanambone udde nil᷊al᷊eo manga rosanu wuṛṛu naola'a winabbawa-U; i Ya'u nallomete uapasanna.

REENGANNA 28:26

Su allo paarorone su Andeangngu Pangangitinga, allo wahewa nal᷊iudde pitun kamisa, su tempo i yamiu mangonggolu gandumma wakku su Mawu, i yamiu ṛinone ma'ola'a ammula mattaṛṛamawu, wuṛṛu tawe wotongnge mammanara mawakkata.