RUT 2:18 - WUKE SUSI WATTI'U AL᷊AL᷊USASSA

¹⁸ Wua'udde i tou napul᷊ete su soa ringannu uaapiddu ina'ule nipurutta udde wuṛṛu niapasilo su la'iananne sangkura anambone apan buatte nipurunne. Wuṛṛu i tou lai nangonggola su la'iananne udde anna apan tawe nasue su tempo i mangitou niumanna.

RUT 2:18 Referans Kwoze

RUT 2:14

Napawe nia'omante tempone umanna, i Boas nabbisara si Rut, “Wette umanna. Indi lal᷊andinne.” Ne i Rut niumante suadio'a ringannu mangangitingnga. I Boas nangonggolu lai ganduma mamara si tou. Wuṛṛu i Rut niumanna mal᷊ai-l᷊aidda. Wua' inumanna, ta'e pia lai lambene.

1 TIMOTIUS 5:4

Arawe amungkangu sangkatou wawine wal᷊u pia al᷊aṛṛana'a ara'e manga pulunna, ete i mangitou udde apan paarorone onggol᷊annu tatantiro manungku i mangitou ṛinone ma'ellega lal᷊ummu wal᷊en mangitou, wuṛṛu mabbal᷊issa apapian timmade wuṛṛu iupungngi mangitou. Ana waugu pallal᷊agu udde maal᷊uassa naungngu Ruata.

RUT 2:17

I Rut sidutu mammurutta gandumma su wailla na'oman sara wawallo. Napawe i tou mammapa'e manga raen ganduma lapiddu ipamallosu watune wuassu raene, inauranna i tou napangallude iraṛṛangngo mapul᷊o su kilone.