SASABANGNGA 1:7 - WUKE SUSI WATTI'U AL᷊AL᷊USASSA

⁷ Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

SASABANGNGA 1:7 Referans Kwoze

PANDARIADDI 46:3

“I Ya'u Ruata, Ruata apan sassubbannu iamangngu,” wisara-Ne. “Arie pa'ata'utta inai watukku Mesir. I Ya'u sarun mandiadi papapulunnu balahanna apan bahewalla poiaroddi.

TAHIUL᷊E 26:5

Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.

PANDARIADDI 1:28

Wua'udde Ruata nangal᷊amatta si mangitou ringannu wisara “Paṛṛitete ringannu paanambo tadea'u papapulunnu mamanua su ahewallu runia wuṛṛu mamarenta sarangkanambone udde. I yamiu Ta'u iapamanara mallu'adda manga inassa, manga manu'u winalanganna, wuṛṛu manga winatangnga matengnga waine.

PANDARIADDI 47:27

Etearoddi manga taumatan Israel namanua su Mesir, su leta'u Gosyen. I mangitou nabbal᷊i ala wuṛṛu naṛṛitete manambo isudde.

PANDARIADDI 35:11

Ana see Ruata nabbisara apia, “Ete i Ya'u Ruata Lembontaṛṛino. I'o pabbalage ringannu manambo-nambo! I'o sarun manossokku manga balahanna wuṛṛu maola'a iamangngu al᷊amona manga ratu.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 9:1

Ruata nangal᷊amatta si Nuh wuṛṛu al᷊aṛṛanangnge lapiddu nabbisara, “Pabbalage ringannu manambo, tadea'u papapulunnu mamanua su ahewallu runia.

NEHEMIA 9:23

I'o na'ola'a papapulunni mangitou anambone ere manga anumpitanna su winalanganna. I'o nangonggollu leta'a si mangitou maola'a tampa atatanaanne, leta'a apan buatte nipa'ire-Nu su iupungngu al᷊amonane.

TAHIUL᷊E 10:22

Su tempo iupungngu al᷊amonanu inaite watukku Mesir, reenganni mangitou tumba'u pitun pul᷊o su atoune. Arawe Mawu Ruatanu buatte na'ola'a reengannu anambone ere anumpitanna su langitta.”

PANDARIADDI 48:4

I tou buatte nabbisara si ya'u, “I Ya'u sarun mangonggolla si'o manambo ana'a pulunna, tadea'u papapulunnu maola'a manambo balahanna; i Ya'u sarun mangonggolu wanua indi su papapulunnu maola'a pussa'a mangitou saran mal᷊annu-l᷊annu.”

PANDARIADDI 17:16

I Ya'u sarun mangal᷊amatta si tou wuṛṛu i tou sarun manungkangngu sangkatou ana'a esakka apan sarun Ta'u ionggolla si'o. Ore, i Ya'u sarun mangal᷊amatta si Sara, wuṛṛu i tou sarun maola'a inangngu al᷊amonan manga balahanna. Su wallatu manga papapulunne sarun piaddu maola'a manga ratu.”

DARALO 105:24

Mawu na'ola'a al᷊aṛṛanang-Nge aatambanna anambone, na'oman sara i mangitou mattohasanna wuassu ro'amme.

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 1:20

Wua'udde Ruata nabbisara, “Ṛinone sulal᷊ummu ua'e mangngal᷊iapakka manambo hatin arariadianna wiakka, wuṛṛu su winalanganna tuttalla'a manambo hatin manu'a.”

SASABANGNGA 12:37

Taumatan Israel inaite wuṛṛu niumamattu ledda wuassu soa Raamses watukku soa Sukot. Reenganni mangitou sarangkanambone 600.000 su atoune, tawe nareengnga wawine wuṛṛu al᷊aṛṛana'a.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

WATTI'U MANGA RASUL 13:17

Ruatam walahannu Israel suete namile iupungngu al᷊amonang kite, wuṛṛu na'ola'a walahanna indi walahanna apan wahewa su tempo i mangitou uatana'a su Mesir naal᷊ihida ere taumata raho. Wua'udde ringannu taṛṛino apan wahewa Ruata nangapiddi mangitou sinumabangnga wuassu Mesir.

PANDARIADDI 26:22

Wua'udde i tou nangingkatta wua isudde wuṛṛu na'al᷊i paṛṛihi atallune. Paassa indi tawe naola'a patatiakka. Ana waugu udde paṛṛihi udde nissagon Ishak “Apapallossa”. Wisarane, “Orassa indi Mawu buatte nangonggolla si ite loakke matana'a su wanua indi, wuṛṛu i ite sarun maala isindi”.

SASABANGNGA 1:12

Arawe lembon sassansarannu taumata Mesir, ewe'e lembon aatambanna reengannu taumatan Israel, wuṛṛu nassal᷊iawukke i mangitou su ahewallu wanua udde, na'oman sara taumata Mesir matta'utte mangitou.

SASABANGNGA 5:5

Manga taumata udde tumaniten manambo reenganne. Wuṛṛu orassa indi yamiu ma'apulu tadea'u i mangitou mangillol᷊o mammanara!”

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

YEHEZKIEL 16:7

I Ya'u nanganu ua'e ana see Ta'u niukkassa daṛṛa wuassu waddangngu. Ta'u niraddassa awangngu ringannu lanan zaitun. Ta'u niwuwunna i'o ere sasuanna apan masuwukka. I'o tinumuwo mal᷊ihakka, sehatta wuṛṛu mal᷊angkassa, see naola'a sangkatou maṛṛuala. Susunu mannattakke tuttuwo wuṛṛu utangngu mal᷊o'engnga, arawe i'o tantol᷊e. Sutempo i Ya'u sinumabbi apia, i Ya'u naasilo manungku nia'omante tempone matatunanga. Ta'u niluṛṛe juba-U su waddangngu apan uatantol᷊e, wuṛṛu Ta'u pina'ire pattatunga-U si'o. Ore, i Ya'u na'ire paa'awingnga ringannu, wuṛṛu i'o mabbal᷊i tatahuanang-Ku. I Ya'u, Mawu Apan Atanggaṛṛanne buatte nabbisara.